Daniel 7
1ဘၤဘူၤလိၣ်အစီၤပၤဘ့ၤလၡါစၢ်အခီၣ်ထံးတနံၣ်န့ၣ်စီၤဒၤနံးယ့လးအိၣ်ဒီးမံမီၢ်တၢ်,ဒီးအမဲာ်အထံၣ်တၢ်လၢညါခီလၢအလီၢ်မံပူၤလီၤ.တုၤနုၤတစုကွဲးလီၤတၢ်မံမီၢ်,ဒီးစံးဘၣ်တဲဘၣ်တၢ်ကတိၤအခိၣ်ကျၢၢ်လီၤ. 2စီၤဒၤနံးယ့လးကတိၤတၢ်ဒီးစံးဝဲဒၣ်,ယကွၢ်ထံတၢ်လၢယထံၣ်တၢ်လၢညါခီလၢမုၢ်နၤအဖၢမုၢ်,ဒီးကွၢ်ကွၢ်,မူခိၣ်အကလံၤလွံၢ်ခီဘၢၣ်ဖျိတၢ်လၢပီၣ်လဲၣ်ဖးဒိၣ်အဖီခိၣ်လီၤ. 3ဒီးဆၣ်ဖိကီၢ်ဖိဖးဒိၣ်လွံၢ်ဒုဟဲထီၣ်လၢပီၣ်လဲၣ်ပူၤ,လီၤဆီလိာ်အသးတဒုဒီးတဒုလီၤ. 4အခီၣ်ထံးတဒုမၤသးဒ်ခ့ယုၢ်အသိး,အိၣ်ဝဲဒီးလံာ်ကြီကြၣ်အဒံးဆ့လီၤ.ဒီးယကွၢ်ထံတုၤတၢ်ထဲးထီၣ်ကွံာ်အဒံးဆ့,ဒီးတၢ်ဒုးထီၣ်အီၤလၢဟီၣ်ခိၣ်အဖီခိၣ်,ဒီးတၢ်ဒုးဆၢထၢၣ်အီၤလၢအခီၣ်ဒ်ပှၤကညီအသိးန့ၣ်,ဒီးတၢ်ဟ့ၣ်လီၤအီၤလၢပှၤကညီအသးလီၤ. 5ဒီးကွၢ်ကွၢ်,ဆၣ်ဖိကီၢ်ဖိအဂၤ,ခံဒုတဒုမၤသးဒ်တၤသူအသိးန့ၣ်,ဆၢထၢၣ်တခီဒ့,ဒီးအိၣ်ဝဲဒီးတၢ်အဂုာ်ဃံသၢဘိလၢအထးခိၣ်လၢအမဲာ်အဘၢၣ်စၢၤ,ဒီးတၢ်စံးဘၣ်အီၤဒ်အံၤ,ဂဲၤဆၢထၢၣ်,အီၣ်တၢ်ညၣ်အါတက့ၢ်. 6လၢအလီၢ်ခံန့ၣ်ယကွၢ်ထံတၢ်,ဒီးကွၢ်ကွၢ်,အဂၤတဒုမၤသးဒ်ခ့စံၣ်ပိၣ်အသိးန့ၣ်,ဒီးအိၣ်ဝဲဒီးထိၣ်အဒံးဆ့လွံၢ်ဘ့ၣ်လၢအချၢ,ဒီးအိၣ်ဝဲဒီးအခိၣ်လွံၢ်ဖျၢၣ်,ဒီးတၢ်ဟ့ၣ်အီၤလၢအဘီအမုၢ်လီၤ. 7လၢအလီၢ်ခံန့ၣ်ဒီးယကွၢ်ထံတၢ်လၢတၢ်ထံၣ်တၢ်လၢညါခီလၢမုၢ်နၤအဖၢမုၢ်,ဒီးကွၢ်ကွၢ်,ဆၣ်ဖိကီၢ်ဖိလွံၢ်ဒုတဒု,တၢ်ပျံၤအလီၢ်,ဒီးဆူၣ်ဝဲ,ဒီးအဂံၢ်ဆူၣ်အဘါဆူၣ်ဒိၣ်ဒိၣ်ကလဲာ်,ဒီးအိၣ်ဝဲဒီးအမဲထးဖးဒိၣ်တဖၣ်လီၤ.အီၣ်တၢ်ဒီးမၤကၢ်လီၤကလဲတၢ်,ဒီးယီၢ်တံၢ်တၢ်အိၣ်လီၤတဲာ်လၢအခီၣ်,ဒီးလီၤဆီဝဲဒီးကယဲၢ်ဆၣ်ဖိကီၢ်ဖိလၢအအိၣ်ဝဲဆိးဝဲလၢအမဲာ်ညါခဲလၢာ်,ဒီးအိၣ်ဒီးအနၢၤဆံဆဲၣ်ဘိလီၤ. 8ယကွၢ်ဆိကမိၣ်အနၢၤတဖၣ်,ဒီးကွၢ်ကွၢ်,အနၢၤဖိအဂၤတဘိထီၣ်ဝဲလၢအကျါ,ဒီးလၢအနၢၤတဖၣ်လၢအခီၣ်ထံးအကျါန့ၣ်နၢၤသၢဘိဘၣ်တၢ်ထဲးထီၣ်ကွံာ်အီၤလၢနၢၤဖိအမဲာ်ညါလီၤ.ဒီးကွၢ်ကွၢ်,အမဲာ်ဒ်ပှၤကညီအမဲာ်အသိးဒီးအထးခိၣ်လၢအကတိၤတၢ်ဖးဒိၣ်တဖၣ်အိၣ်ဝဲလၢနၢၤတဘိန့ၣ်အပူၤလီၤ. 9ဒီးယကွၢ်ဒံးတၢ်တုၤတၢ်ပာ်လီၤလီၢ်ပစိာ်တဖၣ်,ဒီးတၢ်အိၣ်အကစၢၤကစၢၤလၢပျၢၤလံၤလံၤတဂၤန့ၣ်ဆ့ၣ်နီၤဝဲ,ဒီးအကူအသိးန့ၣ်ဝါဝဲဒ်မူခိၣ်ဖီအသိး,ဒီးအခိၣ်သူမၤအသးဒ်သိးအဆှုၣ်ကဆှဲကဆှီအသိးန့ၣ်လီၤ.အလီၢ်ပစိာ်မ့ၢ်မ့ၣ်လၣ်,အလ့ၣ်ကဟၣ်အပၣ်မ့ၢ်မ့ၣ်လၣ်,အီၣ်တၢ်န့ၣ်လီၤ. 10မ့ၣ်အူအကျိၤဟဲထီၣ်ဒီးဟးလၢအမဲာ်ညါလီၤ.ပှၤတကထိအဘျီတကထိမၤအတၢ်,ပှၤတကလးအဘျီတကလးဆၢထၢၣ်လၢအမဲာ်ညါလီၤ.တၢ်စံၣ်ညီၣ်ကွီၢ်ဘၣ်တၢ်ပာ်လီၤဝဲ,ဒီးလံာ်အိၣ်အိးထီၣ်အသးလီၤ. 11တုၤနုၤတစုယကွၢ်ဒံးတၢ်လၢနၢၤတဘိန့ၣ်ကတိၤတၢ်ကတိၤဖးဒိၣ်တဖၣ်အသီၣ်အဃိလီၤ.ယကွၢ်ဒံးတၢ်တုၤတၢ်မၤသံဆၣ်ဖိကီၢ်ဖိတဒုန့ၣ်,ဒီးအစိၣ်ဟးဂီၤ,ဒီးတၢ်ဟ့ၣ်လီၤကွံာ်လၢမ့ၣ်လၣ်လၢအအီၣ်တၢ်လီၤ. 12တၢ်လၢဆၣ်ဖိကီၢ်ဖိလၢအအိၣ်လီၤတဲာ်တဖၣ်န့ၣ်တၢ်ဟံးထီၣ်ကွံာ်အစိအကမီၤဘၣ်ဆၣ်ဒီးတၢ်ဒုးမူဒံးအီၤတုၤအမုၢ်အလါဒီးအဆၢအကတီၢ်ဘၣ်လီၤ. 13ဒီးယကွၢ်ဒံးတၢ်လၢတၢ်ထံၣ်တၢ်လၢညါခီလၢမုၢ်နၤအဖၢမုၢ်,ဒီးကွၢ်ကွၢ်,တၢ်မၤအသးဒ်ပှၤကညီဖိခွါတဂၤအသိးန့ၣ်ဟဲဝဲဒီးမူခိၣ်အတၢ်အၢၣ်,ဒီးသုးဘူးအသးဆူတၢ်အိၣ်လၢကစၢၤကစၢၤလၢပျၢၤလံၤလံၤတဂၤအအိၣ်,ဒီးတၢ်ဆှၢထီၣ်အီၤဘူးဒီးအမဲာ်ညါလီၤ. 14ဒီးတၢ်ဟ့ၣ်လီၤအီၤလၢတၢ်ပၢတၢ်အလီၢ်,ဒီးတၢ်လၤကပီၤ,ဒီးတၢ်အဘီအမုၢ်ဒ်သိးကယဲၢ်ပှၤဂီၢ်မုၢ်တဖၣ်,ပှၤကလုာ်တဖၣ်,ဒီးပှၤကတိၤတၢ်အကျိာ်အကလုာ်ကလုာ်ခဲလၢာ်ကမၤအတၢ်လီၤ.အပၢတၢ်အလီၢ်န့ၣ်မ့ၢ်တၢ်ပၢအလီၢ်အထူအယိာ်လၢအတလၢာ်ကွံာ်ဘၣ်,ဒီးအဘီအမုၢ်တတုၤဘၣ်လၢတၢ်ဟးဂီၤဘၣ်. 15တၢ်လၢယၤစီၤဒၤနံးယ့လးအံၤ,ယသူၣ်ကိၢ်ယသးဂီၤလၢယသအိပူၤ,ဒီးတၢ်လၢယမဲာ်ထံၣ်ဘၣ်တၢ်လၢညါခီလၢမုၢ်နၤန့ၣ်မၤကိၢ်ယၤလီၤ. 16ယသုးဘူးယသးဆူပှၤလၢအဆၢထၢၣ်လၢအဃၢၤတဂၤ,ဒီးယသံကွၢ်အီၤလၢတၢ်အံၤခဲလၢာ်အတၢ်မ့ၢ်တၢ်တီအဂ့ၢ်လီၤ.ဒီးစံးဘၣ်ယၤလၢသါကဘိးဘၣ်သ့ၣ်ညါယၤလၢအဒိၣ်အယိာ်လီၤ. 17ဆၣ်ဖိကီၢ်ဖိဖးဒိၣ်လၢအအိၣ်လွံၢ်ဒုန့ၣ်မ့ၢ်စီၤပၤလွံၢ်ဂၤလၢအကအိၣ်ထီၣ်လၢဟီၣ်ခိၣ်ချၢလီၤ. 18ဒီးတၢ်ထီကတၢၢ်တဂၤအပှၤစီဆှံတဖၣ်န့ၣ်ကန့ၢ်ဘၣ်ဘီဧိၤမုၢ်ဧိၤဒီးကအိၣ်ဒီးဘီဧိၤမုၢ်ဧိၤလီၤထူလီၤယိာ်,မ့ၢ်မးလီၤထူလီၤယိာ်လီၤ. 19တုၤနုၤတစုယသံကွၢ်တၢ်အမ့ၢ်အတီဘၣ်ဃးဒီးဆၣ်ဖိကီၢ်ဖိလွံၢ်ဒုတဒုလၢအလီၤဆီဝဲဒီးအဂၤခဲလၢာ်လၢအမၤပျံၤတၢ်ဒိၣ်ဒိၣ်ကလဲာ်,လၢအမဲမ့ၢ်ထး,ဒီးအခီၣ်မ့ၣ်မ့ၢ်တိၢ်,ဒီးအီၣ်ကွံာ်တၢ်,မၤကၢ်လီၤကလဲတၢ်,ဒီးယီၢ်တံၢ်တၢ်အိၣ်လီၤတဲာ်လၢအခီၣ်, 20ဒီးဘၣ်ဃးဒီးအနၢၤဆံဆဲၣ်ဘိလၢအအိၣ်ဝဲလၢအခိၣ်,ဒီးအဂၤတဘိလၢအထီၣ်ဝဲ,ဒီးနၢၤသၢဘိလီၤဃံၤလၢအမဲာ်ညါလၢအအိၣ်ဝဲဒီးအမဲာ်တဖၣ်,ဒီးအထးခိၣ်လၢအကတိၤတၢ်ဖးဒိၣ်တဖၣ်လၢအက့ၢ်အဂီၤဆူၣ်န့ၢ်အဂိၤမီၣ်တက့ၢ်လီၤ. 21ယကွၢ်ဒံးတၢ်,ဒီးနၢၤတဘိန့ၣ်ဒုးတၢ်ဒီးပှၤစီဆှံတဖၣ်,ဒီးမၤနၢၤအီၤ, 22တုၤတၢ်အိၣ်လၢကစၢၤကစၢၤလၢပျၢၤလံၤလံၤတဂၤန့ၣ်ဟဲဝဲ,ဒီးတၢ်စံၣ်ညီၣ်ကွီၢ်ဘၣ်တၢ်ပာ်လီၤဝဲလၢတၢ်ထီကတၢၢ်တဂၤအပှၤစီဆှံတဖၣ်အဂီၢ်ဒီးအမုၢ်အလါဘၣ်,ဒီးပှၤစီဆှံတဖၣ်န့ၣ်န့ၢ်ဘၣ်ဘီဧိၤမုၢ်ဧိၤန့ၣ်လီၤ. 23စံးဝဲဒ်အံၤ,ဆၣ်ဖိကီၢ်ဖိလွံၢ်ဒုတဒုန့ၣ်မ့ၢ်ဘီဧိၤမုၢ်ဧိၤလွံၢ်မံၤတမံၤလၢဟီၣ်ခိၣ်ချၢလၢအလီၤဆီဝဲဒီးဘီဧိၤမုၢ်ဧိၤခဲလၢာ်,ဒီးကအီၣ်ကွံာ်ဟီၣ်ခိၣ်ဒီဘ့ၣ်ညါ,ဒီးကယီၢ်တံၢ်အီၤ,ဒီးမၤကၢ်လီၤကလဲတၢ်လီၤ. 24ဒီးနၢၤဆံဆဲၣ်ဘိန့ၣ်မ့ၢ်စီၤပၤဆံဆဲၣ်ဂၤလၢအကအိၣ်ထီၣ်လၢဘီမုၢ်တဘီမုၢ်န့ၣ်အပူၤ,ဒီးအဂၤတဂၤကအိၣ်ထီၣ်လၢအလီၢ်ခံ,ဒီးကလီၤဆီဝဲဒီးအခီၣ်ထံးတဖၣ်,ဒီးကမၤနၢၤစီၤပၤသၢဂၤလီၤ. 25ဒီးကကတိၤတၢ်ကတိၤထီဒါတၢ်ထီကတၢၢ်တဂၤ,ဒီးကမၤနးမၤဖှီၣ်ပှၤအထီကတၢၢ်တဂၤအပှၤစီဆှံတဖၣ်,ဒီးကပာ်အသးလၢအကမၤကဒံကဒါတၢ်အဆၢအကတီၢ်,ဒီးတၢ်သိၣ်တၢ်သီလီၤ.ဒီးတၢ်ကဟ့ၣ်လီၤကွံာ်အဝဲသ့ၣ်လၢအစုပူၤလၢအကတီၢ်တကတီၢ်,ဒီးအကတီၢ်တဖၣ်,ဒီးဖးဖီအကတီၢ်အဖၢမုၢ်လီၤ. 26ဒီးတၢ်စံၣ်ညီၣ်ကွီၢ်န့ၣ်ကဆ့ၣ်နီၤဝဲ,ဒီးတၢ်ကထုးထီၣ်ကွံာ်အဘီအမုၢ်ဒ်သိးအကမၤလၢာ်ကွံာ်အီၤ,ဒီးမၤဟးဂီၤအီၤလီၤထူလီၤယိာ်လီၤ. 27ဒီးတၢ်ကဟ့ၣ်လီၤဘီဧိၤမုၢ်ဧိၤ,ဒီးပၢတၢ်အလီၢ်,ဒီးဘီဧိၤမုၢ်ဧိၤအစိအကမီၤလၢမူခိၣ်ဒီဘ့ၣ်ညါအဖီလာ်,လၢတၢ်ထီကတၢၢ်တဂၤအပှၤစီဆှံတဖၣ်အပှၤဂီၢ်မုၢ်လီၤ.အဘီအမုၢ်န့ၣ်မ့ၢ်အဘီအမုၢ်အထူအယိာ်,ဒီးကယဲၢ်ဘီမုၢ်ဖိခဲလၢာ်ကမၤအတၢ်ဒီးစူၢ်အီၤလီၤ.ဖဲအံၤမ့ၢ်တၢ်န့ၣ်အကတၢၢ်လီၤ. 28တၢ်လၢယၤစီၤဒၤနံးယ့လးအံၤ,ယတၢ်ဆိကမိၣ်န့ၣ်မၤကိၢ်ယသးလီၤ.ဒီးယမဲာ်ဂီၤဂံၢ်ဂီၤကးလီၤ.ဘၣ်ဆၣ်ဒီးယပာ်တၢ်တမံၤန့ၣ်လၢယသးကံၢ်ပူၤလီၤ.
Copyright information for
KswSKMB