Eze 47 | KswSKMB | STEP | ဒီးစိာ်ထီၣ်ယၤဆူဟံၣ်အကျဲစၢၤ,ဒီးကွၢ်ကွၢ်,ထံထီၣ်လၢဟံၣ်အကျဲစၢၤကျိၤထံးအဖီလာ်ဆူမုၢ်ထီၣ်တခီလီၤ.အဂ့ၢ်ဒ်အံၤ,ဟံၣ်အမဲာ်ညါဒိးဝဲဆူမုၢ်ထီၣ်တခီ,ဒီးထံယွၤလီၤလၢဟံၣ်အဃၢၤလၢတၢ်လုၢ်လီၢ်အကလံၤထံးတခီလီၤ.

‏ Ezekiel 47

1 ဒီးစိာ်ထီၣ်ယၤဆူဟံၣ်အကျဲစၢၤ,ဒီးကွၢ်ကွၢ်,ထံထီၣ်လၢဟံၣ်အကျဲစၢၤကျိၤထံးအဖီလာ်ဆူမုၢ်ထီၣ်တခီလီၤ.အဂ့ၢ်ဒ်အံၤ,ဟံၣ်အမဲာ်ညါဒိးဝဲဆူမုၢ်ထီၣ်တခီ,ဒီးထံယွၤလီၤလၢဟံၣ်အဃၢၤလၢတၢ်လုၢ်လီၢ်အကလံၤထံးတခီလီၤ.

2 ဒီးစိာ်ထီၣ်ယၤလၢပဲတရီအကျဲဆူကလံၤစိးတခီ,ဒီးဆှၢထီၣ်ယၤလၢကျဲလၢခိဆူပဲတရီလၢခိတဖျိလၢအဖျိထီၣ်ဆူမုၢ်ထီၣ်တခီ,ဒီးကွၢ်ကွၢ်,ထံထီၣ်ဒီးယွၤလီၤဝဲလၢအစုထွဲတခီလီၤ.

3 ဒီးတုၤပှၤအိၣ်ဒီးပျံၤတဘိလၢအစုပူၤတဂၤန့ၣ်ဟးထီၣ်ဆူမုၢ်ထီၣ်တခီဒီး,ထိၣ်အပျၢ်တကထိလီၤ,ဒီးဆှၢထီၣ်ယၤလၢထံကျါ,ဒီးထံတုၤပခီၣ်ဒ့လီၤ.

4 ဒီးထိၣ်ကဒီးအပျၢ်တကထိ,ဒီးဆှၢထီၣ်ယၤလၢထံကျါ,ဒီးထံယိာ်တုၤပခီၣ်လ့ၢ်ခိၣ်လီၤ.ဒီးထိၣ်ကဒီးအပျၢ်တကထိ,ဒီးဆှၢထီၣ်ယၤလၢထံကျါ,ဒီးထံယိာ်တုၤပယီၢ်ဒ့လီၤ.

5 ဒီးထိၣ်ကဒီးအပျၢ်တကထိ,ဒီးထံမ့ၢ်ထံမိၢ်ပှၢ်လၢပခီဂာ်တန့ၢ်ဘၣ်.အဂ့ၢ်ဒ်အံၤ,ထံယိာ်,ထံလၢပှၤဘၣ်ပီၢ်ထံ,ထံမိၢ်ပှၢ်လၢပခီဂာ်တန့ၢ်ဘၣ်.

6 ဒီးစံးဘၣ်ယၤ,ပှၤကညီဖိခွါဧၢ,အအံၤနထံၣ်လံစ့ၢ်ကီးဧါ.ဒီးစိာ်ထီၣ်ယၤ,ဒီးဒုးက့ၤက့ၤယၤဆူထံမိၢ်ပှၢ်အနံၤလီၤ.

7 ဒီးတုၤယက့ၤက့ၤဒီး,ကွၢ်ကွၢ်,သ့ၣ်အါထံးအိၣ်ဝဲလၢထံနံၤခံခီလၢာ်လီၤ.

8 ဒီးစံးဘၣ်ယၤ,ထံတဖၣ်အံၤယွၤလီၤဝဲဆူကီၢ်လၢမုၢ်ထီၣ်တခီ,ဒီးယွၤလီၤဝဲဆူပှၢ်မုၢ်ကနၢ,ဒီးယွၤလီၤဆူပီၣ်လဲၣ်ပူၤလီၤ.ယွၤလီၤဝဲဆူပီၣ်လဲၣ်ပူၤ,ဒီးထံတဖၣ်ကဘျါက့ၤဝဲလီၤ.

9 ဒီးတၢ်ကမၤအသးလၢကယဲၢ်တၢ်သးလၢအဂဲၤဝဲဖဲထံမိၢ်ပှၢ်ကဟဲဝဲတမံၤလၢ်လၢ်န့ၣ်ကမူဝဲလီၤ.ဒီးဒ့ၣ်ဧိၤညၣ်ဧိၤအါအါကလဲာ်ကအိၣ်ဖဲန့ၣ်လီၤ.အဂ့ၢ်ဒ်အံၤ,ကဘျါက့ၤဝဲလီၤ.ဒီးဖဲထံမိၢ်ပှၢ်ဟဲဝဲတပူၤလၢ်လၢ်န့ၣ်တၢ်ကမူဝဲတမံၤလၢ်လၢ်လီၤ.

10 ဒီးတၢ်ကမၤအသးလၢပှၤမၤညၣ်ဖိကဆၢထၢၣ်လၢအနံၤလီၤ.လၢဧ့ၣ်က့ၤဒံပၢၢ်လၢဧ့ၣ်ဧ့ကလဲၣ်န့ၣ်တၢ်အလီၢ်လၢပှၤကဟုးပှာ်ဧိၤစၤဧိၤကအိၣ်လီၤ.ဒီးဒ့ၣ်ဧိၤညၣ်ဧိၤကအိၣ်ဒ်အကလုာ်ဒၣ်ဝဲအသိးန့ၣ်လီၤ.ဒ်ပီၣ်လဲၣ်ဖးဒိၣ်အညၣ်အသိးန့ၣ်အါအါကလဲာ်လီၤ.

11 မ့မ့ၢ်တၢ်ကပံာ်အလီၢ်,ဒီးကပျၢၤတဖၣ်န့ၣ်တဘျါဘၣ်ဝဲဘၣ်.တၢ်ကပာ်အီၤလၢအံသၣ်အဂီၢ်လီၤ.

12 ဒီးလၢထံနံၤလၢအဝဲတခီ,ဒီးလၢအဝဲတခီန့ၣ်သ့ၣ်ကိးကလုာ်ဒဲးကမဲထီၣ်လၢတၢ်အီၣ်အဂီၢ်,ဒီးအလၣ်တလီၤဘဲဘၣ်,ဒီးအတၤသၣ်တလၢာ်ကွံာ်ဘၣ်.ကသၣ်ထီၣ်တၤသၣ်သီကိးလါဒဲးလီၤ.အဂ့ၢ်ဒ်အံၤ,အထံတဖၣ်ယွၤလီၤဝဲလၢတၢ်အလီၢ်စီဆှံအပူၤန့ၣ်လီၤ.ဒီးအတၤသၣ်ကမ့ၢ်လၢတၢ်အီၣ်အဂီၢ်,ဒီးအလၣ်လၢကသံၣ်အဂီၢ်လီၤ.

13 ကစၢ်ယွၤစံးဒ်အံၤ,အအံၤမ့ၢ်တၢ်အဃၢၤလၢသုဘၣ်နီၤဖးထံဧိၤကီၢ်ဧိၤဒ်အံၣ်စရ့လးအဒူၣ်တဆံခံဒူၣ်အသိးလီၤ.စီၤယိၤသးကအိၣ်ဒီးအဂီၢ်ခံဂီၢ်လီၤ.

14 ဒီးသုကန့ၢ်သါတၢ်တဒူၣ်ဒ်တဒူၣ်အသိးစုာ်စုာ်လီၤ.ကယူာ်ထီၣ်ယစုလၢယကဟ့ၣ်လီၤအီၤလၢသုပၢ်တဖၣ်,ဒီးကီၢ်တဘ့ၣ်အံၤကလီၤဘၣ်လၢသုန့ၢ်သါတၢ်အဂီၢ်လီၤ.

15 ဒီးအအံၤမ့ၢ်ကီၢ်အဃၢၤဆူကလံၤစိးတခီ,လၢပီၣ်လဲၣ်ဖးဒိၣ်ဆူကျဲလၢဃ့သလိၣ်,ဒ်ပှၤလဲၤဝဲဆူစဒး, 16 ဃမါသး,ဘ့ၤရိသး,စံးဘြံၣ်လၢအအိၣ်ဝဲလၢဒၤမ့ၤစ့းအဃၢၤ,ဒီးလၢဃမါသးအဃၢၤ,အဘၢၣ်စၢၤဃၤစ့ၢ်ဟတံကိၣ်လၢအအိၣ်ဝဲလၢဃၤရၣ်အဃၢၤလီၤ.

17 ဒီးတၢ်အဃၢၤလၢပီၣ်လဲၣ်တခီန့ၣ်မ့ၢ်ဃစၢ်ဧ့နၣ်ဖဲဒၤမ့ၤစ့းအဃၢၤ,လၢကလံၤစိးဆူကလံၤစိးတခီန့ၣ်,ဒီးဃမါသးအဃၢၤအိၣ်ဝဲလီၤ.ဒီးအအံၤမ့ၢ်အဃၢၤလၢကလံၤစိးတခီန့ၣ်လီၤ.

18 ဒီးအဃၢၤလၢမုၢ်ထီၣ်တခီန့ၣ်သုဘၣ်ထိၣ်လၢဃၤရၣ်,ဒီးလၢဒၤမ့ၤစ့းအဘၢၣ်စၢၤ,ဒီးလၢကံးလဧး,ဒီးကီၢ်အံၣ်စရ့လးအဘၢၣ်စၢၤလၢယၢ်ဒ့ၣ်အနံၤ,လၢအဃၢၤပၢၢ်လၢပီၣ်လဲၣ်လၢမုၢ်ထီၣ်တခီလီၤ.အအံၤမ့ၢ်အဃၢၤလၢမုၢ်ထီၣ်တခီလီၤ.

19 ဒီးအဃၢၤလၢကလံၤထံးတခီဆူကလံၤထံးန့ၣ်ကအိၣ်လၢတၤမၢ်ပၢၢ်လၢထံအ့ၣ်လိာ်လၢကၤဒ့ၣ်အပူၤပၢၢ်လၢထံမိၢ်ပှၢ်လၢပီၣ်လဲၣ်ဖးဒိၣ်အဃၢၤလီၤ.အအံၤမ့ၢ်အဃၢၤလၢကလံၤထံးတခီလီၤ.

20 အဃၢၤလၢမုၢ်နုာ်တခီန့ၣ်ကမ့ၢ်ပီၣ်လဲၣ်ဖးဒိၣ်လၢအဃၢၤပၢၢ်လၢပှၤဟဲသဃီၤဒီးဃမါသးလီၤ.အအံၤမ့ၢ်အဃၢၤလၢမုၢ်နုာ်တခီလီၤ.

21 ဒီးသုကနီၤဖးကီၢ်တဘ့ၣ်အံၤအဆၢလၢသုဂီၢ်ဒ်အံၣ်စရ့လးအဒူၣ်တဖၣ်အသိးန့ၣ်လီၤ.

22 ဒီးဖးတၢ်သတးဒီး,သုကနီၤဖးကီၢ်အဆၢလၢတၢ်န့ၢ်သါလၢသုဂီၢ်ဒီးလၢပှၤတခီဘီမုၢ်ဖိလၢအအိၣ်အဆိးလၢသုကျါ,လၢအထီၣ်ဖိလၢသုကျါန့ၣ်အဂီၢ်လီၤ.အဝဲသ့ၣ်တဖၣ်န့ၣ်ကမၤအသးဒ်ပှၤအိၣ်ဖျဲၣ်လၢကီၢ်ပူၤလၢပှၤအံၣ်စရ့လးဖိအကျါအသိးလီၤ.ကန့ၢ်သါတၢ်ဒီးသုလၢအံၣ်စရ့လးအဒူၣ်တဖၣ်အကျါလီၤ. 23 ဒီးတၢ်ကမၤအသးလၢဖဲဒၣ်အဒူၣ်လၢပှၤတခီဘီမုၢ်ဖိအိၣ်ဝဲဆိးဝဲလၢအကျါန့ၣ်သုဘၣ်ဟ့ၣ်လီၤအီၤလၢအတၢ်န့ၢ်သါဖဲန့ၣ်လီၤ,ကစၢ်ယွၤစံးဝဲဒၣ်.