Exodus 11
1ဒီးယွၤစံးဘၣ်စီၤမိၤရှ့,ယကဒုးဘၣ်ဒံးဖၤရိၤ,ဒီးအဲၤကူပတူးလၢတၢ်နးတၢ်ဖှီၣ်တမံၤဒံးလီၤ.အဝဲန့ၣ်အလီၢ်ခံကပျၢ်သုဖဲအံၤလီၤ.တုၤအပျၢ်သုဒီး,ကဟီထီၣ်ကွံာ်သုဖဲအံၤတုၤအလၢာ်သပှၢ်တၢၢ်လီၤ. 2ကတိၤတၢ်လၢပှၤဂီၢ်မုၢ်အနၢ်ပူၤတက့ၢ်.ဒီးပှၤပိာ်မုၣ်မ့ၢ်ဂ့ၤ,ပှၤပိာ်ခွါမ့ၢ်ဂ့ၤ,ကဃ့စ့အကယၢကယဲ,ဒီးထူအကယၢကယဲ,လၢပှၤအိၣ်ဝဲလၢအဃၢၤစုာ်စုာ်လီၤ. 3ဒီးယွၤဟ့ၣ်ပှၤဂီၢ်မုၢ်လၢတၢ်ဘျုးတၢ်ဖှိၣ်လၢပှၤအဲၤကူပတူးဖိအမဲာ်ညါလီၤ.လၢန့ၣ်အမဲာ်ညါစီၤမိၤရှ့တဂၤန့ၣ်,မ့ၢ်ပှၤဒိၣ်မးလၢကီၢ်အဲၤကူပတူးအပူၤ,လၢဖၤရိၤအခ့အပှၤအမဲာ်ညါ,ဒီးလၢပှၤဂီၢ်မုၢ်အမဲာ်ညါလီၤ. 4ဒီးစီၤမိၤရှ့စံးဝဲဒၣ်,ယွၤစံးဝဲဒ်အံၤ,မုၢ်နၤဖးဖီမုၢ်ဃၣ်ဃၣ်ယကဟးထီၣ်ဆူအဲၤကူပတူးအသးကံၢ်ပူၤလီၤ, 5ဒီးကယဲၢ်ပှၤအဝဲၢ်ကိလၢအဲၤကူပတူးအပူၤကသံဝဲ,လၢဖၤရိၤအဖိဝဲၢ်ကိလၢအဆ့ၣ်နီၤလၢလီၢ်ပစိာ်အဖီခိၣ်,တုၤလီၤလၢကုၢ်ပိာ်မုၣ်လၢအအိၣ်ဝဲလၢဆၢၣ်ဂူာ်အချၢဃံ,ဒီးဆၣ်ဖိကီၢ်ဖိအဒၢအဖိဝဲၢ်ကိခဲလၢာ်လီၤ. 6ဒီးတၢ်ကိးပသူဖးဒိၣ်ကအိၣ်ထီၣ်လၢကီၢ်အဲၤကူပတူးဒီဘ့ၣ်ညါအပူၤလီၤ.တၢ်ဒ်န့ၣ်တအိၣ်တ့ၢ်ဘၣ်.ဒီးတၢ်ဒ်န့ၣ်တအိၣ်လၢၤဘၣ်လီၤ. 7မ့မ့ၢ်ထီဒါပှၤအံၣ်စရ့လးဖိ,ပှၤကညီမ့ၢ်ဂ့ၤ,ဆၣ်ဖိကီၢ်ဖိအဒၢမ့ၢ်ဂ့ၤ,ထွံၣ်တဒုတဝးထီၣ်ဘၣ်အပျ့ၤဘၣ်,ဒ်သိးကသုကသ့ၣ်ညါလၢယွၤမၤလီၤဆီပှၤအံၣ်စရ့လးဖိဒီးပှၤအဲၤကူပတူးဖိန့ၣ်လီၤ. 8ဒီးနခ့နပှၤခဲလၢာ်ကဟဲလီၤဆူယအိၣ်,ဒီးကတီၤလီၤကဒွံကျိာ်လၢယမဲာ်ညါဒီးစံး,ဟးထီၣ်,ဒီးပှၤဂီၢ်မုၢ်လၢအပိာ်နခံခဲလၢာ်တက့ၢ်.ဒီးတၢ်န့ၣ်အလီၢ်ခံယကဟးထီၣ်ကွံာ်လီၤ.ဒီးဟးထီၣ်ဝဲလၢအသးထီၣ်ကဲၤထီၣ်လၢဖၤရိၤအအိၣ်လီၤ. 9ဒီးယွၤစံးဘၣ်စီၤမိၤရှ့,ဖၤရိၤတကနၣ်ဘၣ်သုကလုၢ်ဒ်သိးယတၢ်လီၤလးကအါထီၣ်လၢကီၢ်အဲၤကူပတူးအပူၤလီၤ. 10ဒီးစီၤမိၤရှ့ဒီးစီၤအၤဟရိၣ်မၤတၢ်လီၤလးခဲလၢာ်တဖၣ်န့ၣ်လၢဖၤရိၤအမဲာ်ညါ,ဒီးယွၤဒုးဆူၣ်ထီၣ်ဖၤရိၤအသး,ဒီးတပျၢ်ကွံာ်ဘၣ်ပှၤအံၣ်စရ့လးဖိလၢအကီၢ်ဘၣ်လီၤ.
Copyright information for
KswSKMB