Matthew 3:13-17
Иисус Христостың кіреске тӱскені
(Мк 1:9-11; Лк 3:21-22)
13Иисус, Аны Иоанн кіреске тӱзірзін тіп, Галилей чирінең Иорданзар килген. 14Иоанн, тізең, Аны тохтадып, теен: – Мағаа Синнең пастыра кіреске тӱзерге кирек, Син, тізең, минзер килчезің! 15Че Иисус ағаа нандырған: – Сағам піди ползын. Худай пістең сағыпчатхан прай орта киректерні толдыр саларға кирекпіс. Андада Иоанн ідӧк чарат салған. 16Иисус, кіреске тӱзіп, суғдаң сыххандох, тигір Ағаа азыл парған, олох туста Иоанн Худай Худы Иисуссар тахырах хус чіли тӱзіп, Ағаа одырыбысханын кӧр салған. 17Ол туста тигірдең ӱн истілген: – Пу Минің хынған Оолғым, Ол Минің кӧңніме тың кірче.
Copyright information for
KjhHMNT