1 Chronicles 26
1ပှၤပၢၤပဲတရီအတၢ်နီၤဖးအဂ့ၢ်. လၢပှၤကိၤရးဖိအကျါမ့ၢ်စီၤကိၤရးအဖိခွါစီၤမရှ့လ့ၤမယၤလၢစီၤအၤစာ်အဖိခွါအကျါလီၤ. 2ဒီးစီၤမရှ့လ့ၤမယၤအဖိခွါမ့ၢ်အဝဲၢ်ကိစီၤစကၤရယၤ,ခံဂၤတဂၤစီၤယဒံၤဧ့လး,သၢဂၤတဂၤစီၤစဘၤဒယၤ,လွံၢ်ဂၤတဂၤစီၤယၤသနံၤအ့လး, 3ယဲၢ်တဂၤတဂၤစီၤဧ့ၤလၣ်,ဃုဂၤတဂၤစီၤယိဃၤနၣ်,နွံဂၤတဂၤစီၤအ့လံၤဧ့နံၤလီၤ. 4ဒီးစီၤဧိၤဘ့းအ့ဒိၣ်အဖိခွါမ့ၢ်အဝဲၢ်ကိစီၤၡမါယၤ,ခံဂၤတဂၤစီၤယဟိစဘး,ဒီးသၢဂၤတဂၤစီၤယိအၤ,ဒီးလွံၢ်ဂၤတဂၤစီၤစၤကၢ်,ဒီးယဲၢ်ဂၤတဂၤစီၤနၤသန့းလး, 5ဃုဂၤတဂၤစီၤဧးမံအ့လး,နွံဂၤတဂၤစီၤယံးစၣ်ကၢ်,ဃိးဂၤတဂၤစီၤပဧူလသဲၤလီၤ.အဂ့ၢ်ဒ်အံၤ,ယွၤဆိၣ်ဂ့ၤအီၤလီၤ. 6ဒီးဖိခွါတဖၣ်အိၣ်ဖျဲၣ်လၢအဖိခွါစီၤၡမါယၤအဂီၢ်လၢအပၢအပၢ်အဟံၣ်လီၤ.အဂ့ၢ်ဒ်အံၤ,မ့ၢ်ပှၤအဒိၣ်အဆူၣ်လီၤ. 7စီၤၡမါယၤအဖိခွါမ့ၢ်စီၤဧီၤသနံ,ဒီးစီၤရဖၤအ့လး,ဒီးစီၤဧိၤဘ့း,စီၤအ့လစၤဘးလၢအဒီပုၢ်ဝဲၢ်မ့ၢ်ပှၤအဆူၣ်,စီၤအလံဟူၤ,ဒီးစီၤစမၤကယၤလီၤ. 8အဝဲသ့ၣ်ခဲလၢာ်န့ၣ်လၢစီၤဧိၤဘ့းအ့ဒိၣ်အဖိခွါအကျါ,အဝဲသ့ၣ်ဒီးအဖိခွါဒီးအဒီပုၢ်ဝဲၢ်,ပှၤအဆူၣ်အိၣ်ဒီးအဂံၢ်အဘါလၢတၢ်မၤအဂီၢ်န့ၣ်မ့ၢ်ပှၤဃုဆံခံဂၤဘၣ်ဃးဒီးစီၤဧိၤဘ့းအ့ဒိၣ်လီၤ. 9ဒီးစီၤမရှ့လ့ၤမယၤအိၣ်ဝဲဒီးအဖိခွါ,ဒီးအဒီပုၢ်ဝဲၢ်,အပှၤအဆူၣ်တဆံဃိးဂၤလီၤ. 10ဒီးစီၤဃိစၤလၢစီၤမရၤရံၤအဖိခွါအကျါတဂၤအိၣ်ဝဲဒီးအဖိခွါတဖၣ်,တၢ်အခီၣ်ထံးတဂၤစီၤၡံမရံ,(အဂ့ၢ်ဒ်အံၤ,တမ့ၢ်ဘၣ်ပှၤဝဲၢ်ကိဘၣ်ဆၣ်ဒီး,အပၢ်ပာ်အီၤလၢအခီၣ်ထံး,) 11ခံဂၤတဂၤစီၤဃံးလကံယၤ,သၢဂၤတဂၤစီၤတဘၤလယၤ,လွံၢ်ဂၤတဂၤစီၤစကၤရယၤလီၤ.စီၤဃိစၤအဖိခွါဒီးအဒီပုၢ်ဝဲၢ်ခဲလၢာ်န့ၣ်မ့ၢ်တဆံသၢဂၤလီၤ. 12လၢပှၤအခိၣ်တဖၣ်အကျါန့ၣ်တၢ်နီၤဖးပှၤပၢၤပဲတရီတတီၤတတီၤသဃီၤဒီးအဒီပုၢ်ဝဲၢ်,ဒ်သိးအကမၤတၢ်အခ့အပှၤအတၢ်မၤလၢယွၤအဟံၣ်ပူၤလီၤ. 13ဒီးဖးဝဲ,အဒိၣ်ဒ်အဆံးအသိးဒ်အပၢ်တဖၣ်အဟံၣ်အသိးန့ၣ်လၢပဲတရီကိးပူၤဒဲးအဂီၢ်လီၤ. 14ဒီးတၢ်ဖးဘၣ်ဃးဒီးမုၢ်ထီၣ်တခီဘၣ်စီၤၡၤလ့မယၤလီၤ.ဒီးဖးဝဲလၢအဖိခွါပှၤကူၣ်လိာ်တၢ်ဒီးတၢ်ကူၣ်သ့,စီၤစကၤရယၤအဂီၢ်,ဒီးအတၢ်ဖးဘၣ်တၢ်လၢကလံၤစိးတခီလီၤ. 15ဘၣ်ဝဲလၢစီၤဧိၤဘ့းအ့ဒိၣ်အဂီၢ်,လၢကလံၤထံးတခီ,ဒီးဘၣ်ဝဲလၢအဖိခွါအဂီၢ်လၢတၢ်ပာ်ဖှိၣ်အဟံၣ်လီၤ. 16ဘၣ်ဝဲလၢစီၤရှူပံၣ်,ဒီးစီၤဃိစၤအဂီၢ်လၢမုၢ်နုာ်တခီ,အိၣ်ဒီးပဲတရီၡးလ့က့လၢကျဲမုၢ်လၢအလဲၤထီၣ်,ပှၤပၢၤတၢ်တတီၤသဃီၤဒီးပှၤပၢၤတၢ်တတီၤလီၤ. 17လၢမုၢ်ထီၣ်တခီန့ၣ်ပှၤလ့ၤဝံဖိအိၣ်ဃုဂၤ,လၢကလံၤစိးတခီတနံၤလွံၢ်ဂၤ,လၢကလံၤထံးတခီတနံၤလွံၢ်ဂၤ,ဒီးလၢတၢ်ပာ်ဖှိၣ်တၢ်တခီ,ခံဂၤ,ခံဂၤလီၤ. 18ဖဲတၢ်ခိၣ်ဒုးထီၣ်အသးလၢမုၢ်နုာ်တခီန့ၣ်,ဖဲကျဲမုၢ်န့ၣ်လွံၢ်ဂၤ,ဖဲတၢ်ခိၣ်ဒုးထီၣ်အသးခံဂၤလီၤ. 19အဝဲသ့ၣ်တဖၣ်န့ၣ်မ့ၢ်ပှၤပၢၤပဲတရီအတၢ်နီၤဖးလၢစီၤကိၤရးအဖိခွါအကျါ,ဒီးလၢစီၤမရၤရံၤအဖိခွါအကျါလီၤ. 20ဒီးလၢပှၤလ့ၤဝံဖိအကျါ,စီၤအဃံယၤအိၣ်ဝဲလၢယွၤအဟံၣ်အတၢ်ပာ်ဖှိၣ်အလီၢ်အဖီခိၣ်,ဒီးလၢတၢ်စီဆှံတဖၣ်အတၢ်ပာ်ဖှိၣ်အလီၢ်အဖီခိၣ်လီၤ. 21စီၤလၤဒၣ်အဖိခွါန့ၣ်,ပှၤက့ရၡိၣ်ဖိစီၤလၤဒၣ်အဖိခွါ,အပၢ်တဖၣ်အခိၣ်(ပှၤက့ရၡိၣ်ဖိစီၤလၤဒၣ်)မ့ၢ်စီၤယဃံၤအ့လးလီၤ. 22စီၤယဃံၤအ့လးအဖိခွါမ့ၢ်စီၤစ့ၤသၣ်,ဒီးအဒီပုၢ်ဝဲၢ်စီၤယိၤအ့လးလၢအအိၣ်ဝဲလၢယွၤအဟံၣ်အတၢ်ပာ်ဖှိၣ်အလီၢ်အဖီခိၣ်လီၤ. 23လၢပှၤဧၤမရၣ်ဖိ,ပှၤယံးစဟၢ်ဖိ,ပှၤဃ့ဘြိၣ်ဖိ,ပှၤဧူးစံၤအ့လးဖိလီၤ. 24စီၤမိၤရှ့အဖိခွါ,စီၤက့ရၡိၣ်အဖိခွါ,စီၤၡဘူၤအ့လးမ့ၢ်တၢ်ပာ်ဖှိၣ်အလီၢ်တဖၣ်အခိၣ်လီၤ. 25ဒီးအဒီပုၢ်ဝဲၢ်ဘၣ်ဃးဒီးစီၤအလၤဧစၢ်န့ၣ်,အဖိခွါစီၤရဃါဘယၤ,ဒီးအဖိခွါစီၤယၡၤယါ,ဒီးအဖိခွါစီၤယိၤရၣ်,ဒီးအဖိခွါစီၤစံးကရံး,ဒီးအဖိခွါစီၤၡလိမံးလီၤ. 26တၢ်လၢစီၤၡလိမံး,ဒီးအဒီပုၢ်ဝဲၢ်တဖၣ်န့ၣ်အိၣ်ဝဲလၢတၢ်စီဆှံခဲလၢာ်အတၢ်ပာ်ဖှိၣ်အလီၢ်အဖီခိၣ်,တၢ်လၢစီၤပၤဒၤဝံး,ဒီးပှၤအပၢ်တဖၣ်အခိၣ်တဖၣ်,ပှၤတကထိအခိၣ်တဖၣ်,ဒီးပှၤတကယၤအခိၣ်တဖၣ်,ဒီးပှၤသုးမုၢ်အခိၣ်တဖၣ်န့ၣ်ပာ်စီဆှံဝဲလီၤ. 27လၢတၢ်လၢအန့ၢ်လၢဒုးတၢ်အပူၤ,ဒီးတၢ်လၢဂုာ်န့ၢ်တၢ်အကျါန့ၣ်ပာ်စီဆှံဝဲ,ဒ်သိးအကမၤက့ၤယွၤအဟံၣ်လီၤ. 28ဒီးကယဲၢ်တၢ်လၢဝံစီၤၡမူၤအ့လး,ဒီးစီၤကံၣ်အဖိခွါစီၤစီလူး,ဒီးစီၤန့ၢ်အဖိခွါစီၤအဘံန့ၢ်,ဒီးနီၢ်စရူယၤအဖိခွါစီၤယိၤအာ်သ့ၣ်တဖၣ်ပာ်စီဆှံဝဲခဲလၢာ်,ကယဲၢ်တၢ်စီဆှံတမံၤလၢ်လၢ်န့ၣ်အိၣ်ဝဲလၢစီၤၡလိမံး,ဒီးအဒီပုၢ်ဝဲၢ်အစုဖီလာ်လီၤ. 29လၢပှၤယံးစတၢ်ဖိအကျါန့ၣ်စီၤကနၤနယၤ,ဒီးအဖိခွါတဖၣ်အိၣ်ဝဲလၢတၢ်မၤလၢခိလၢအံၣ်စရ့လးအဖီခိၣ်,လၢပှၤကွဲးလံာ်,ဒီးပှၤစံၣ်ညီၣ်ကွီၢ်အဂီၢ်လီၤ. 30လၢပှၤဃ့ဘြိၣ်ဖိအကျါန့ၣ်,စီၤဃၡၤဘယၤ,ဒီးအဒီပုၢ်ဝဲၢ်,ပှၤအဆူၣ်တကထိနွံကယၤန့ၣ်အိၣ်ဝဲလၢတၢ်ကွၢ်အလီၢ်အဖီခိၣ်လၢပှၤအံၣ်စရ့လးဖိအကျါလၢယၢ်ဒ့ၣ်ဝၢ်ဘးခီ,လၢမုၢ်နုာ်တခီ,လၢကယဲၢ်ယွၤအတၢ်မၤအပူၤ,လၢအမၤစီၤပၤအတၢ်မၤလီၤ. 31လၢပှၤဃ့ဘြိၣ်ဖိအကျါန့ၣ်,စီၤဃရံယၤ,ပှၤအခိၣ်လၢပှၤဃ့ဘြိၣ်ဖိအကျါဒ်အပၢ်တဖၣ်အစၢၤအသွဲၣ်အသိးန့ၣ်လီၤ.လၢစီၤဒၤဝံးကဲစီၤပၤအနံၣ်ပှဲၤထီၣ်လွံၢ်ဆံန့ၣ်ပှၤဃုန့ၢ်အဝဲသ့ၣ်,ဒီးလၢအကျါတၢ်ထံၣ်န့ၢ်အီၤလၢပှၤအဒိၣ်အဆူၣ်ဖဲယၤစ့ၢ်လၢကံးလဧးအပူၤလီၤ. 32ဒီးအဒီပုၢ်ဝဲၢ်ပှၤအဆူၣ်န့ၣ်မ့ၢ်ပှၤအပၢ်တဖၣ်အခိၣ်ခံကထိဒီးနွံကယၤလၢစီၤပၤဒၤဝံးပာ်ဝဲလၢပှၤရူၤဘ့ၣ်ဖိ,ပှၤကးဖိ,ဒီးပှၤမနၤရှ့ၤဖိတခီဒူၣ်အဖီခိၣ်လၢကယဲၢ်တၢ်ဘၣ်ဃးဒီးယွၤ,ဒီးဘၣ်ဃးဒီးစီၤပၤအဂီၢ်လီၤ.
Copyright information for
KswSKMB