Luke 22:7-14
Ӱлӱкӱн чиизін тимнеені
(Мф 26:17-25; Мк 14:12-21; Ин 13:21-30)
7Ачытпаан халас пайрамы чит килгенде, Па́схаа салылған хурағанны соғарға кирек полған. 8Иисус, Пётрнаң Иоанны ызып, теен: – Парып, піске Па́сханың чиизін тимнеп салыңар. – 9Чиисті хайда тимнеп салибіс тіп сағынчазың? – сурғаннар олар Иисустаң. 10Иисус оларға нандырған: – Саарзар кірер арада, сірерге суғлығ ыраға апарчатхан кізі тоғас парар. Аның соонҷа парып, ол кірген тураа кіріңер. 11Анаң тура ээзіне чоохтирзар: «Ӱгретчі, ӱгренҷілерінең хада Па́сха чиизін чіҷең орын хайдадыр тіп, сурча». 12Ол кізі сірерге ӧӧркі хадылдағы улуғ пӧлікте орын кӧзіт пирер. Анда тимнеп салыңар. 13Олар парып, прай нимені Иисус чоохтаанни таап алып, Па́сха чиизін тимнеп салғаннар.Иирдегі чиис
14Тузы читкенде, Иисус он ікі илҷізінең хада азыранарға одырған.
Copyright information for
KjhHMNT