Mar 2:23-28 | KjhHMNT | STEP | Пірсінде суббота кӱнде Иисусха тамах ӧсчеткен хыра хастади иртерге киліс парған. Аның ӱгренҷілері, чол пара, пазах ӱс сыхханнар.

‏ Mark 2:23-28

Кізі Оолғы суббота даа кӱннің ээзі

(Мф 12:1-8; Лк 6:1-5)

23 Пірсінде суббота кӱнде Иисусха тамах ӧсчеткен хыра хастади иртерге киліс парған. Аның ӱгренҷілері, чол пара, пазах ӱс сыхханнар. 24 Фарисейлер андада Ағаа тееннер:

– Кӧрдек, олар суббота кӱнде итпес ниме итчелер.

25 Иисус оларға нандырған:

– Давид паза аннаң хада полған чоны астап парғаннарында, ол ниме иткенін сірер хаҷан даа хығырбаазар ба? 26 Хайди ол, Авиафар теен иң улуғ абыстың тузында Худай туразынзар кір киліп, Худайға салылған паза абыстар ла чіҷең тайығ халазын чіп, хада полғаннарына пирген. 27 – 28 Кізі субботаа нимес, че суббота кізее иділген. Аннаңар Кізі Оолғы суббота даа кӱннің ээзі полча.