2Pe 2 | KswSKMB | STEP | ဘၣ်ဆၣ်ဒီးဝံအဘျၣ်အိၣ်ထီၣ်စ့ၢ်ကီးလၢပှၤဂီၢ်မုၢ်အကျါ,ဒ်သရၣ်အဘျၣ်ကအိၣ်စ့ၢ်ကီးဝဲလၢသုကျါအသိးန့ၣ်လီၤ.အဝဲသ့ၣ်ကဒုးနုာ်ခူသူၣ်တၢ်စုတလီၤဃုာ်ဘၣ်,ဘၣ်ဃးဒီးတၢ်ဟးဂီၤ,ဒီးကသမၢကွံာ်ကစၢ်လၢအပှ့ၤက့ၤအီၤ,ဒီးကထုးလီၤတၢ်ဟးဂီၤလၢအလိၤဒၣ်ဝဲချ့သဒံးလီၤ.

‏ 2 Peter 2

1 ဘၣ်ဆၣ်ဒီးဝံအဘျၣ်အိၣ်ထီၣ်စ့ၢ်ကီးလၢပှၤဂီၢ်မုၢ်အကျါ,ဒ်သရၣ်အဘျၣ်ကအိၣ်စ့ၢ်ကီးဝဲလၢသုကျါအသိးန့ၣ်လီၤ.အဝဲသ့ၣ်ကဒုးနုာ်ခူသူၣ်တၢ်စုတလီၤဃုာ်ဘၣ်,ဘၣ်ဃးဒီးတၢ်ဟးဂီၤ,ဒီးကသမၢကွံာ်ကစၢ်လၢအပှ့ၤက့ၤအီၤ,ဒီးကထုးလီၤတၢ်ဟးဂီၤလၢအလိၤဒၣ်ဝဲချ့သဒံးလီၤ. 2 ဒီးပှၤအါဂၤကပိာ်ထွဲအတၢ်ကလုာ်ကလိၤအခံ,ဒီးလၢအဝဲသ့ၣ်အဃိ,တၢ်မ့ၢ်တၢ်တီအကျဲကဘၣ်တၢ်ဒုၣ်ဒွဲၣ်အီၤလီၤ. 3 ဒီးလၢတၢ်ပံာ်တၢ်ကီအပူၤကမၤလဲာ်မၤကၤသုလၢတၢ်ကတိၤလီတၢ်လီၤ.အတၢ်စံၣ်ညီၣ်ဃၣ်လၢပျၢၤလံၤလံၤ,တအိၣ်ကတီၢ်ဘၣ်,ဒီးအတၢ်ဟးဂီၤတမံသပ့ၤဘၣ်.

4 အဂ့ၢ်ဒ်အံၤ,ကလူးလၢအမၤတၢ်ဒဲးဘးတဖၣ်န့ၣ်,ယွၤမ့ၢ်တသးလီဘၣ်အီၤဘၣ်,ဒီးမ့ၢ်တ့ၢ်လီၤအီၤဆူလရာ်ပူၤ,ဒီးဟ့ၣ်လီၤအီၤလၢတၢ်ခံးအတၢ်စၢဃာ်အပူၤ,လၢတၢ်စံၣ်ညီၣ်ဃၣ်အဂီၢ်, 5 ဒီးမ့ၢ်တသးလီဘၣ်ဟီၣ်ခိၣ်လီၢ်လံၤ,ဒီးဒုးလုၣ်ဘၢပှၤတယူးတယီၣ်ဘၣ်ယွၤအဟီၣ်ခိၣ်လၢထံ,ဒီးအံးက့ၤကွၢ်က့ၤပှၤဃိးဂၤတဂၤစီၤနိအၤ,လၢအစံၣ်တဲၤတဲလီၤတၢ်တီတၢ်လိၤအကလုၢ်, 6 ဒီးမ့ၢ်ဒုးကဲထီၣ်ဝ့ၢ်စဒိၣ်,ဒီးဝ့ၢ်ဂမိရၤလၢဖၣ်ဆါ,ဒီးစံၣ်ညီၣ်ဃၣ်အီၤလၢတၢ်ဟးဂီၤ,ဒီးပာ်အီၤလၢတၢ်အဒိအတဲာ်လၢပှၤလၢအကမၤတၢ်တယူးတယီၣ်ဘၣ်ယွၤလၢခံအဂီၢ်. 7 ဒီးမ့ၢ်ထုးထီၣ်ကွံာ်ပှၤတီပှၤလိၤစီၤလိာ်,လၢအသူၣ်ကိၢ်အသးဂီၤလၢပှၤတၢ်ဒဲးဘးဖိအတၢ်ဖံးတၢ်မၤဘၣ်အၢအဃိ, 8 (အဂ့ၢ်ဒ်အံၤ,ပှၤတီပှၤလိၤတဂၤန့ၣ်အိၣ်ဝဲဆိးဝဲလၢအဝဲသ့ၣ်အကျါ,ဒီးထံၣ်တၢ်,ဒီးနၢ်ဟူတၢ်သတးဒီး,အသူၣ်တီအသးလိၤဘၣ်တၢ်မၤတံာ်တာ်ကိးမုၢ်နံၤလၢအဝဲသ့ၣ်အတၢ်မၤတတီတလိၤဘၣ်အဃိ)ဒီး, 9 မ့ၢ်မးယွၤသ့ၣ်ညါထုးထီၣ်ကွံာ်ပှၤယူးယီၣ်ယွၤလၢတၢ်လ့ပစီအပူၤ,ဒီးသ့ၣ်ညါဟံးဃာ်ပှၤတတီတလိၤဘၣ်လၢတၢ်ဒဲးဘးအဖီလာ်တုၤလၢမုၢ်စံၣ်ညီၣ်အနံၤန့ၣ်လီၤ. 10 ဒီးလီၤဆီဒၣ်တၢ်ပှၤလၢအပိာ်တၢ်ဖံးတၢ်ညၣ်အခံ,ဒီးလဲၤလၢအတၢ်ကလုာ်ကလိၤအပူၤ,ဒီးမၤတရီတပါပဒိၣ်ပပှၢ်န့ၣ်လီၤ.ပှၤတဖၣ်န့ၣ်မ့ၢ်ပှၤအဒူ,ဒီးမၤဖဲအသးအလိၤဒၣ်ဝဲလီၤ.ဒီးဒုၣ်ဒွဲၣ်တၢ်အစိအကမီၤတဖၣ်န့ၣ်တပျံၤဘၣ်ဝဲဘၣ်. 11 မ့မ့ၢ်ကလူးတဖၣ်လၢအဂံၢ်အဘါဒီးအစိအကမီၤဒိၣ်န့ၢ်အဝဲသ့ၣ်နာ်သက့ဒီး,တပာ်တၢ်ကမၣ်ဒုၣ်ဒွဲၣ်လၢအလိၤလၢယွၤအမဲာ်ညါဘၣ်.

12 မ့မ့ၢ်အဝဲသ့ၣ်တဖၣ်န့ၣ်ဒ်ဆၣ်ဖိကီၢ်ဖိနီၢ်နီၢ်လၢအသူၣ်တဖးသးတဖးဘၣ်,ကဲထီၣ်လၢတၢ်ကဖီၣ်န့ၢ်အီၤ,ဒီးမၤသံအီၤအဂီၢ်အသိးန့ၣ်,ပှၤတဖၣ်အံၤဒုၣ်ဒွဲၣ်တၢ်လၢအတသ့ၣ်ညါဘၣ်တဖၣ်န့ၣ်,ဒီးကဟးဂီၤမးလၢအကစၢ်ဒၣ်ဝဲအတၢ်ဟးဂီၤအပူၤ, 13 ဒီးကဒိးဘၣ်တၢ်တတီတလိၤဘၣ်အဘူးအလဲလီၤ.တၢ်အီၣ်လုၣ်ကိလၢမုၢ်ဆါခီန့ၣ်,ပာ်ဝဲလၢအတၢ်မုာ်တၢ်လၤ,ဒီးမ့ၢ်တၢ်မဲၣ်သူမဲၣ်ဂီၤဒီးတၢ်သံၣ်သူမီၢ်ကျာ်,ဒီးပှၤမုာ်လၤတၢ်လၢအတၢ်လီတၢ်ဝ့ၤဒၣ်ဝဲအပူၤ,ဖဲအအီၣ်မုာ်အီလၤအသးဒီးသုအဖၢမုၢ်န့ၣ်လီၤ. 14 အိၣ်ဒီးအမဲာ်ပှဲၤဝဲဒီးပှၤအဲၣ်ဘၢဝၤ,ဒီးဆိတ့ၢ်လၢတၢ်ဒဲးဘးတသ့ဘၣ်,ကတိၤလွဲန့ၢ်ပှၤလၢအသးတဂၢၢ်တကျၢၤဘၣ်,အိၣ်ဒီးအသးညီနုၢ်လၢတၢ်သးကွံတၢ်,တၢ်ဆိၣ်အၢအဖိ, 15 ပှၤလဲၤသဒၣ်ကွံာ်ကျဲအလိၤ,ဒီးဟးကမၣ်ဝ့ၤဝီၤဝဲ,ဒီးပိာ်က့ၤပှၤလၢအအဲၣ်ဒိးတၢ်တတီတလိၤဘၣ်အဘူးအလဲ,စီၤဘဧိၢ်အဖိခွါစီၤဘံးလၣ်အကျဲ, 16 ဘၣ်ဆၣ်ဒီးအဝဲဒၣ်ဘၣ်တၢ်ဒူအလိၤလၢအတၢ်ကမၣ်ဒၣ်ဝဲအဃိလီၤ.အဂ့ၢ်ဒ်အံၤ,ကသ့ၣ်ယီၤတအုၣ်တဒု,ကတိၤဝဲလၢပှၤကညီအကျိာ်,ဒီးတြီဃာ်ဝံအတၢ်ပျုၢ်တၢ်တြိးလီၤ.

17 အဝဲသ့ၣ်တဖၣ်န့ၣ်,မ့ၢ်ထံပူၤလၢထံတအိၣ်ဘၣ်,ဘှ့ၣ်လၢကလံၤမုၢ်အူဒံကွံာ်အီၤ,ဒီးတၢ်ခံးအတၢ်သူအထူအယိာ်အိၣ်ပာ်လၢအဂီၢ်လီၤ. 18 အဂ့ၢ်ဒ်အံၤ,ကတိၤလုကတိၤမဲကလီကလီလၢတၢ်ဖံးတၢ်ညၣ်အသးကွံတၢ်,ဒီးတၢ်ကလုာ်ကလိၤအပူၤ,သတးဒီးလွဲန့ၢ်ပှၤလၢအဘူးဒီးကပူၤဖျဲးဒီးပှၤအိၣ်လၢတၢ်ကမၣ်အပူၤန့ၣ်လီၤ. 19 စံးပာ်အီၤလၢတၢ်ထူၣ်ဖျဲးအဖၢမုၢ်ဒီး,အကစၢ်ဒၣ်ဝဲမ့ၢ်တၢ်အုၣ်သံကျၣ်သံအကုၢ်အပှၤလီၤ.အဂ့ၢ်ဒ်အံၤ,ပှၤမ့ၢ်ဘၣ်တၢ်မၤနၢၤအီၤလၢတၢ်တမံၤမံၤဒီး,မ့ၢ်အဒိးမၢကုၢ်အသးလၢအီၤလီၤ. 20 အဂ့ၢ်ဒ်အံၤ,ပှၤလၢအပူၤဖျဲးကွံာ်ဟီၣ်ခိၣ်အတၢ်ဘၣ်အၢ,လၢတၢ်သ့ၣ်ညါပှၤအုၣ်က့ၤခီၣ်က့ၤတၢ်ပကစၢ်ယ့ၣ်ရှူးခရံာ်အဃိန့ၣ်,မ့ၢ်ဘၣ်တၢ်သဘံၣ်ဘုၣ်ကဒီးလၢတၢ်တဖၣ်န့ၣ်,ဒီးတၢ်မၤနၢၤအီၤဒီး,အကတၢၢ်ကနးန့ၢ်အခီၣ်ထံးတက့ၢ်လီၤ. 21 အဂ့ၢ်ဒ်အံၤ,မ့ၢ်တသ့ၣ်ညါဘၣ်တၢ်တီတၢ်လိၤအကျဲဘၣ်ဒီး,ဂ့ၤန့ၢ်အသ့ၣ်ညါဝံၤဒီး,ညိကွံာ်တၢ်မၤလိာ်စီဆှံလၢတၢ်ဟ့ၣ်လီၤအီၤန့ၣ်တက့ၢ်လီၤ. 22 ဒီးတၢ်ကတိၤဒိလၢအမ့ၢ်အမ့ၢ်အတီတမံၤန့ၣ်ဘၣ်လံအီၤလံ,ထွံၣ်ကဒါက့ၤအသးဆူအတၢ်ဘှိးဒၣ်ဝဲအအိၣ်, ^{▼▼2:22 ကတိၤ.၂၆း၁၁}ဒီးထိးမိၢ်လၢအဒိးသ့စီအသးဝံၤဒီးကဒါဃီၤအသးဆူအလီၢ်ကလိာ်လၢကပံာ်ကျါန့ၣ်လီၤ.