Exodus 23
1မၤဟူထီသါလီၤတၢ်ကစီၣ်ကဘျံးကဘျၣ်တဂ့ၤ.ပာ်နစုဒီးပှၤတတီတလိၤဒ်သိးနကကဲထီၣ်ပှၤအုၣ်အသးလၢလီတၢ်တဂ့ၤ. 2ပိာ်ပှၤအါဂၤအခံလၢတၢ်မၤအၢအပူၤန့ၣ်တဂ့ၤ,စံးဆၢတၢ်လၢတၢ်အကွီၢ်ထွဲပှၤအါဂၤအခံလၢတၢ်ဘိးကမၣ်တၢ်အပူၤတဂ့ၤ. 3ကွၢ်မဲာ်ပှၤဘၣ်ဖှီၣ်ဘၣ်ယာ်လၢအကွီၢ်ပူၤန့ၣ်တဂ့ၤ. 4နမ့ၢ်ဘၣ်သဃိာ်ဒီးနဒုၣ်နဒါအဂီၤဖံးဂ့ၤ,အကသ့ၣ်ယီၤဂ့ၤဟးဖျိးကျဲဒီး,ဒုးဟဲက့ၤကဒါက့ၤအီၤဆူအအိၣ်သပှၢ်တၢၢ်တက့ၢ်. 5နမ့ၢ်ထံၣ်ဘၣ်ပှၤလၢအသးဟ့နၤတဂၤအကသ့ၣ်ယီၤကိာ်လီၤလၢအဝံတၢ်အဖီလာ်ဒီး,နသးတအိၣ်မၤစၢၤဘၣ်အီၤဘၣ်ဒီး,အိၣ်တဂ့ၤ,မၤစၢၤအီၤသပှၢ်တၢၢ်တက့ၢ်. 6ဘိးဃၣ်နပှၤဖှီၣ်ဖိယာ်ဖိအတၢ်စံၣ်ညီၣ်ဘၣ်ဃးဒီးအကွီၢ်တဂ့ၤ. 7အိၣ်ယံၤဒီးတၢ်တမ့ၢ်တတီဘၣ်န့ၣ်တက့ၢ်.ဒီးမၤသံပှၤလၢအတၢ်ဒဲးဘးတအိၣ်ဘၣ်,ပှၤအတီအလိၤန့ၣ်တဂ့ၤ.အဂ့ၢ်ဒ်အံၤ,ယတပာ်တီဘၣ်ပှၤအအၢန့ၣ်ဘၣ်. 8ဒီးဟံးန့ၢ်တၢ်ခိၣ်ဖးတဂ့ၤ.အဂ့ၢ်ဒ်အံၤ,တၢ်ခိၣ်ဖးမၤဘျီၣ်မဲာ်ပှၤလၢအမဲာ်ဆးတဖၣ်အသး,ဒီးမၤတလံာ်ပှၤအတီအလိၤတဖၣ်အတၢ်ကတိၤလီၤ. 9ဒီးမၤနးမၤဖှီၣ်ပှၤတခီဘီမုၢ်ဖိတဂ့ၤ.အဂ့ၢ်ဒ်အံၤ,သုသ့ၣ်ညါပှၤတခီဘီမုၢ်ဖိအသးလီၤ.သုမ့ၢ်တခီဘီမုၢ်ဖိလၢအဲၤကူပတူးအပူၤလီၤ. 10ဒီးနဘၣ်ဖှံတၢ်လၢနဟီၣ်ခိၣ်ဃုနံၣ်,ဒီးထၢပာ်ဖှိၣ်အတၤသၣ်လီၤ. 11မ့မ့ၢ်နွံနံၣ်တနံၣ်န့ၣ်,နဘၣ်ဒုးအိၣ်ဘှံးအီၤ,ဒီးအိၣ်ဒၣ်အတၢ်,ဒ်သိးနပှၤဂီၢ်မုၢ်အဖှီၣ်ဖိယာ်ဖိကအီၣ်တၢ်,ဒီးတၢ်လၢအအိၣ်လီၤတဲာ်န့ၣ်ဆၣ်ဖိကီၢ်ဖိအမံၤလၢပှၢ်လၢ်ကျါကအီၣ်ဘၣ်ဝဲလီၤ.ဒ်န့ၣ်အသိးနဘၣ်မၤဒီးနစပံးအလီၢ်ဒီးနသ့ၣ်စၤယံးအလီၢ်န့ၣ်လီၤ. 12ဃုနံၤအတီၢ်ပူၤန့ၣ်နဘၣ်မၤနတၢ်မၤ,ဒီးနွံနံၤတနံၤန့ၣ်နဘၣ်အိၣ်ဘှံး,ဒ်သိးနဂီၤဖံးဒီးနကသ့ၣ်ယီၤကအိၣ်ဘှံး,ဒီးနကုၢ်ပိာ်မုၣ်အဖိခွါ,ဒီးပှၤတခီဘီမုၢ်အဖိခွါအသးကခုၣ်ထီၣ်ကမုာ်ထီၣ်လီၤ. 13ဒီးပလီၢ်သုသးလၢကယဲၢ်တၢ်လၢယစံးတ့ၢ်သုတက့ၢ်.ဒီးဒုးသ့ၣ်နီၣ်ထီၣ်ကစၢ်အဂၤတဖၣ်အမံၤတဂ့ၤ.မ်တၢ်သုတနၢ်ဟူဘၣ်အီၤလၢနထးခိၣ်တဂ့ၤ. 14တနံၣ်အတီၢ်ပူၤန့ၣ်တိၢ်န့ၢ်တၢ်မၤဘူၣ်လၢယဂီၢ်သၢဘျီတက့ၢ်. 15နဘၣ်တိၢ်န့ၢ်ဘူၣ်ကိၣ်တအိၣ်ဘၣ်ဒီးကိၣ်မံၣ်,(နဘၣ်အီၣ်ကိၣ်တအိၣ်ဘၣ်ဒီးကိၣ်မံၣ်န့ၣ်နွံနံၤ,ဒ်ယမၤလိာ်နၤအသိး,ဖဲအဆၢအကတီၢ်လၢလါအၤဘံာ်န့ၣ်လီၤ.အဂ့ၢ်ဒ်အံၤ,လၢအတီၢ်ပူၤန့ၣ်နဟးထီၣ်ကွံာ်လၢအဲၤကူပတူး,ဒီးပှၤတဘၣ်အိၣ်ဖျါလၢယမဲာ်ညါအိၣ်ကလီဘၣ်), 16ဒီးဘူၣ်ကူးတၢ်,နမၤတၢ်အတၤသၣ်ဆိဘၣ်ဃးဒီးနဖှံတၢ်လၢစံာ်ပူၤ,ဒီးဘူၣ်ထၢဖှိၣ်တၢ်ဖဲနထၢဖှိၣ်နမၤတၢ်လၢစံာ်ပူၤ,ဒီးလၢနံၣ်အကတၢၢ်လီၤ. 17တနံၣ်အတီၢ်ပူၤန့ၣ်ကယဲၢ်သုပိာ်ခွါဘၣ်အိၣ်ဖျါသၢဘျီလၢကစၢ်ယွၤအမဲာ်ညါခဲလၢာ်လီၤ. 18လုၢ်ယတၢ်လုၢ်အသွံၣ်,ဒီးကိၣ်အိၣ်ဒီးကိၣ်မံၣ်န့ၣ်တဂ့ၤ.ဒီးယတၢ်မၤဘူၣ်အသိန့ၣ်ပာ်အီၤသီတနၤကျၢၤတုၤမုၢ်ဆ့ၣ်ထီၣ်န့ၣ်တဂ့ၤ. 19နဟီၣ်ခိၣ်အတၤသၣ်ဆိအဂံၢ်ခိၣ်တဖၣ်န့ၣ်ဟဲစိာ်ဆူယွၤနကစၢ်အဟံၣ်ပူၤတက့ၢ်.ချီမဲာ်တဲးလဲးဖိလၢအမိၢ်နုၢ်ထံပူၤတဂ့ၤ. 20ကွၢ်ကွၢ်,ယမၢလီၤကလူးတဂၤလၢနမဲာ်ညါလၢအကကွၢ်နၤလၢကျဲ,ဒီးကဒုးဟဲနၤဆူတၢ်အလီၢ်လၢယကတဲာ်ကတီၤတ့ၢ်အီၤတပူၤလီၤ. 21ပလီၢ်နသးလၢအီၤ,ဒီးကနၣ်အကလုၢ်တက့ၢ်.မၤသးထီၣ်အီၤတဂ့ၤ.အဂ့ၢ်ဒ်အံၤ,တပျၢ်ဘၣ်သုတၢ်ကမၣ်ဘၣ်.အဂ့ၢ်ဒ်အံၤ,ယမံၤအိၣ်လၢအပူၤလီၤ. 22မ့မ့ၢ်နမ့ၢ်ကနၣ်အကလုၢ်လီၤတံၢ်လီၤဆဲး,ဒီးတိၢ်န့ၢ်ကယဲၢ်ယကတိၤတၢ်ဒီး,ယကကဲထီၣ်နဒုၣ်နဒါတဖၣ်အဒုၣ်အဒါ,ဒီးပှၤမၤကိၢ်မၤဂီၤနၤတဖၣ်အတၢ်မၤကိၢ်မၤဂီၤအီၤလီၤ. 23အဂ့ၢ်ဒ်အံၤ,ယကလူးန့ၣ်ကလဲၤလၢနမဲာ်ညါ,ဒီးဒုးလဲၤနၤဆူပှၤအမိၢ်ဖိ,ဒီးပှၤဃ့ၤသးဖိ,ဒီးပှၤပရးစၤဖိ,ဒီးပှၤကနၤဧၣ်ဖိ,ဒီးပှၤဃံၤဝံၤဖိ,ဒီးပှၤယဘူၣ်ဖိတဖၣ်အအိၣ်,ဒီးယကမၤဟးဂီၤအီၤလီၤ. 24ဘါအကစၢ်တဖၣ်တဂ့ၤ.မၤအတၢ်တဂ့ၤ.မၤတၢ်ဒ်အဝဲသ့ၣ်မၤအသိးန့ၣ်တဂ့ၤ.ဒီးမၤဟးဂီၤကွံာ်အီၤ,ဒီးမၤလီၤကလဲအတၢ်ဂီၤတဖၣ်န့ၣ်တက့ၢ်. 25ဒီးမၤယွၤသုကစၢ်အတၢ်တက့ၢ်.ဒီးကဆိၣ်ဂ့ၤသုကိၣ်ဒီးသုထံလီၤ.ဒီးယကဟံးထီၣ်ကွံာ်တၢ်ဆူးတၢ်ဆါလၢနကျါလီၤ. 26တၢ်အဟုးတဟးဂီၤဘၣ်,တၢ်တူာ်ဖိတအိၣ်ဘၣ်လၢနကီၢ်ပူၤနီတမံၤဘၣ်.နနံၤနသီအတၢ်ဂံၢ်န့ၣ်ယကမၤပှဲၤထီၣ်လီၤ. 27ယကမၢတၢ်ပျံၤယၤလဲၤလၢနမဲာ်ညါ,ဒီးကယဲၢ်ပှၤဂီၢ်မုၢ်လၢနကလဲၤဆူအအိၣ်ခဲလၢာ်န့ၣ်,ယကမၤပျံၤမၤဖုးအီၤ,ဒီးယကမၢနဒုၣ်နဒါဃၣ်ဒူၣ်ချၢအသးလၢနၤလီၤ. 28ဒီးယကမၢဖျၢဧိၤဖျါဧိၤလဲၤလၢနမဲာ်ညါလၢအကဟီထီၣ်ကွံာ်ပှၤဃံၤဝံၤဖိ,ပှၤကနၤဧၣ်ဖိ,ဒီးပှၤဃ့ၤသးဖိလၢနမဲာ်ညါလီၤ. 29ယတဟီထီၣ်ကွံာ်အီၤလၢနမဲာ်ညါလၢတနံၣ်ဃီဘၣ်.ကီၢ်ကအိၣ်သယုၢ်ဘၣ်ဖုး,ဒီးဆၣ်ဖိကီၢ်ဖိအမံၤလၢပှၢ်လၢ်ကျါကအါထီၣ်ဘၣ်ဖုးထီဒါနၤလီၤ. 30တစဲးဘၣ်တစဲးယကဟီထီၣ်ကွံာ်အီၤလၢနမဲာ်ညါ,တုၤနသၣ်ထီၣ်ဒီးန့ၢ်ဘၣ်သါထံဧိၤကီၢ်ဧိၤန့ၣ်လီၤ. 31ဒီးယကပာ်နဆၢလၢပီၣ်လဲၣ်ဂီၤပၢၢ်လၢပှၤဖလ့ၡသးဖိအပီၣ်လဲၣ်,ဒီးလၢပှၢ်မုၢ်ကနၢပၢၢ်လၢထံမိၢ်ပှၢ်လီၤ.အဂ့ၢ်ဒ်အံၤ,ယကဟ့ၣ်လီၤကွံာ်ပှၤကီၢ်ဖိလၢနစုပူၤ,ဒီးနကဟီထီၣ်ကွံာ်အီၤလၢနမဲာ်ညါလီၤ. 32ဒီးအဝဲသ့ၣ်မ့ၢ်ဂ့ၤ,ဒီးအကစၢ်တဖၣ်မ့ၢ်ဂ့ၤ,အၢၣ်လီၤအီလီၤတၢ်ဒီးအီၤတဂ့ၤ. 33တဘၣ်အိၣ်လၢနကီၢ်ပူၤဘၣ်.မ့ၢ်အကမၢနမၤကမၣ်ဘၣ်ဖုးယၤလီၤ.အဂ့ၢ်ဒ်အံၤ,နမ့ၢ်မၤအကစၢ်တဖၣ်အတၢ်ဒီး,ကကဲထီၣ်တၢ်လၢတၢ်ပျံၤသကွီၤလၢနဂီၢ်လီၤ.
Copyright information for
KswSKMB