Est 4 | KswSKMB | STEP | ဒီးတုၤစီၤမၢ်ဒကဲၤသ့ၣ်ညါတၢ်မၤအသးခဲလၢာ်ဒီး,ဖှီအဆ့,ဒီးသိးထၢၣ်အတၢ်ကံးညာ်အိၣ်ဒီးဖၣ်ဆါ,ဒီးလဲၤထီၣ်ဆူဝ့ၢ်အသးကံၢ်ပူၤ,ဒီးကိးပသူထီၣ်လၢအကလုၢ်ဖးဒိၣ်နးမးလီၤ.

‏ Esther 4

1 ဒီးတုၤစီၤမၢ်ဒကဲၤသ့ၣ်ညါတၢ်မၤအသးခဲလၢာ်ဒီး,ဖှီအဆ့,ဒီးသိးထၢၣ်အတၢ်ကံးညာ်အိၣ်ဒီးဖၣ်ဆါ,ဒီးလဲၤထီၣ်ဆူဝ့ၢ်အသးကံၢ်ပူၤ,ဒီးကိးပသူထီၣ်လၢအကလုၢ်ဖးဒိၣ်နးမးလီၤ.

2 ဒီးဟဲဝဲဆူစီၤပၤအပဲတရီအမဲာ်ညါလီၤ.အဂ့ၢ်ဒ်အံၤ,ပှၤသိးထၢၣ်အတၢ်ကံးညာ်တဘၣ်လဲၤနုာ်ဘၣ်ဆူစီၤပၤအပဲတရီအပူၤဘၣ်.

3 ဒီးကယဲၢ်ကီၢ်ဖဲစီၤပၤအကလုၢ်,ဒီးအတၢ်မၤလိာ်,ဟဲဝဲတဘ့ၣ်လၢ်လၢ်န့ၣ်တၢ်သူၣ်အုးသးအုးဖးဒိၣ်,ဒီးတၢ်ဒုၣ်တၢ်အီၣ်,ဒီးမဲာ်ထံမဲာ်နိလီၤ,ဒီးတၢ်ဟီၣ်တၢ်ယၢၤအိၣ်ဝဲလၢပှၤယူဒၤဖိအကျါ,ဒီးပှၤအါဂၤမံဝဲလၢထၢၣ်အတၢ်ကံးညာ်,ဒီးလၢဖၣ်ဆါအကျါလီၤ.

4 ဒီးနီၢ်အ့ၤစတၢ်အဖိသၣ်ပိာ်မုၣ်,ဒီးအပှၤဒ့ဒံၣ်တဖၣ်ဟဲဝဲ,ဒီးစံးဘၣ်အီၤလီၤ.ဒီးနီၢ်ပၤမုၣ်အသးအုးဒိၣ်နီၢ်မးလီၤ.ဒီးဟ့ၣ်ယုၢ်တၢ်အကူအသိး,ဒ်သိးစီၤမၢ်ဒကဲၤကကူကသိးဝဲ,ဒီးဒ်သိးအကဘ့ၣ်ကွံာ်ထၢၣ်အတၢ်ကံးညာ်လၢအလိၤလီၤ.ဘၣ်ဆၣ်ဒီးတတူၢ်လိာ်ဘၣ်ဝဲဘၣ်.

5 ဒီးနီၢ်အ့ၤစတၢ်ကိးန့ၢ်စီၤဟၤတး,စီၤပၤအပှၤဒ့ဒံၣ်လၢအမၢအအိၣ်ခိးလၢအမဲာ်ညါတဂၤ,ဒီးမၢအလဲၤဆူစီၤမၢ်ဒကဲၤအအိၣ်ဒ်သိးအကသ့ၣ်ညါလၢတၢ်အံၤမ့ၢ်မနုၤတမံၤလဲၣ်,ဒီးမ့ၢ်အဘၣ်မနုၤလဲၣ်န့ၣ်လီၤ.

6 ဒီးစီၤဟၤတးန့ၣ်လဲၤထီၣ်ဆူစီၤမၢ်ဒကဲၤအအိၣ်လၢဝ့ၢ်အကျဲပူၤလၢအအိၣ်ဝဲလၢစီၤပၤအပဲတရီအမဲာ်ညါလီၤ.

7 ဒီးစီၤမၢ်ဒကဲၤစံးဘၣ်အီၤလၢကယဲၢ်တၢ်လၢအဘၣ်ဝဲ,ဒီးလၢစ့အတၢ်ဂံၢ်လၢစီၤဟၤမၣ်သါကဟ့ၣ်လၢစီၤပၤအတၢ်ပာ်ဖှိၣ်အလီၢ်,လၢပှၤယူဒၤဖိအဃိဒ်သိးပှၤကမၤဟးဂီၤအီၤလီၤ.

8 ဒီးလံာ်မၤလိာ်တၢ်လၢတၢ်ဟ့ၣ်ဝဲလၢနူၢ်ရှူၡၣ်အပူၤဒ်သိးအကမၤဟးဂီၤဝဲန့ၣ်ဟ့ၣ်လီၤအလံာ်ကွဲးဆဲတဘ့ၣ်,ဒ်သိးအကဒုးနဲၣ်နီၢ်အ့ၤစတၢ်,ဒီးစံးဘၣ်အီၤလၢအဂ့ၢ်အကျိၤ,ဒီးမၤလိာ်အီၤလၢအကလဲၤနုာ်ဆူစီၤပၤအအိၣ်ဒ်သိးအကဃ့ကညးတၢ်,ဒီးဃ့တၢ်လၢအမဲာ်ညါလၢအပှၤဂီၢ်မုၢ်အဂီၢ်လီၤ.

9 ဒီးစီၤဟးတးလဲၤဝဲ,ဒီးစံးဘၣ်တဲဘၣ်နီၢ်အ့ၤစတၢ်လၢစီၤမၢ်ဒကဲၤအတၢ်ကတိၤန့ၣ်လီၤ.

10 ဒီးနီၢ်အ့ၤစတၢ်စံးဘၣ်စီၤဟၤတး,ဒီးဟ့ၣ်လီၤအကလုၢ်ဆူစီၤမၢ်ဒကဲၤအအိၣ်, 11 ဒီးစံးဝဲဒၣ်,စီၤပၤအခ့အပှၤခဲလၢာ်,ဒီးပှၤဂီၢ်မုၢ်လၢစီၤပၤအကီၢ်ကိးဘ့ၣ်ဒဲးအပူၤန့ၣ်သ့ၣ်ညါဝဲလၢဖဲဒၣ်ပှၤ,ပိာ်မုၣ်မ့ၢ်ဂ့ၤ,ပိာ်ခွါမ့ၢ်ဂ့ၤ,ပှၤမ့ၢ်တကိးဘၣ်အီၤဒီးမ့ၢ်လဲၤနုာ်ဆူစီၤပၤအအိၣ်လၢတၢ်အဂၢၤလၢညါတဂၢၤဒီး,အတၢ်မၤလိာ်အိၣ်တထံၣ်လၢအကဘၣ်သံလီၤ.တသံဘၣ်ထဲပှၤလၢစီၤပၤကယူာ်ထီၣ်အနီၣ်ထိးထူဆူအအိၣ်,ဒ်သိးအကမူဒံးလီၤ.ဒီးလၢအနံၤသၢဆံအတီၢ်ပူၤအံၤ,ပှၤတကိးဘၣ်ယၤဆူစီၤပၤအအိၣ်ဘၣ်.

12 ဒီးပှၤစံးဘၣ်တဲဘၣ်စီၤမၢ်ဒကဲၤလၢလနီၢ်အ့ၤစတၢ်အတၢ်ကတိၤန့ၣ်လီၤ.

13 ဒီးစီၤမၢ်ဒကဲၤမၢပှၤစံးဆၢနီၢ်အ့ၤစတၢ်,နကပူၤဖျဲးလၢစီၤပၤအဟံၣ်ပူၤညီန့ၢ်ပှၤယူဒၤဖိခဲလၢာ်တက့ၢ်န့ၣ်ဆိကမိၣ်လၢနသးကံၢ်ပူၤတဂ့ၤ. 14 အဂ့ၢ်ဒ်အံၤ,ဖဲအဆၢအကတီၢ်အံၤနမ့ၢ်အိၣ်ဘှီၣ်ကလာ်သပှၢ်တၢၢ်ဒီး,တၢ်မၤပူၤဖျဲးတၢ်ဒီးတၢ်ပူၤဖျဲးကအိၣ်ထီၣ်လၢပှၤယူဒၤဖိအဂီၢ်လၢအလီၢ်တပူၤဒၣ်လီၤ.မ့မ့ၢ်နဲဒၣ်ဒီးနပၢ်အပှၤဟံၣ်ဖိကတုၤလၢတၢ်ဟးဂီၤလီၤ.ဒီးနဟဲထီၣ်လၢဘီမုၢ်အလီၢ်လၢအဆၢအကတီၢ်အံၤအဂီၢ်ဧါန့ၣ်မ့ၢ်မတၤသ့ၣ်ညါတဂၤလဲၣ်.

15 ဒီးနီၢ်အ့ၤစတၢ်မၢပှၤစံးဆၢစီၤမၢ်ဒကဲၤ, 16 လဲၤဒုးအိၣ်ဖှိၣ်ရိဖှိၣ်ကယဲၢ်ပှၤယူဒၤဖိလၢပှၤထံၣ်န့ၢ်အီၤလၢရှူၡၣ်အပူၤခဲလၢာ်,ဒီးဒုၣ်တၢ်အီၣ်တၢ်အီလၢယဂီၢ်တက့ၢ်.မုၢ်သၢနံၤအတီၢ်ပူၤန့ၣ်လၢမုၢ်ဆါဂ့ၤဂ့ၤလၢမုၢ်နၤဂ့ၤဂ့ၤ,အီၣ်တၢ်တဂ့ၤ,ဒီးအီတၢ်တဂ့ၤယဲဒၣ်စ့ၢ်ကီးဒီးယဖိသၣ်ပိာ်မုၣ်တဖၣ်ပကဒုၣ်တၢ်အီၣ်ဒ်န့ၣ်လီၤ.ဒီးဒ်န့ၣ်အသိးယကလဲၤနုာ်ဆူစီၤပၤအအိၣ်လၢအတဒ်ဘၣ်တၢ်မၤလိာ်အသိးဘၣ်,ဒီးယမ့ၢ်ဟးဂီၤဒီး,ယကဟးဂီၤလီၤ. 17 ဒီးစီၤမၢ်ဒကဲၤလဲၤတၢ်,ဒီးမၤဝဲဒ်ကယဲၢ်တၢ်လၢနီၢ်အ့ၤစတၢ်မၤလိာ်အီၤအသိးန့ၣ်လီၤ.