Mar 14:27-31 | KjhHMNT | STEP | Иисус оларға теен: – Пу хараазын сірер прайзыңар Мині тастирзар. Пазыл парған нооза: «Хадарҷыны ӧдірібізербін, хойлары тарасхлап парарлар».

‏ Mark 14:27-31

27 Иисус оларға теен:

– Пу хараазын сірер прайзыңар Мині тастирзар. Пазыл парған нооза: «Хадарҷыны ӧдірібізербін, хойлары тарасхлап парарлар». 28 Че тірілген соонда Мин сірерні Галилей чирінде сағирбын.

29 Пётр Иисусха чоохтанған:

– Прайзы даа сині тастап парыбысса, мин тастабаспын.

30 Андада Иисус ағаа теен:

– Сынны чоохтапчам сағаа, пуох хараазын, питук ікі хати тапсаанҷа, Миннең ӱс хати тӧдір поларзың.

31 Че Пётр хатап-хатап чоохтанған:

– Синнең хада ӧлімге дее парарға киліссе, мин Синнең хыйа полбаспын.

Пасха даа ӱгренҷілері ідӧк тееннер.