1 Samuel 26
1ဒီးပှၤစံးဖးဖိဟဲဝဲဆူစီၤစီလူးအအိၣ်လၢကံဘဧၤအပူၤဒီးစံးဝဲဒၣ်,စီၤဒၤဝံးပာ်ခူသူၣ်အသးလၢကစၢၢ်ဃကံလၤအလိၤလၢအအိၣ်လၢယံးၡံမိၣ်အမဲာ်ညါတမ့ၢ်ဘါဧါ. 2ဒီးစီၤစီလူးဂဲၤဆၢထၢၣ်,ဒီးလဲၤလီၤဆူပှၢ်လၢ်ကျါစံဖး,အိၣ်ဒီးပှၤဃုထၢဖိလၢအံၣ်စရ့လးအကျါသၢကထိ,ဒ်သိးအကဃုစီၤဒၤဝံးလၢပှၢ်လၢ်ကျါစံဖးလီၤ. 3ဒီးစီၤစီလူးသူၣ်ဒဲလၢကစၢၢ်ဃကံလၤအလိၤလၢအအိၣ်လၢယံးၡံမိၣ်အမဲာ်ညါလၢကျဲပူၤလီၤ.မ့မ့ၢ်စီၤဒၤဝံးအိၣ်ဝဲလၢပှၢ်လၢ်ကျါ,ဒီးထံၣ်ဝဲလၢစီၤစီလူးဟဲပိာ်အခံဆူပှၢ်လၢ်ကျါလီၤ. 4ဒီးစီၤဒၤဝံးမၢလီၤပှၤလဲၤကွၢ်ဟုၣ်တၢ်,ဒီးသ့ၣ်ညါဝဲလၢစီၤစီလူးဟဲဝဲသပှၢ်တၢၢ်လီၤ. 5ဒီးစီၤဒၤဝံးဂဲၤဆၢထၢၣ်,ဒီးဟဲဆူတၢ်အလီၢ်ဖဲစီၤစီလူးသူၣ်ဒဲ,ဒီးစီၤဒၤဝံးထံၣ်တၢ်အလီၢ်ဖဲစီၤစီလူး,ဒီးပှၤသုးမုၢ်အခိၣ်စီၤန့ၢ်အဖိခွါစီၤအဘံန့ၢ်န့ၣ်မံဝဲ,ဒီးစီၤစီလူးမံလၢအကဝီၤပူၤ,ဒီးပှၤဂီၢ်မုၢ်သူၣ်ဒဲဝးတရံးအီၤလီၤ. 6ဒီးစီၤဒၤဝံးကတိၤတၢ်,ဒီးစံးဘၣ်ပှၤဃ့ၤသးဖိစီၤအဃံၤမ့လး,ဒီးနီၢ်စရူယၤအဖိခွါစီၤယိၤအာ်အဒီပုၢ်ဝဲၢ်စီၤအဘံၡဲၤ,ဒီးစံးဝဲဒၣ်,မ့ၢ်မတၤကလဲၤလီၤဒီးယၤဆူစီၤစီလူးအအိၣ်,ဆူပှၤသူၣ်ဒဲအလီၢ်န့ၣ်တဂၤလဲၣ်.ဒီးစီၤအဘံၡဲၤစံးဝဲဒၣ်,ယကလဲၤလီၤယဲဒီးနၤလီၤ. 7ဒီးစီၤဒၤဝံးဒီးစီၤအဘံၡဲဟဲဝဲဆူပှၤဂီၢ်မုၢ်အအိၣ်လၢမုၢ်နၤ,ဒီးကွၢ်ကွၢ်,စီၤစီလူးမံသပ့ၤလၢအကဝီၤပူၤ,ဒီးအဘီတဘ့ၣ်အိၣ်ဆဲးလီၤအသးလၢဟီၣ်ခိၣ်လၢအခိၣ်တခၢၣ်အဃၢၤ,ဒီးစီၤအဘံန့ၢ်ဒီးပှၤဂီၢ်မုၢ်မံဝဲဝးတရံးအီၤလီၤ. 8ဒီးစီၤအဘံၡဲစံးဘၣ်စီၤဒၤဝံး,တၢ်လၢမုၢ်တနံၤအံၤယွၤဟ့ၣ်လီၤကွံာ်နဒုၣ်နဒါလၢနစုပူၤလီၤ.ဒီးခဲကနံၣ်အံၤဒုးဆဲးယၤလၢအီၤစဲဘူးဒီးဟီၣ်ခိၣ်တဘျီ,လၢဘီတဘ့ၣ်န့ၣ်တက့ၢ်.ဒီးယတဆဲးဘၣ်အီၤခံဘျီတဘျီဘၣ်. 9ဒီးစီၤဒၤဝံးစံးဘၣ်စီၤအဘံၡဲ,မၤဟးဂီၤအီၤတဂ့ၤ.အဂ့ၢ်ဒ်အံၤ,အတၢ်ဒဲးဘးတအိၣ်ဘၣ်ဒီး,မ့ၢ်မတၤယူာ်ထီၣ်အစုထီဒါယွၤအပှၤဒိးဖှူအသးသ့တဂၤလဲၣ်.ဒီးစီၤဒၤဝံးစံးဝဲဒၣ်, 10ယွၤမူဝဲ,ယွၤကကျီကွံာ်အီၤလီၤ.မ့တမ့ၢ်ဘၣ်ဒ်န့ၣ်ဒီးအသံအမုၢ်နံၤကဘၣ်ဝဲ,မ့တမ့ၢ်ဘၣ်ဒ်န့ၣ်ဒီး,ကလဲၤလီၤဆူတၢ်ဒုးသုးအကျါ,ဒီးတုၤလၢတၢ်ဟးဂီၤလီၤ. 11မ်ယွၤအသုတဒုးယူာ်ထီၣ်ယစုထီဒါယွၤအပှၤဒိးဖှူအသးတဂၤန့ၣ်တဂ့ၤ.ဘၣ်ဆၣ်ဒီးခဲကနံၣ်အံၤဟံးန့ၢ်လၢ်ဘီတဘ့ၣ်လၢအအိၣ်လၢအခိၣ်တခၢၣ်အဃၢၤဒီးထံအပလီန့ၣ်တက့ၢ်.ဒီးမ်ပဟးထီၣ်တက့ၢ်. 12ဒီးစီၤဒၤဝံးဟံးန့ၢ်ဘီတဘ့ၣ်,ဒီးထံအပလီလၢစီၤစီလူးအခိၣ်တခၢၣ်အဃၢၤ,ဒီးဟးထီၣ်ဝဲ,ဒီးပှၤတထံၣ်ဘၣ်ဝဲဘၣ်.ဒီးတသ့ၣ်ညါဘၣ်,ဒီးတဖုသံနီၣ်ဘၣ်ဝဲနီတဂၤဘၣ်.အဂ့ၢ်ဒ်အံၤ,မ်သပ့ၤဝဲခဲလၢာ်လီၤ.အဂ့ၢ်ဒ်အံၤ,တၢ်မံသပ့ၤယိာ်လၢယွၤန့ၣ်လီၤဘၣ်အီၤလီၤ. 13ဒီးစီၤဒၤဝံးလဲၤဝဲဆူတၢ်ဝၢ်ဘးခီ,ဒီးဆၢထၢၣ်လၢကစၢၢ်ဒီခိၣ်အိၣ်ဝဲစၢၢ်တလၢၢ်,)အလီၢ်ဖးလဲၢ်အိၣ်ဝဲလၢအဘၢၣ်စၢၤန့ၣ်လီၤ.) 14ဒီးစီၤဒၤဝံးကိးထီၣ်ပှၤဂီၢ်မုၢ်,ဒီးပှၤသုးမုၢ်အခိၣ်စီၤန့ၢ်အဖိခွါစီၤအဘံန့ၢ်,ဒီးစံးဝဲဒၣ်,စီၤအဘံန့ၢ်ဧၢ,နတစံးဆၢဘၣ်ဧါ.ဒီးစီၤအဘံန့ၢ်န့ၣ်စံးဆၢတၢ်ဒီးစံးဝဲဒၣ်,ပှၤလၢအကိးထီၣ်စီၤပၤနဲဒၣ်အံၤ,နမ့ၢ်မတၤတဂၤလဲၣ်. 15ဒီးစီၤဒၤဝံးစံးဘၣ်စီၤအဘံန့ၢ်,နမ့ၢ်ပှၤပိာ်ခွါတမ့ၢ်ဘၣ်ဧါ.ဒီးမ့ၢ်မတၤဒ်သိးဒီးနၤလၢအံၣ်စရ့လးအကျါတဂၤလဲၣ်.နတကွၢ်ဘၣ်စီၤပၤနကစၢ်န့ၣ်ဘၣ်မနုၤလဲၣ်,အဂ့ၢ်ဒ်အံၤ,ပှၤလၢပှၤဂီၢ်မုၢ်အကျါတဂၤဟဲနုာ်ဒ်သိးအကမၤဟးဂီၤစီၤပၤနကစၢ်လီၤ. 16တၢ်လၢနမၤတမံၤန့ၣ်တဂ့ၤဘၣ်,ဒ်ယွၤမူဝဲအသိး,သုဂ့ၤသံလီၤ.အဂ့ၢ်ဒ်အံၤ,သုတကွၢ်ဘၣ်သုကစၢ်,ယွၤအပှၤဒိးဖှူအသးတဂၤန့ၣ်ဘၣ်.ဒီးခဲကနံၣ်အံၤကွၢ်ဖဲစီၤပၤအဘီအိၣ်ဒီးထံအပလီလၢအအိၣ်တ့ၢ်လၢအခိၣ်တခၢၣ်အဃၢၤန့ၣ်တက့ၢ်. 17ဒီးစီၤစီလူးသ့ၣ်ညါစီၤဒၤဝံးအကလုၢ်,ဒီးစံးဝဲဒၣ်,အအံၤမ့ၢ်နကလုၢ်ဧါ,ယဖိခွါစီၤဒၤဝံးဧၢ.ဒီးစီၤဒၤဝံးစံးဝဲဒၣ်,မ့ၢ်ယကလုၢ်လီၤ,ယကစၢ်စီၤပၤဧၢ. 18ဒီးစံးဝဲဒၣ်,ယကစၢ်လူၤအခ့အပှၤမ့ၢ်အဘၣ်မနုၤလဲၣ်.အဂ့ၢ်ဒ်အံၤ,ယမၤမနုၤတမံၤလဲၣ်,ဒီးတၢ်အၢအိၣ်လၢယစုပူၤမနုၤတမံၤလဲၣ်. 19ဒီးခဲကနံၣ်အံၤမ်စီၤပၤယကစၢ်ကနၣ်လၢ်အခ့အပှၤအကလုၢ်တက့ၢ်.ယွၤမ့ၢ်ထိၣ်ဂဲၤနၤထီဒါယၤဒီး,မ်အတူၢ်လိာ်တၢ်မၤဘူၣ်တက့ၢ်.မ့မ့ၢ်ပှၤကညီဖိဒီး,မ်အဘၣ်တၢ်ဆိၣ်အၢလၢယွၤအမဲာ်ညါတက့ၢ်.အဂ့ၢ်ဒ်အံၤ,ဟီထီၣ်ကွံာ်ယၤလၢမုၢ်မဆါတနံၤအံၤလၢယွၤအတၢ်န့ၢ်သါအပူၤ,ဒီးစံး,လဲၤမၤကစၢ်အဂၤတဖၣ်အတၢ်တက့ၢ်. 20ဒီးခဲကနံၣ်အံၤမ်ယသွံၣ်အသုတလီၤဘၣ်လၢဟီၣ်ခိၣ်ချၢလၢယွၤအမဲာ်ညါတဂ့ၤ.အဂ့ၢ်ဒ်အံၤ,စီၤပၤဟဲထီၣ်ဃုကျံတဘ့ၣ်ဒ်ပှၤလဲၤလူၤထိၣ်ဘှၢၣ်ဘှဲလၢကစၢၢ်ကလိအသိးန့ၣ်လီၤ. 21ဒီးစီၤစီလူးစံးဝဲဒၣ်,ယမၤကမၣ်ဘၣ်လံတၢ်လံ,က့ၤက့ၤတက့ၢ်,ယဖိခွါစီၤဒၤဝံးဧၢ,အဂ့ၢ်ဒ်အံၤ,ယတမၤအၢလၢၤဘၣ်နၤဘၣ်.အဂ့ၢ်ဒ်အံၤ,ယသးသမူမ့ၢ်တၢ်လုၢ်ဒိၣ်ပှ့ၤဒိၣ်လၢနမဲာ်ညါလၢမုၢ်မဆါတနံၤအံၤလီၤ.ကွၢ်ကွၢ်,ယမၤပှၤဟးဂီၤဖိအတၢ်,ဒီးမၤကမၣ်တၢ်ဒိၣ်မးလံလီၤ. 22ဒီးစီၤဒၤဝံးစံးဆၢတၢ်,ဒီးစံးဝဲဒၣ်,ကွၢ်စီၤပၤအဘီ,ဒီးဒုးဟဲဃီၤပှၤဖိၣ်သၣ်ခွါတဂၤဒ်သိးအကဟဲဟံးန့ၢ်အီၤတက့ၢ်. 23ဒီးမ်ယွၤဟ့ၣ်ကၣ်ပှၤအတၢ်တီတၢ်လိၤ,ဒီးအကလုၢ်တီန့ၣ်ကိးဂၤဒဲးတက့ၢ်.အဂ့ၢ်ဒ်အံၤ,ယွၤဟ့ၣ်လီၤကွံာ်နၤလၢယစုပူၤလၢမုၢ်မဆါတနံၤအံၤဘၣ်ဆၣ်ဒီး,ယတယူာ်ထီၣ်ဘၣ်ယစုဆူယွၤအပှၤဒိးဖှူအသးတဂၤအလိၤလီၤ. 24ဒီးကွၢ်ကွၢ်,ဒ်တၢ်ပာ်ဒိၣ်နသးသမူလၢယမဲာ်ညါလၢမုၢ်မဆါတနံၤအံၤအသိးန့ၣ်,မ်တၢ်ပာ်ဒိၣ်ယသးသမူလၢယွၤအမဲာ်ညါဒ်န့ၣ်သိး,ဒီးမ်အမၤပူၤမၤဖျဲးယၤဒီးကယဲၢ်တၢ်နးတၢ်ဖှီၣ်ခဲလၢာ်တက့ၢ်. 25ဒီးစီၤစီလူးစံးဘၣ်စီၤဒၤဝံး,ယဖိခွါစီၤဒၤဝံးဧၢ,မ်နဘၣ်တၢ်ဆိၣ်ဂ့ၤတက့ၢ်.နကမၤတၢ်အဒိၣ်အယိာ်,ဒီးမၤနၢၤဒံးတၢ်လီၤ.ဒီးစီၤဒၤဝံးလဲၤတၢ်,ဒီးစီၤစီလူးက့ၤက့ၤဝဲဆူအလီၢ်ဒၣ်ဝဲန့ၣ်လီၤ.
Copyright information for
KswSKMB