2Ch 5 | KswSKMB | STEP | ဒီးစီၤၡလိၤမိၤမၤဝံၤကယဲၢ်တၢ်မၤလၢအမၤဝဲလၢယွၤအဟံၣ်အဂီၢ်,ဒီးစီၤၡလိၤမိၤဟဲစိာ်နုာ်တၢ်တဖၣ်လၢအပၢ်မၤဘူၣ်ဝဲလီၤ.ဒီးကျိၣ်ဧိၤစ့ဧိၤ,ဒီးထူဧိၤလွဲဧိၤ,ဒီးတၢ်ဖိတၢ်လံၤခဲလၢာ်န့ၣ်ပာ်ဝဲလၢတၢ်ပာ်ဖှိၣ်အလီၢ်ပူၤလၢယွၤအဟံၣ်ပူၤလီၤ.

‏ 2 Chronicles 5

1 ဒီးစီၤၡလိၤမိၤမၤဝံၤကယဲၢ်တၢ်မၤလၢအမၤဝဲလၢယွၤအဟံၣ်အဂီၢ်,ဒီးစီၤၡလိၤမိၤဟဲစိာ်နုာ်တၢ်တဖၣ်လၢအပၢ်မၤဘူၣ်ဝဲလီၤ.ဒီးကျိၣ်ဧိၤစ့ဧိၤ,ဒီးထူဧိၤလွဲဧိၤ,ဒီးတၢ်ဖိတၢ်လံၤခဲလၢာ်န့ၣ်ပာ်ဝဲလၢတၢ်ပာ်ဖှိၣ်အလီၢ်ပူၤလၢယွၤအဟံၣ်ပူၤလီၤ.

2 တုၤနုၤတစုစီၤၡလိၤမိၤဒုးအိၣ်ဖှိၣ်ရိဖှိၣ်အံၣ်စရ့လးအပှၤသူၣ်က့သးပှၢ်,ဒီးအဒူၣ်တဖၣ်အခိၣ်ခဲလၢာ်,ပှၤအံၣ်စရ့လးဖိအပၢ်အခိၣ်တဖၣ်ဆူယရူၤၡလ့ၣ်အပူၤ,ဒ်သိးအကဟဲစိာ်ယွၤအတၢ်အၢၣ်လီၤအီလီၤအတလါဆူစီၤဒၤဝံးအဝ့ၢ်ပူၤလီၤ.(အဝဲဒၣ်မ့ၢ်စံယိၣ်လီၤ.)

3 ဒီးအံၣ်စရ့လးအပှၤကညီခဲလၢာ်အိၣ်ဖှိၣ်ရိဖှိၣ်ဆူစီၤပၤအအိၣ်လၢတၢ်မၤဘူၣ်အပူၤ,လၢလါနွံလါတလါလီၤ.

4 ဒီးအံၣ်စရ့လးအပှၤသူၣ်က့သးပှၢ်ဟဲဝဲခဲလၢာ်,ဒီးပှၤလ့ၤဝံဖိဟံးထီၣ်တလါန့ၣ်, 5 ဒီးဟဲစိာ်ထီၣ်တလါန့ၣ်,ဒီးတၢ်အိၣ်ဖှိၣ်အဒဲ,ဒီးတၢ်ဖိတၢ်လံၤစီဆှံလၢအအိၣ်ဝဲလၢဒဲပူၤခဲလၢာ်လီၤ.အဝဲသ့ၣ်န့ၣ်ပှၤလုၢ်တၢ်အဒိၣ်,ဒီးပှၤလ့ၤဝံဖိဟဲစိာ်ဝဲလီၤ.

6 ဒီးစီၤပၤၡလိၤမိၤ,ဒီးအံၣ်စရ့လးအတၢ်အိၣ်ဖှိၣ်ခဲလၢာ်လၢအအိၣ်ဖှိၣ်လၢအအိၣ်န့ၣ်အိၣ်ဝဲလၢတလါအမဲာ်ညါ,ဒီးလုၢ်သိ,ဒီးဂီၤဖံး,ဒီးမ့ၢ်အအိၣ်ဂီၢ်မုၢ်သတးဒီး,အိၣ်ပှဲၤအံၤပှဲၤနုၤလီၤန့ၣ်ပှၤစံးတဘၣ်ဘၣ်.ဒီးတဂံၢ်ဘၣ်ဝဲဘၣ်.

7 ဒီးပှၤလုၢ်တၢ်အဒိၣ်ဟဲစိာ်ယွၤအတၢ်အၢၣ်လီၤအီလီၤအတလါဆူအလီၢ်လၢတၢ်ကတိၤတၢ်အလီၢ်လၢဟံၣ်ပူၤဆူတၢ်အလီၢ်စီဆှံကတၢၢ်လၢခ့ရူာ်အဒံးဆ့အဖီလာ်လီၤ.

8 အဂ့ၢ်ဒ်အံၤ,ခ့ရူာ်ယူာ်ထီၣ်အဒံးဆ့ခံခီလၢတလါအလီၢ်အဖီခိၣ်,ဒီးခ့ရူာ်ကျၢၢ်ဘၢတလါန့ၣ်,ဒီးအနီၣ်ယိးဘိလၢအဖီခိၣ်လီၤ.

9 ဒီးထုးထီၣ်နီၣ်ယိးဘိ,ဒီးနီၣ်ယိးဘိအနါစ့ၤတဖၣ်အိၣ်ဖျါဝဲလၢတလါန့ၣ်လၢတၢ်ကတိၤတၢ်အလီၢ်အမဲာ်ညါ,ဒီးတအိၣ်ဖျါဘၣ်လၢခိ,ဒီးအိၣ်ဝဲဖဲန့ၣ်တုၤမုၢ်မဆါတနံၤအံၤလီၤ.

10 ဒီးအိၣ်ဝဲလၢတလါပူၤထဲလၢၢ်ဘ့ၣ်ဘၣ်ခံဘ့ၣ်လၢစီၤမိၤရှ့ပာ်ဖဲန့ၣ်လၢဃိၤရ့းဖဲယွၤအၢၣ်လီၤအီလီၤတၢ်ဒီးပှၤအံၣ်စရ့လးဖိ,ဖဲအဟဲထီၣ်လၢအဲၤကူပတူးအပူၤန့ၣ်လီၤ.

11 ဒီးတၢ်မၤအသးတုၤပှၤလုၢ်တၢ်အဒိၣ်ဟဲက့ၤထီၣ်လၢတၢ်အလီၢ်စီဆှံဒီး,(အဂ့ၢ်ဒ်အံၤ,ကယဲၢ်ပှၤလုၢ်တၢ်အဒိၣ်လၢအအိၣ်ဝဲခဲလၢာ်န့ၣ်မၤစီဆှံတ့ၢ်အသး,ဒီးတအိၣ်ခိးဘၣ်တတီၤဘၣ်တတီၤဘၣ်. 12 ဒီးပှၤလ့ၤဝံဖိလၢအသးဝံၣ်တၢ်ခဲလၢာ်,လၢအဘၣ်ဃးဒီးစီၤအၤစာ်,ဒီးစီၤဟ့မၣ်,ဒီးစီၤယဒူသူၣ်အိၣ်ဒီးအဖိခွါဒီးအဒီပုၢ်ဝဲၢ်တဖၣ်န့ၣ်သိးဝဲဒီးဖှီဝါကဆှၣ်အိၣ်ဝဲဒီးစှၢၣ်စှံး,ဒီးသီတူၢ်,ဒီးတနၢ်သ့ၣ်တဖၣ်န့ၣ်ဆၢထၢၣ်ဝဲလၢတၢ်လုၢ်လီၢ်အဃၢၤလၢမုၢ်ထီၣ်တခီ,အိၣ်ဒီးပှၤလုၢ်တၢ်အဒိၣ်တကယၤခံဆံလၢအူကွဲၤလီၤ.)

13 တုၤပှၤအူကွဲၤ,ဒီးပှၤသးဝံၣ်တၢ်ဖိန့ၣ်မၤသီၣ်ထီၣ်တၢ်ဒ်ပှၤတဂၤဃီအသိး,လၢအအူးထီၣ်,ဒီးစံးထီၣ်ပတြၢၤယွၤသတးဒီးဒုးနၢ်ဟူတၢ်,ဒီးထုထီၣ်အကလုၢ်ဒီးကွဲၤ,ဒီးစှၢၣ်စှံး,ဒီးဒံၣ်ဒၢပီၤဒွါ,ဒီးစံးထီၣ်ပတြၢၤယွၤ,(အဂ့ၢ်ဒ်အံၤ,ဂ့ၤဝဲလီၤ.မ့ၢ်အဘျုးအဖှိၣ်အိၣ်ဝဲလီၤစိၤလီၤထီအဂ့ၢ်လီၤ,)ဒီးတၢ်မၤအသးလၢဟံၣ်န့ၣ်ပှဲၤဝဲဒီးတၢ်အၢၣ်,ယွၤအဟံၣ်လီၤ. 14 ဒီးပှၤလုၢ်တၢ်အဒိၣ်ဆၢထၢၣ်မၤတၢ်တသ့ဘၣ်လၢတၢ်အၢၣ်အဃိ,အဂ့ၢ်ဒ်အံၤ,ယွၤအလၤအကပီၤပှဲၤယွၤအဟံၣ်ပူၤလီၤ.