Mat 4:18-22 | KjhHMNT | STEP | Пірсінде Иисус, Галилей кӧлі хазынҷа парчадып, ікі харындасты кӧр салған. Пётр тіп ады-солалығ Симон паза аның харындазы Андрей сӧзірбелерін кӧлзер тастапчатханнар. Олар палыхчылар полғаннар.

‏ Matthew 4:18-22

Иисустың пастағы ӱгренҷілерінеңер

(Мк 1:16-20; Лк 5:1-11)

18 Пірсінде Иисус, Галилей кӧлі хазынҷа парчадып, ікі харындасты кӧр салған. Пётр тіп ады-солалығ Симон паза аның харындазы Андрей сӧзірбелерін кӧлзер тастапчатханнар. Олар палыхчылар полғаннар. 19 Иисус оларға теен:

– Минің соомҷа парыңар, Мин сірерні, палых тутханни, кізілерні тут полар ит саларбын.

20 Олар сах андох, сӧзірбелерін тасти, Аның соонҷа пар сыхханнар. 21 Аннаң андар парчадып, Иисус Зеведейнің оолларын Иаковнаң Иоанны кӧр салған. Олар, Зеведейнең кимеде одырып, сӧзірбелерін тағырапчатханнар. Иисус Зеведейнің оолларын даа хығырып алған. 22 Сах андох, пабазын паза кимені тасти, харындастар Аның соонҷа пар сыхханнар.