2Ch 22 | KswSKMB | STEP | ဒီးပှၤအိၣ်ဝဲဆိးဝဲလၢယရူၤၡလ့ၣ်အပူၤတဖၣ်န့ၣ်ပာ်အဖိသဒါစီၤအဃၤစယၤလၢစီၤပၤလၢအလီၢ်လီၤ.အဂ့ၢ်ဒ်အံၤ,ပှၤတဖုလၢအဟဲဒီးပှၤဧ့ရ့းဖိဆူပှၤသူၣ်ဒဲအလီၢ်ပူၤန့ၣ်မၤသံတ့ၢ်ဝဲအဝဲၢ်ခဲလၢာ်လီၤ.ဒီးယူဒၤအစီၤပၤယဟိရၣ်အဖိခွါစီၤအဃၤစယၤကဲထီၣ်စီၤပၤလီၤ.

‏ 2 Chronicles 22

1 ဒီးပှၤအိၣ်ဝဲဆိးဝဲလၢယရူၤၡလ့ၣ်အပူၤတဖၣ်န့ၣ်ပာ်အဖိသဒါစီၤအဃၤစယၤလၢစီၤပၤလၢအလီၢ်လီၤ.အဂ့ၢ်ဒ်အံၤ,ပှၤတဖုလၢအဟဲဒီးပှၤဧ့ရ့းဖိဆူပှၤသူၣ်ဒဲအလီၢ်ပူၤန့ၣ်မၤသံတ့ၢ်ဝဲအဝဲၢ်ခဲလၢာ်လီၤ.ဒီးယူဒၤအစီၤပၤယဟိရၣ်အဖိခွါစီၤအဃၤစယၤကဲထီၣ်စီၤပၤလီၤ.

2 လၢစီၤအဃၤစယၤကဲသီစီၤပၤန့ၣ်အသးပှၢ်လွံၢ်ဆံခံနံၣ်,ဒီးကဲစီၤပၤတနံၣ်လၢယရူၤၡလ့ၣ်အပူၤ,ဒီးအမိၢ်အမံၤမ့ၢ်နီၢ်ဧသၤလယၤ,စီၤဧိၣ်ရံၤအဖိမုၣ်လီၤ. 3 အဝဲဒၣ်ပိာ်စ့ၢ်ကီးစီၤအၤဃာ်,အပှၤဟံၣ်ဖိအကျဲလီၤ.အဂ့ၢ်ဒ်အံၤ,အမိၢ်မ့ၢ်ပှၤကူၣ်လိာ်အသးဒီးအီၤဒ်သိးအကမၤတၢ်အၢလီၤ.

4 ဒီးမၤတၢ်အၢလၢယွၤအမဲာ်ဒ်စီၤအၤဃာ်အပှၤဟံၣ်ဖိအသိးန့ၣ်လီၤ.အဂ့ၢ်ဒ်အံၤ,လၢအပၢ်သံအလီၢ်ခံန့ၣ်အဝဲသ့ၣ်မ့ၢ်ပှၤကူၣ်လိာ်အသးဒီးအီၤတုၤအတုၤလၢတၢ်ဟးဂီၤလီၤ.

5 လဲၤစ့ၢ်ကီးဝဲဖဲဒၣ်အဝဲသ့ၣ်ကူၣ်လိာ်ဒီးအီၤ,ဒီးလဲၤဝဲဒီးစီၤအၤဃာ်အဖိခွါစီၤယဟိရၣ်ဆူတၢ်ဒုးသုးဒီးစူၤရံအစီၤပၤဃစ့လးလၢရၤမိးကံးလဧးအပူၤ,ဒီးပှၤစူၤရံဖိဆဲးဘၣ်စီၤယဟိရၣ်လီၤ. 6 ဒီးစီၤယဟိရၣ်က့ၤကဒါက့ၤဝဲဆူယံးစရ့လး,ဒ်သိးအပူၤလီၢ်လၢပှၤစူၤရံဖိမၤအီၤလၢရၤမါဖဲအဒုးသုးဒီးစူၤရံအစီၤပၤဃစ့လးတဖၣ်န့ၣ်ကဘျါက့ၤဝဲလီၤ.ဒီးယူဒၤအစီၤပၤယဟိရၣ်အဖိခွါစီၤအဃၤစယၤန့ၣ်လဲၤလီၤအိၣ်သကိးစီၤအၤဃာ်အဖိခွါစီၤယဟိရၣ်လၢယံးစရ့လးအပူၤလီၤ.အဂ့ၢ်ဒ်အံၤ,ဆါဝဲလီၤ.

7 ဒီးစီၤအဃၤစယၤဘၣ်တၢ်မၤဟးဂီၤန့ၣ်ကဲထီၣ်ဝဲလၢယွၤလၢအဟဲဝဲဆူစီၤယဟိရၣ်အဃိလီၤ.ဒီးတုၤအတုၤဝဲဒီး,လဲၤထီၣ်ဝဲဒီးစီၤယဟိရၣ်ထီဒါစီၤနံၣ်ၡံၤအဖိခွါစီၤယ့ၤဟူလၢယွၤဖှူအီၤ,ဒ်သိးအကဒီၣ်တဲာ်ကွံာ်စီၤအၤဃာ်အပှၤဟံၣ်ဖိလီၤ.

8 ဒီးတုၤစီၤယ့ၤဟူမၤတၢ်စံၣ်ညီၣ်လၢစီၤအၤဃာ်အပှၤဟံၣ်ဖိဒီး,တၢ်မၤအသးလၢအထံၣ်န့ၢ်ယူဒၤအပဒိၣ်ဖးဒိၣ်တဖၣ်,ဒီးစီၤအဃၤစယၤအဒီပုၢ်ဝဲၢ်တဖၣ်အဖိခွါလၢအမၤစီၤအဃၤစယၤအတၢ်,ဒီးမၤသံအီၤလီၤ.

9 ဒီးဃုစီၤအဃၤစယၤ,ဒီးပှၤဖီၣ်န့ၢ်အီၤ(အဂ့ၢ်ဒ်အံၤ,အိၣ်ခူသူၣ်လၢၡၤမရံအပူၤ),ဒီးဟဲစိာ်အီၤဆူစီၤယ့ၤဟူအအိၣ်,ဒီးပှၤမၤသံအီၤ,ဒီးခူၣ်လီၤကွံာ်အီၤလီၤ.အဂ့ၢ်ဒ်အံၤ,စံးဝဲဒၣ်,မ့ၢ်စီၤယဟိၡၤဖးလၢအဃုယွၤလၢအသးဒီဖျၢၣ်ညါအဖိခွါလီၤ.ဒီးစီၤအဃၤစယၤအပှၤဟံၣ်ဖိဟံးဃာ်ဘီဧိၤမုၢ်ဧိၤတသ့ဘၣ်.

10 ဒီးတုၤစီၤအဃၤစယၤအမိၢ်နီၢ်ဧသၤလယၤတဂၤထံၣ်ဝဲလၢအဖိခွါသံဒီး,ဂဲၤဆၢထၢၣ်ဝဲ,ဒီးမၤဟးဂီၤယူဒၤအပှၤဟံၣ်ဖိအစီၤပၤအချံအသၣ်ခဲလၢာ်လီၤ.

11 ဒီးစီၤပၤအဖိမုၣ်,နီၢ်ယဟိၤရှ့ဘၤတဂၤဟံးန့ၢ်စီၤအဃၤစယၤအဖိခွါစီၤယိၤအၣ်,ဒီးဟုၣ်န့ၢ်အီၤလၢစီၤပၤအဖိခွါလၢအဘၣ်တၢ်မၤသံအီၤအကျါ,ဒီးပာ်ခူသူၣ်အီၤ,အဝဲဒၣ်,ဒီးအပှၤဒုးအီၣ်နုၢ်ထံတဂၤလၢဒၢးပူၤလီၤ.ဒီးစီၤပၤယဟိရၣ်အဖိမုၣ်,ပှၤလုၢ်တၢ်အဒိၣ်စီၤယဟိယဒါအမါနီၢ်ယဟိရှ့ဘၤ(အဂ့ၢ်ဒ်အံၤ,မ့ၢ်စီၤအဃၤစယၤအဒီပုၢ်ဝဲၢ်မုၣ်),ပာ်အီၤသဒၢဒီးနီၢ်ဧသၤလယၤအမဲာ်,ဒီးတမၤသံဘၣ်ဝဲဘၣ်.

12 ဒီးအဝဲဒၣ်အိၣ်ခူသူၣ်ဒီးအီၤလၢယွၤအဟံၣ်ပူၤဃုနံၣ်လီၤ.ဒီးနီၢ်ဧသၤလယၤန့ၣ်ကဲထီၣ်နီၢ်ပၤမုၣ်လၢကီၢ်အဖီခိၣ်လီၤ.