Matthew 12:9-14
Холы хуруп парған кізіні субботада имнебіскені
(Мк 3:1-6; Лк 6:6-11)
9Анаң Ол, хыйа парып, оларның синагогаларынзар кірген. 10Анда холы хуруп парған кізі полған. Синагогадағылар, Иисусты пыролирға полып, Аннаң сурғаннар: – Субботада имнирге чарир ба? 11Иисус, тізең, оларға теен: – Субботада чалғыс хойыңар оймахха тӱс парза, сірернің хайзыңар, холын сунып, сығара тартпас? 12Кізі, тізең, хойдаң хай-хай аарлығ. Аннаңар чахсы киректерні субботада даа идерге чарир. 13Анаң Иисус ол кізее теен: – Холың алнынзар сун. Анзы сунғандох, пу холы, пірсіӧк чіли, хазых пол парған. 14Фарисейлер, тізең, сых парыбызып, Иисусты чох идердеңер чӧптес сыхханнар. Че Иисус, аны піл салып, андартын парыбысхан.
Copyright information for
KjhHMNT