‏ Genesis 36

1ဒီးအဝဲအံၤမ့ၢ်စီၤဧ့ၡီၤအစၢၤအသွဲၣ်(အဝဲန့ၣ်မ့ၢ်အဒိၣ်.)

2စီၤဧ့ၡီၤန့ၢ်မါလၢကနၤဧၣ်အဖိမုၣ်အကျါန့ၣ်,ပှၤဃ့ၤသးဖိစီၤအ့လိၣ်အဖိမုၣ်နီၢ်ဧဒၤတဂၤ,ဒီးနီၢ်အဟိးလံးဘါမၤ,စီၤဧနၤအဖိမုၣ်,ပှၤဃံၤဝံၤဖိစီၤစံးဘဧိၣ်အဖိခွါန့ၣ်လီၤ. 3ဒီးစီၤယံးၡမၤဧ့လးအဖိမုၣ်,စီၤနဘါယိးအဒီပုၢ်ဝဲၢ်မုၣ်,နီၢ်ဘၤစမးတဂၤလီၤ.

4ဒီးနီၢ်ဧဒၤန့ၣ်ဆံးစၢ်န့ၢ်စီၤအလံဖးစးန့ၣ်လၢစီၤဧ့ၡီၤအဂီၢ်,ဒီးနီၢ်ဘၤစမးန့ၣ်ဆံးစၢ်န့ၢ်စီၤရဧူၤအ့လး, 5ဒီးနီၢ်အဟိးလံဘါမၤန့ၣ်ဆံးစၢ်န့ၢ်စီၤယဧူၤၡး,ဒီးစီၤယၤဧလၣ်,ဒီးစီၤကိးရးလီၤ.အဝဲသ့ၣ်တဖၣ်န့ၣ်မ့ၢ်စီၤဧ့ၡီၤအဖိခွါလၢအအိၣ်ဖျဲၣ်လၢအဂီၢ်လၢကီၢ်ကနၤဧၣ်အပူၤလီၤ.

6ဒီးစီၤဧ့ၡီၤဟံးန့ၢ်အမါ,ဒီးအဖိခွါ,ဒီးအဖိမုၣ်,ဒီးကယဲၢ်ပှၤအသးလၢအဟံၣ်ပူၤခဲလၢာ်,ဒီးအသိဒီးမဲာ်တဲးလဲး,ဒီးအဆၣ်ဖိကီၢ်ဖိအဒၢခဲလၢာ်,ဒီးကယဲၢ်အစုလီၢ်ခီၣ်ခိၣ်လၢအန့ၢ်ဘၣ်လၢကီၢ်ကနၤဧၣ်အပူၤ,ဒီးဟးဆူကီၢ်ယံၤဒီးအဒီပုၢ်ဝဲၢ်စီၤယၤကိာ်တဘ့ၣ်အပူၤလီၤ.

7အဂ့ၢ်ဒ်အံၤ,အတၢ်ဖိတၢ်လံၤအါတုၤအအိၣ်တပူၤဃီတသ့ဘၣ်လီၤ.ဒီးကီၢ်လၢအအိၣ်တမှံၤလၢအပူၤအိၣ်ဒီးအီၤတသ့ဘၣ်လၢအဆၣ်ဖိကီၢ်ဖိအဒၢအဃိလီၤ. 8ဒီးစီၤဧ့ၡီၤအိၣ်ဝဲဆိးဝဲလၢကစၢၢ်စ့ဧ့ၢ်အလိၤလီၤ.စီၤဧ့ၡီၤန့ၣ်မ့ၢ်အဒိၣ်လီၤ.

9ဒီးအအံၤမ့ၢ်ပှၤအဒိၣ်ဖိလၢကစၢၢ်စ့ဧ့ၢ်အလိၤတဖၣ်အပၢ်စီၤဧ့ၡီၤအစၢၤအသွဲၣ်လီၤ.

10အအံၤမ့ၢ်စီၤဧ့ၡီၤအဖိခွါအမံၤ,စီၤဧ့ၡီၤအမါနီၢ်ဧဒၤအဖိခွါစီၤအလံဖးစးတဂၤ,ဒီးစီၤဧ့ၡီၤအမါနီၢ်ဘၤစမးအဖိခွါစီၤရဧူၤအ့လးတဂၤလီၤ.

11ဒီးစီၤအလံဖးစးအဖိခွါမ့ၢ်စီၤတ့ၤမၣ်,ဒီးစီၤအိမၢ်,စီၤစဖိၤ,ဒီးစီၤကၤတၣ်,ဒီးစီၤကနးစးလီၤ.

12ဒီးနီၢ်တံးမနၤမ့ၢ်စီၤဧ့ၡီၤအဖိခွါစီၤအလံဖးစးအသံၣ်မါလီၤ.ဒီးဆံးစၢ်န့ၢ်စီၤဧမၤလ့းလၢစီၤအလံဖးစးအဂီၢ်လီၤ.အဝဲသ့ၣ်တဖၣ်န့ၣ်မ့ၢ်စီၤဧ့ၡီၤအမါနီၢ်ဧဒၤအဖိခွါလီၤ.

13ဒီးအအံၤမ့ၢ်စီၤရဧူၤအ့လးအဖိခွါ,စီၤနၤဃး,ဒီးစီၤစ့ရၤ,စီၤၡးမၤ,ဒီးစီၤမံစၤလီၤ.အဝဲသ့ၣ်တဖၣ်န့ၣ်မ့ၢ်စီၤဧ့ၡီၤအမါနီၢ်ဘၤစမးအဖိခွါလီၤ.

14ဒီးအအံၤမ့ၢ်စီၤစံးဘဧိၣ်အဖိခွါစီၤဧနၤအဖိမုၣ်,စီၤဧ့ၡီၤအမါနီၢ်အဟိးလံးဘါမၤအဖိခွါ,ဒီးဆံးစၢ်န့ၢ်စီၤယဧူၡၢ်,ဒီးစီၤယၤဧလၣ်,ဒီးစီၤကိးရးလၢစီၤဧ့ၡီၤအဂီၢ်လီၤ.

15ဒီးအအံၤမ့ၢ်စီၤဧ့ၡီၤအဖိခွါအစကီၤတဖၣ်,လၢစီၤဧ့ၡီၤအဖိဝဲၢ်ကိစီၤအလံဖးစးအဖိခွါအကျါ,စကီၤတ့ၤမၣ်,စကီၤအိမၢ်,စကီၤစဖိၤ,စကီၤကနးစး, 16စကီၤကိးရး,စကီၤကၤတၣ်,စကီၤဧမၤလ့းလီၤ.အဝဲသ့ၣ်တဖၣ်န့ၣ်မ့ၢ်စီၤအလံဖးစးအစကီၤအိၣ်လၢကီၢ်အဒိၣ်အပူၤလီၤ.အဝဲသ့ၣ်န့ၣ်မ့ၢ်နီၢ်ဧဒၤအဖိခွါလီၤ.

17ဒီးအအံၤမ့ၢ်စီၤဧ့ၡီၤအဖိခွါစီၤရဧူၤအ့လးအဖိခွါ,စကီၤနၤဃး,စကီၤစ့ရၤ,စကီၤၡးမၤ,စကီၤမံစၤလီၤ.အဝဲသ့ၣ်တဖၣ်န့ၣ်မ့ၢ်စီၤရဧူၤအ့လးအစကီၤတဖၣ်လၢကီၢ်အဒိၣ်အပူၤလီၤ.အဝဲသ့ၣ်န့ၣ်မ့ၢ်စီၤဧ့ၡီၤအမါနီၢ်ဘၤစမးအဖိခွါလီၤ.

18ဒီးအအံၤမ့ၢ်စီၤဧ့ၡီၤအမါနီၢ်အဟိးလံးဘါမၤအဖိခွါ,စကီၤယဧူၢ်ၡး,စကီၤယၤဧလၣ်,စကီၤကိးရးလီၤ.အဝဲသ့ၣ်တဖၣ်န့ၣ်မ့ၢ်စီၤဧနၤအဖိမုၣ်စီၤဧ့ၡီၤအမါနီၢ်အဟိးလံးဘါမၤအစကီၤတဖၣ်န့ၣ်လီၤ. 19အဝဲသ့ၣ်တဖၣ်န့ၣ်မ့ၢ်စီၤဧ့ၡီၤအဖိခွါ(အဝဲဒၣ်မ့ၢ်အဒိၣ်)ဒီးအဝဲသ့ၣ်တဖၣ်န့ၣ်မ့ၢ်စကီၤတဖၣ်လီၤ.

20ဒီးအအံၤမ့ၢ်ပှၤဃိၢ်ဖိစီၤစ့ဧ့ၢ်အဖိခွါတဖၣ်လၢအအိၣ်ဝဲဆိးဝဲလၢကီၢ်ပူၤ,စီၤလိတၣ်,ဒီးစီၤၡိဘလး,ဒီးစီၤစံးဘဧိၣ်,ဒီးစီၤဧနၤ, 21ဒီးစီၤဒံၡိၣ်,ဒီးစီၤအ့စၢ်,ဒီးစီၤဒံၡၣ်လီၤ.အဝဲသ့ၣ်တဖၣ်န့ၣ်မ့ၢ်စကီၤတဖၣ်လၢပှၤဃိၢ်ဖိအကျါ,စီၤစ့ဧ့ၢ်အဖိခွါလၢကီၢ်အဒိၣ်အပူၤလီၤ.

22ဒီးစီၤလိတၣ်အဖိခွါမ့ၢ်စီၤဃိၢ်ရၤ,ဒီးစီၤဟ့ၣ်မၣ်လီၤ.ဒီးစီၤလိတၣ်အဒီပုၢ်ဝဲၢ်မုၣ်မ့ၢ်နီၢ်တံးမနၤလီၤ.

23ဒီးအအံၤမ့ၢ်စီၤၡိဘလးအဖိခွါ,စီၤဧးလဝၣ်,ဒီးစီၤမနၤဃး,ဒီးစီၤဧ့ၤဘါလး,ဒီးစီၤၡဖိၤ,ဒီးစီၤအိၣ်နၣ်လီၤ.

24ဒီးအအံၤမ့ၢ်စီၤစံးဘဧိၣ်အဖိခွါ,စီၤအၤယၤ,ဒီးစီၤဧနၤလီၤ.တၢ်လၢစီၤဧနၤန့ၣ်မ့ၢ်ပှၤလၢအကွၢ်အပၢ်စီၤစံးဘဧိၣ်အကသ့ၣ်ယီၤအဖၢမုၢ်န့ၣ်ထံၣ်န့ၢ်ထံထီၣ်ကိၢ်အလီၢ်လၢပှၢ်လၢ်ကျါလီၤ.

25ဒီးအအံၤမ့ၢ်စီၤဧနၤအဖိ,စီၤဒံၡိၣ်,ဒီးစီၤဧနၤအဖိမုၣ်နီၢ်အဟိးလံးဘါမၤလီၤ.

26ဒီးအအံၤမ့ၢ်စီၤဒံၡိၣ်အဖိခွါ,စီၤဃ့းမဒၣ်,ဒီးစီၤအ့းၡဘၣ်,ဒီးစီၤယံးသရၣ်,ဒီးစီၤကရၣ်လီၤ.

27ဒီးအအံၤမ့ၢ်စီၤအ့စၢ်အဖိခွါ,စီၤဘံးလဟၣ်,ဒီးစီၤစၤဧဝၣ်,ဒီးစီၤယၤဧကၣ်လီၤ.

28ဒီးအအံၤမ့ၢ်စီၤဒံၡၣ်အဖိခွါ,စီၤဧူးစး,ဒီးစီၤအၤရၣ်လီၤ.

29အအံၤမ့ၢ်စကီၤတဖၣ်လၢပှၤဃိၢ်ဖိအကျါ,စကီၤလိတၣ်,စကီၤၡိဘလး,စကီၤစံးဘဧိၣ်,စကီၤဧနၤ, 30စကီၤဒံၡိၣ်,စကီၤအ့စၢ်,စကီၤဒံၡၣ်လီၤ.အဝဲသ့ၣ်တဖၣ်န့ၣ်မ့ၢ်ပှၤဃိၢ်ဖိအစကီၤလၢအစကီၤတဖၣ်အကျါလၢကီၢ်စ့ဧ့ၢ်အပူၤလီၤ.

31ဒီးအအံၤမ့ၢ်စီၤပၤလၢအကဲစီၤပၤလၢကီၢ်အဒိၣ်အပူၤလၢစီၤပၤတချုးအိၣ်ဒံးဘၣ်စီၤပၤလၢပှၤအံၣ်စရ့လးဖိအဖီခိၣ်, 32ဒီးစီၤဘဧိၣ်အဖိခွါစီၤဘ့လၤကဲစီၤပၤလၢကီၢ်အဒိၣ်အပူၤ,ဒီးအဝ့ၢ်အမံၤမ့ၢ်ဒံးနဟးဘၤလီၤ.

33ဒီးစီၤဘ့လၤန့ၣ်သံဝဲ,ဒီးစီၤစ့ရၤအဖိခွါဘၣ်ဃးဒီးဝ့ၢ်ဘိးစရၤ,စီၤယိၤဘးကဲစီၤပၤလၢအလီၢ်လီၤ.

34ဒီးစီၤယိၤဘးန့ၣ်သံဝဲ,ဒီးစီၤဃူၡၣ်ဘၣ်ဃးဒီးကီၢ်တ့ၤမၣ်ကဲစီၤပၤလၢအလီၢ်လီၤ.

35ဒီးစီၤဃူၡၣ်န့ၣ်သံဝဲ,ဒီးစီၤဘဒးအဖိခွါ(ပှၤလၢအကျီသံကွံာ်မံးဒယၣ်လၢပျီမိၤအးအပူၤ)စီၤဟဒးကဲစီၤပၤလၢအလီၢ်လီၤ.ဒီးအဝ့ၢ်အမံၤမ့ၢ်ဧဝံးလီၤ.

36ဒီးစီၤဟဒးန့ၣ်သံဝဲ,ဒီးစီၤစးမလၤဘၣ်ဃးဒီးမးစရ့ကၤကဲစီၤပၤလၢအလီၢ်လီၤ.

37ဒီးစီၤစးမလၤန့ၣ်သံဝဲ,ဒီးစီၤစီလူးဘၣ်ဃးဒီးဝ့ၢ်ရဃိဘိးလၢထံမိၢ်ပှၢ်အနံၤန့ၣ်ကဲစီၤပၤလၢအလီၢ်လီၤ.

38ဒီးစီၤစီလူးန့ၣ်သံဝဲ,ဒီးစီၤဧးကဘိၢ်အဖိခွါစီၤဘဧၤလဃါနၣ်ကဲစီၤပၤလၢအလီၢ်လီၤ.

39ဒီးစီၤဧးကဘိၢ်အဖိခွါစီၤဘဧၤလဃါနၣ်သံဝဲ,ဒီးစီၤဃဒၢ်ကဲစီၤပၤလၢအလီၢ်လီၤ.ဒီးအဝ့ၢ်အမံၤမ့ၢ်ဖၤဧူၤ,ဒီးအမါအမံၤမ့ၢ်နီၢ်မဟ့တးဘးအ့လး,နီၢ်မးတရ့းအဖိမုၣ်,စီၤမ့စဟးအဖိမုၣ်လီၤ.

40ဒီးအအံၤမ့ၢ်စီၤဧ့ၡီၤအစကီၤတဖၣ်အမံၤ,ဒ်အဒူၣ်တဖၣ်အသိး,ဒ်အလီၢ်တဖၣ်အသိးလၢအမံၤတဖၣ်န့ၣ်,စကီၤတံးမနၤ,စကီၤဧးလဝၣ်,စကီၤယသ့း, 41စကီၤအဟိးလံးဘါမၤ,စကီၤအ့လး,စကီၤပံနိၣ်, 42စကီၤကနးစး,စကီၤတ့ၤမၤ,စကီၤမံးဘစၢ်, 43စကီၤမးကဒံအ့လး,စကီၤဧံရၣ်လီၤ.အဝဲသ့ၣ်တဖၣ်န့ၣ်မ့ၢ်အဒိၣ်အစကီၤတဖၣ်,ဒ်အအိၣ်ဝဲဆိးဝဲအလီၢ်အသိးလၢအတၢ်ဟံးဃာ်အကီၢ်ပူၤလီၤ.အဝဲဒၣ်န့ၣ်မ့ၢ်ပှၤအဒိၣ်ဖိအပၢ်,စီၤဧ့ၡီၤလီၤ.