‏ 1 Corinthians 15

1ဒီးပုၢ်သ့ၣ်ဝဲၢ်သ့ၣ်ဧၢ,ယဘိးဘၣ်သ့ၣ်ညါသုလၢတၢ်သးခုအကစီၣ်,လၢယစံၣ်တဲၤတဲလီၤသု,ဒီးတၢ်လၢသုတူၢ်လိာ်စ့ၢ်ကီး,ဒီးသုဆၢထၢၣ်လၢအပူၤ, 2ဒီးသုမ့ၢ်ဟံးဃာ်တၢ်လၢယစံးဘၣ်တဲဘၣ်သု,ဒီးသုနာ်တၢ်န့ၣ်မ့တမ့ၢ်ဘၣ်တၢ်ကလီကလီဘၣ်ဒီး,သုကတုၤလၢတၢ်အုၣ်က့ၤခီၣ်က့ၤသုလၢအဃိစ့ၢ်ကီးလီၤ.

3ယဟ့ၣ်လီၤသုလၢတၢ်အဆိတဖၣ်အကျါ,တၢ်လၢယဒိးန့ၢ်စ့ၢ်ကီးယဲ,လၢခရံာ်ဒိးသံအသးလၢပတၢ်ဒဲးဘးအဃိ,ဒ်တၢ်ကွဲးအသးအသိးလီၤ. 4ဒီးလၢအဘၣ်တၢ်ခူၣ်လီၤကွံာ်အီၤ,ဒီးလၢသၢနံၤတနံၤန့ၣ်ဂဲၤဆၢထၢၣ်က့ၤ,ဒ်တၢ်ကွဲးဝဲအသိးန့ၣ်လီၤ. 5ဒီးလၢစီၤက့ၤဖးထံၣ်ဘၣ်အီၤ,ဒီးလၢခံက့ၤပှၤတဆံခံဂၤလီၤ. 6လၢခံက့ၤဒီး,ဒီးပုၢ်ဝဲၢ်ယဲၢ်ကယၤအဘျဲၣ်ထံၣ်ဘၣ်အီၤတစုဃီလီၤ.အဝဲသ့ၣ်တဖၣ်မံသပ့ၤလံတနီၤလံ.ဘၣ်ဆၣ်ဒီး,အိၣ်ဒံးဝဲတုၤခဲကနံၣ်အံၤ,အါတက့ၢ်လီၤ. 7လၢခံက့ၤဒီး,စီၤယၤကိာ်ထံၣ်ဘၣ်အီၤ,လၢခံက့ၤဒီးပှၤတၢ်မၢဖိခဲလၢာ်, 8ဒီးလၢခံကတၢၢ်,ယဲဒၣ်အံၤ,ဒ်ပှၤလၢအမုၢ်အလါတဘၣ်ဘၣ်ဒီး,အိၣ်ဖျဲၣ်အသိးန့ၣ်,ယထံၣ်စ့ၢ်ကီးအီၤယဲဒၣ်လီၤ. 9အဂ့ၢ်ဒ်အံၤ,ယဲဒၣ်အံၤယမ့ၢ်ပှၤတၢ်မၢဖိအဆံးကတၢၢ်လၢယမၤအၢမၤသီယွၤအတၢ်အိၣ်ဖှိၣ်အဃိ,ဒီးတၢ်တဂ့ၤကိးဘၣ်ယၤလၢပှၤတၢ်မၢဖိဘၣ်. 10ဘၣ်ဆၣ်ဒီးလၢယွၤအဘျုးအဖှိၣ်အဃိဒီး,ယမ့ၢ်တၢ်လၢယမ့ၢ်အံၤ,ဒီးအဘျုးအဖှိၣ်တဘၣ်ဘၣ်ယၤကလီကလီဘၣ်,မ့ၢ်ယမၤတၢ်အါန့ၢ်အဝဲသ့ၣ်ခဲလၢာ်,ဘၣ်ဆၣ်ဒီးတမ့ၢ်ဘၣ်ယၤဘၣ်.မ့ၢ်ယွၤအဘျုးအဖှိၣ်အိၣ်ဒီးယၤလီၤ. 11မၤသးဒ်န့ၣ်ဒီးယၤမ့ၢ်ဂ့ၤ,အဝဲသ့ၣ်မ့ၢ်ဂ့ၤ,ပစံၣ်တဲၤတဲလီၤတၢ်ဒ်န့ၣ်,ဒီးသုစူၢ်က့ၤနာ်က့ၤတၢ်ဒ်န့ၣ်လီၤ.

12ဘၣ်ဆၣ်ဒီးပမ့ၢ်စံၣ်တဲၤတဲလီၤခရံာ်လၢအဂဲၤဆၢထၢၣ်က့ၤလၢတၢ်သံဒီး,ဘၣ်မနုၤလၢပှၤလၢသုကျါတနီၤနီၤစံးဝဲလၢပှၤသံတဖၣ်တဂဲၤဆၢထၢၣ်က့ၤဘၣ်လဲၣ်. 13ဘၣ်ဆၣ်ဒီးတၢ်ဂဲၤဆၢထၢၣ်က့ၤလၢတၢ်သံမ့ၢ်တအိၣ်ဘၣ်ဒီး,ခရံာ်တဂဲၤဆၢထၢၣ်က့ၤဘၣ်ဝဲဘၣ်. 14ဒီးခရံာ်မ့ၢ်တဂဲၤဆၢထၢၣ်က့ၤဘၣ်ဒီး,ပစံၣ်တဲၤတဲလီၤတၢ်န့ၣ်,မ့ၢ်တၢ်ကလီကလီ,ဒီးသုစူၢ်က့ၤနာ်က့ၤတၢ်န့ၣ်,မ့ၢ်စ့ၢ်ကီးတၢ်ကလီကလီလီၤ. 15ဒီးပဝဲဒၣ်အံၤ,တၢ်ထံၣ်န့ၢ်ပှၤလၢပှၤအုၣ်အသးကဘျံးကဘျၣ်လၢယွၤအဂ့ၢ်လီၤ.အဂ့ၢ်ဒ်အံၤ,ပအုၣ်ပသးလၢယွၤအဂ့ၢ်,လၢအဒုးဂဲၤဆၢထၢၣ်က့ၤခရံာ်ဘၣ်ဆၣ်ဒီး,ပှၤသံမ့ၢ်တဂဲၤဆၢထၢၣ်က့ၤဘၣ်ဒီး,တဒုးဂဲၤဆၢထၢၣ်က့ၤဘၣ်အီၤဘၣ်. 16အဂ့ၢ်ဒ်အံၤ,ပှၤသံမ့ၢ်တဂဲၤဆၢထၢၣ်က့ၤဘၣ်ဒီး,ခရံာ်တဂဲၤဆၢထၢၣ်က့ၤစ့ၢ်ကီးဘၣ်ဝဲဘၣ်. 17ဒီးခရံာ်မ့ၢ်တဂဲၤဆၢထၢၣ်က့ၤဘၣ်ဒီး,သုနာ်တၢ်မ့ၢ်တၢ်ကလီကလီ,သုအိၣ်ဒံးမးလၢသုတၢ်ဒဲးဘးအပူၤလီၤ. 18မ့မ့ၢ်ဒ်န့ၣ်ဒီး,ပှၤလၢအမံဝဲလၢခရံာ်အပူၤတဖၣ်န့ၣ်,မ့ၢ်အဟးဂီၤစ့ၢ်ကီးလီၤ. 19ပမ့ၢ်မုၢ်လၢ်တၢ်လၢခရံာ်အပူၤထဲတၢ်မူအအံၤတဃၣ်အပူၤဧိၤဒီး,ပဘၣ်တၢ်ဖှီၣ်ဒိၣ်န့ၢ်ပှၤဂၤခဲလၢာ်တက့ၢ်လီၤ.

20မ့မ့ၢ်ခဲကနံၣ်အံၤ,ခရံာ်ဂဲၤဆၢထၢၣ်က့ၤလံလၢတၢ်သံလံ,ဒီးကဲထီၣ်ပှၤမံတဖၣ်န့ၣ်အတၤသၣ်ဆိလီၤ. 21အဂ့ၢ်ဒ်အံၤ,မ့ၢ်တၢ်သံအိၣ်ထီၣ်လၢပှၤကညီဒီး,တၢ်ဂဲၤဆၢထၢၣ်က့ၤလၢတၢ်သံအိၣ်ထီၣ်လၢပှၤကညီဒီး,တၢ်ဂဲၤဆၢထၢၣ်က့ၤလၢတၢ်သံအိၣ်ထီၣ်လၢပှၤကညီစ့ၢ်ကီးလီၤ. 22အဂ့ၢ်ဒ်အံၤ,ဒ်ပှၤခဲလၢာ်သံဝဲလၢစီၤအၤဒၣ်အပူၤအသိးန့ၣ်,ပှၤခဲလၢာ်ကဘၣ်တၢ်မၤမူထီၣ်က့ၤအီၤလၢခရံာ်အပူၤ,ဒ်န့ၣ်အသိးလီၤ. 23ဘၣ်ဆၣ်ဒီးပှၤကညီတဂၤဒီးတဂၤလၢအတီၤဒၣ်ဝဲအပူၤစုာ်စုာ်,တၤသၣ်ဆိခရံာ်,လၢခံက့ၤပှၤဘၣ်ဃးဒီးခရံာ်ဖဲအဟဲလီၤက့ၤအကတီၢ်လီၤ. 24တုၤနုၤတစု,တုၤအမၤဟးဂီၤကွံာ်ကယဲၢ်တၢ်အခိၣ်,ဒီးတၢ်အစိအကမီၤ,ဒီးတၢ်အဂံၢ်အဘါခဲလၢာ်,တုၤအဟ့ၣ်က့ၤဘီမုၢ်လၢပၢ်ယွၤအစုပူၤ,ဒီး,တၢ်အကတၢၢ်ကဘၣ်လီၤ. 25အဂ့ၢ်ဒ်အံၤ,ခရံာ်ဘၣ်ပၢတၢ်တုၤအပာ်လီၤကယဲၢ်အဒုၣ်အဒါလၢအခီၣ်ဖီလာ်ခဲလၢာ်လီၤ. 26ဒုၣ်ဒါလၢအကဘၣ်တၢ်ဟးဂီၤလၢခံကတၢၢ်န့ၣ်,မ့ၢ်တၢ်သံလီၤ. 27အဂ့ၢ်ဒ်အံၤ,ပာ်လံတၢ်ခဲလၢာ်လၢအခီၣ်ဖီလာ်လံ. ▼

▼15:27 စံး.၈း၆

ဘၣ်ဆၣ်ဒီးလၢအစံး,ပာ်လံတၢ်ခဲလၢာ်လၢအဖီလာ်တဘၣ်ဃးဘၣ်ဒီးပှၤလၢအပာ်တၢ်ခဲလၢာ်လၢအဖီလာ်တဂၤန့ၣ်ဘၣ်,အိၣ်ဖျါဝဲလီၤ. 28ဒီးတုၤတၢ်ခဲလၢာ်ဘၣ်တၢ်ပာ်အီၤလၢအဖီလာ်ဒီး,ဖိခွါအကစၢ်ဒၣ်ဝဲဒၣ်လဲာ်,ကအိၣ်စ့ၢ်ကီးလၢပှၤလၢအပာ်တၢ်ခဲလၢာ်လၢအဖီလာ်တဂၤန့ၣ်,အဖီလာ်,ဒ်သိးယွၤကမ့ၢ်တၢ်ခဲလၢာ်,လၢတၢ်ခဲလၢာ်အပူၤလီၤ.

29မ့တမ့ၢ်ဘၣ်ဒ်န့ၣ်ဒီး,ပှၤသံတဖၣ်မ့ၢ်တဂဲၤဆၢထၢၣ်က့ၤလ့ၤတက့ၤဘၣ်ဒီး,ပှၤလၢအဒိးဘျၢ ▼

▼15:29 လၢဟ့းလ့ၣ်အကျိာ်"ဘးပတံစၢ်."

အသးလၢပှၤသံအဂ့ၢ်တဖၣ်န့ၣ်,ကမၤဝဲဒ်လဲၣ်.ဒီးဘၣ်မနုၤလၢအဒိးဘျၢ ▼

▼15:29 လၢဟ့းလ့ၣ်အကျိာ်"ဘးပတံစၢ်."

အသးလၢအဂ့ၢ်လဲၣ်. 30ဒီးပဝဲဒၣ်အံၤ,ပအိၣ်ဘူးဒီးပကဘၣ်တၢ်နးတၢ်ဖှီၣ်ကိးအနၣ်ရံၣ်ဒဲးန့ၣ်,ဘၣ်မနုၤလဲၣ်. 31ယအုၣ်ယသးလၢယတၢ်သးခုလၢသုဃိလၢအအိၣ်ဒီးယၤလၢပကစၢ်ယ့ၣ်ရှူးခရံာ်အပူၤန့ၣ်,ယသံကိးမုၢ်နံၤမုၢ်နၤဒဲးလီၤ.

32ဒ်ပှၤကညီအသိးယမ့ၢ်ဒုးလိာ်ယသးဒီးတၢ်ဒူတၢ်ဃိၤလၢအ့းဖ့းစူးအပူၤဒီး,ပှၤသံတဖၣ်မ့ၢ်တဂဲၤဆၢထၢၣ်က့ၤဘၣ်ဒီး,ယကဘၣ်ဘျုးမနုၤတမံၤလဲၣ်.

အီၣ်သကိးအီသကိးတၢ်တက့ၢ်.
အဂ့ၢ်ဒ်အံၤခဲဂီၤပကသံလီၤ. ▼

▼15:32 ၡါ.၂၂း၁၃

33သုတလီလီၤသုသးတဂ့ၤ.တၢ်ရ့လိာ်လၢအအၢအသီန့ၣ်,မၤအၢလီၤတၢ်အလုၢ်အလၢ်လၢအဂ့ၤတဖၣ်လီၤ. 34ဖုသံနီၣ်ထီၣ်လၢတၢ်တီတၢ်လိၤတက့ၢ်.ဒီးမၤတၢ်ဒဲးဘးတဂ့ၤ.အဂ့ၢ်ဒ်အံၤ,ပှၤတနီၤနီၤတသ့ၣ်ညါဘၣ်ယွၤဘၣ်,ယစံးတၢ်အံၤလၢတၢ်ဒုးမဲာ်ဆှးသုလီၤ.

35မ့မ့ၢ်ပှၤတနီၤနီၤကစံးဝဲ,ပှၤသံတဖၣ်ကဂဲၤဆၢထၢၣ်က့ၤဝဲဒ်လဲၣ်,ဒီးကဟဲထီၣ်ဒီးအနီၢ်မနုၤလဲၣ်. 36ပှၤဟးဂီၤဖိဧၢ,တၢ်လၢနဖှံလီၤနဲန့ၣ်,မ့ၢ်တအုၣ်သံဘၣ်ဒီး,တမဲထီၣ်ဘၣ်ဝဲဘၣ်. 37တၢ်လၢနဖှံလီၤန့ၣ်,နတဖှံလီၤအနီၢ်လၢအကအိၣ်ထီၣ်န့ၣ်ဘၣ်.မ့မ့ၢ်ထဲအချံ,ဘုကၠူၣ်မ့ၢ်ဂ့ၤ,ဘုအဂုၤအဂၤမ့ၢ်ဂ့ၤလီၤ. 38မ့မ့ၢ်ဖဲအဘၣ်အသးဒီး,ယွၤဟ့ၣ်အနီၢ်ဒီးတၢ်ချံခဲလၢာ်,တမံၤဒီးတမံၤ,လၢအနီၢ်ဒၣ်ဝဲလီၤ.

39တၢ်ညၣ်ခဲလၢာ်န့ၣ်,တမ့ၢ်ဘၣ်တၢ်ညၣ်တမံၤဃီဘၣ်.ပှၤကညီအညၣ်မ့ၢ်တမံၤ,ဒီးဆၣ်ဖိကီၢ်ဖိအညၣ်မ့ၢ်တမံၤဒၣ်,ညၣ်အညၣ်မ့ၢ်တမံၤဒၣ်,ဒီးထိၣ်အညၣ်မ့ၢ်တမံၤဒၣ်လီၤ. 40ဒီးတၢ်အမိၢ်ပှၢ်တဖၣ်ဘၣ်ဃးဒီးမူခိၣ်အိၣ်ဝဲ,ဒီးတၢ်အမိၢ်ပှၢ်တဖၣ်ဘၣ်ဃးဒီးဟီၣ်ခိၣ်အိၣ်ဝဲလီၤ.ဘၣ်ဆၣ်ဒီးတၢ်ဘၣ်ဃးဒီးမူခိၣ်အလၤကပီၤမ့ၢ်တမံၤ,ဒီးတၢ်ဘၣ်ဃးဒီးဟီၣ်ခိၣ်အလၤကပီၤမ့ၢ်တမံၤဒၣ်လီၤ. 41မုၢ်အလၤကပီၤမ့ၢ်တမံၤ,ဒီးလါအလၤကပီၤမ့ၢ်တမံၤဒၣ်,ဒီးဆၣ်ဧိၤဖီဧိၤအလၤကပီၤမ့ၢ်တမံၤဒၣ်လီၤ.အဂ့ၢ်ဒ်အံၤ,ဆၣ်သ့ၣ်တဖၣ်အလၤကပီၤတဖျၢၣ်ဒီးတဖျၢၣ်လီၤဆီလိာ်အသးလီၤ.

42ဒီးပှၤသံဂဲၤဆၢထၢၣ်က့ၤန့ၣ်,မၤအသးဒ်န့ၣ်အသိးစ့ၢ်ကီးလီၤ.ဘၣ်ဖှံလီၤအသးလၢတၢ်အုၣ်သံအပူၤ,ကဂဲၤဆၢထၢၣ်က့ၤဒီးတၢ်တအုၣ်သံဘၣ်အပူၤလီၤ. 43ဘၣ်ဖှံလီၤအသးလၢအလၤကပီၤတအိၣ်ဘၣ်,ကဂဲၤဆၢထၢၣ်က့ၤအိၣ်ဒီးအလၤကပီၤလီၤ.ဘၣ်ဖှံလီၤအသးအိၣ်ဒီးအဂံၢ်စၢ်ဘါစၢ်,ကဂဲၤဆၢထၢၣ်က့ၤအိၣ်ဒီးအစိၤအကမီၤလီၤ. 44ဘၣ်ဖှံလီၤအသးန့ၣ်မ့ၢ်နီၢ်ခိ,ဂဲၤဆၢထၢၣ်က့ၤန့ၣ်မ့ၢ်နီၢ်သးလီၤ.နီၢ်ခိအိၣ်ဒီးနီၢ်သးအိၣ်ဝဲလီၤ. 45ဒ်န့ၣ်အသိးတၢ်ကွဲးအသး,ပှၤကညီလၢအခီၣ်ထံး,စီၤအၤဒၣ်တဂၤန့ၣ်,ကဲထီၣ်လၢသးလၢအမူလီၤ. ▼

▼15:45 ၁မိၤ.၂း၇

စီၤအၤဒၣ်အကတၢၢ်တဂၤန့ၣ်ကဲထီၣ်လၢသးမၤမူထီၣ်တၢ်လီၤ. 46ဘၣ်ဆၣ်ဒီးတၢ်ဘၣ်ဃးဒီးသးန့ၣ်,တအိၣ်ဆိဘၣ်.မ့ၢ်တၢ်ဘၣ်ဃးဒီးတၢ်ဖံးတၢ်ညၣ်အိၣ်ဆိဝဲ,ဒီးတၢ်ဘၣ်ဃးဒီးသးအိၣ်ထီၣ်ဝဲလၢခံလီၤ. 47ပှၤကညီလၢအခီၣ်ထံးတဂၤန့ၣ်,ကဲထီၣ်လၢဟီၣ်ခိၣ်ဒီး,ဘၣ်ဃးဒီးဟီၣ်ခိၣ်လီၤ.ပှၤကညီလၢခံတဂၤန့ၣ်,မ့ၢ်[ကစၢ်]လၢမူခိၣ်လီၤ. 48ဒ်ပှၤဘၣ်ဃးဒီးဟီၣ်ခိၣ်တဂၤအသိးန့ၣ်,ပှၤလၢအဘၣ်ဃးဒီးဟီၣ်ခိၣ်တဖၣ်မ့ၢ်ဒ်န့ၣ်အသိးလီၤ.ဒီးဒ်ပှၤဘၣ်ဃးဒီးမူခိၣ်တဂၤအသိးန့ၣ်ပှၤဘၣ်ဃးဒီးမူခိၣ်တဖၣ်ဒ်န့ၣ်အသိးလီၤ. 49ဒီးဒ်ပဒိးပှၤဘၣ်ဃးဒီးဟီၣ်ခိၣ်တဂၤအက့ၢ်အဂီၤအသိးန့ၣ်,ပကဒိးပှၤဘၣ်ဃးဒီးမူခိၣ်တဂၤအက့ၢ်အဂီၤစ့ၢ်ကီးလီၤ.

50ဒီးပုၢ်သ့ၣ်ဝဲၢ်သ့ၣ်ဧၢ,ယစံးတၢ်အံၤ,တၢ်သွံၣ်ဒီးတၢ်ညၣ်န့ၣ်,န့ၢ်ဘၣ်သါယွၤအဘီအမုၢ်တသ့ဘၣ်.ဒီးတၢ်အုၣ်သံန့ၢ်ဘၣ်သါတၢ်တအုၣ်သံဘၣ်န့ၣ်တသ့ဘၣ်. 51ကွၢ်ကွၢ်,ယစံးဘၣ်သုလၢတၢ်ခူသူၣ်တမံၤအံၤလီၤ.ပတမံဘၣ်ကိးဂၤဒဲးဘၣ်.ဘၣ်ဆၣ်ဒီးပကဘၣ်တၢ်လဲက့ၤပသးကိးဂၤဒဲး, 52လၢတစိၢ်ဖိ,ပမဲာ်တဖျးအတီၢ်ပူၤ,ဖဲကွဲၤအကတၢၢ်န့ၣ်လီၤ.အဂ့ၢ်ဒ်အံၤ,ကွဲၤကသီၣ်ထီၣ်,ဒီးပှၤသံတဖၣ်ကဂဲၤဆၢထၢၣ်က့ၤလၢတၢ်တအုၣ်သံဘၣ်,ဒီးပကဘၣ်တၢ်လဲက့ၤပသးလီၤ. 53အဂ့ၢ်ဒ်အံၤ,တၢ်အုၣ်သံအံၤ,ဘၣ်သိးထီၣ်တၢ်တအုၣ်သံဘၣ်,ဒီးတၢ်သံသ့အံၤ,ဘၣ်သိးထီၣ်တၢ်သံတသ့ဘၣ်လီၤ. 54ဒီးတုၤတၢ်အုၣ်သံအံၤသိးထီၣ်တၢ်တအုၣ်သံဘၣ်,ဒီးတၢ်သံသ့အံၤသိးထီၣ်တၢ်သံတသ့ဘၣ်ဒီး,တၢ်ကတိၤကွဲးအသးကလၢထီၣ်ပှဲၤထီၣ်ဝဲ,တၢ်သံလီၤဘျၢလံလၢတၢ်မၤနၢၤမၤဃၣ်အီၤအပူၤလံ. ▼

▼15:54 ၡါ.၂၅း၈

55တၢ်သံဧၢ,နစုကဝဲၤအိၣ်ဖဲလဲၣ်.ပျုၤပူၤဧၢ,နတၢ်မၤနၢၤမၤဃၣ်အိၣ်ဖဲလဲၣ်. ▼

▼15:55 ဟိၤ.၁၃း၁၄

56တၢ်သံအစုကဝဲၤမ့ၢ်တၢ်ဒဲးဘး,ဒီးတၢ်ဒဲးဘးအစိအကမီၤမ့ၢ်တၢ်သိၣ်တၢ်သီလီၤ. 57ဘၣ်ဆၣ်ဒီးမ်တၢ်စံးထီၣ်ပတြၢၤယွၤအဘျုးအဖှိၣ်လၢအဒုးမၤနၢၤမၤဃၣ်ပှၤလၢပကစၢ်ယ့ၣ်ရှူးခရံာ်အဃိန့ၣ်တက့ၢ်.

58မၤသးဒ်န့ၣ်ဒီးပုၢ်သ့ၣ်ဝဲၢ်သ့ၣ်လၢယအဲၣ်အီၤသ့ၣ်ဧၢ,မ့ၢ်သုသ့ၣ်ညါလၢသုမၤတၢ်လၢကစၢ်အပူၤန့ၣ်,တမ့ၢ်ဘၣ်တၢ်ကလီကလီဘၣ်သတးဒီး,မ်သုအိၣ်စံာ်အိၣ်ကျၢၤ,အိၣ်ဂၢၢ်အိၣ်ခၢၣ်,ဒီးမၤတၢ်အါအါဂီၢ်ဂီၢ်လၢကစၢ်အတၢ်မၤ,တထံၣ်ဃီတက့ၢ်.