Haggai 1
1လၢစီၤပၤဒၤရယါဝ့ၣ်အနံၣ်ခံနံၣ်တနံၣ်,လါဃုလါတလါ,ထီၣ်တနံၤန့ၣ်ယွၤအကလုၢ်ဟဲဆူယူဒၤအခိၣ်စီၤၡၤလတံၤအ့လးအဖိခွါစီၤစရူဘၤဘ့လး,ဒီးပှၤလုၢ်တၢ်အခိၣ်စီၤယိၤစါဒးအဖိခွါစီၤယိၤရှူအအိၣ်,လၢဝံဃးကဲအစုပူၤ,ဒီးစံးဝဲဒၣ်, 2တၢ်သုးမုၢ်ဂီၢ်မုၢ်အယွၤစံးဒ်အံး,စံးဝဲဒၣ်,အကတီၢ်လၢပှၤကမၤယွၤအဟံၣ်န့ၣ်တဘၣ်ဒံးဘၣ်န့ၣ်ပှၤဂီၢ်မုၢ်အံၤစံးဝဲဒၣ်. 3ဒီးယွၤအကလုၢ်ဟဲဝဲလၢဝံဃးကဲအစုပူၤ,ဒီးစံးဝဲဒၣ်, 4သုအိၣ်သုဆိးလၢသုဟံၣ်အိၣ်ဒီးအသ့ၣ်သ့ၣ်ဘၣ်လၢဟံၣ်ခိၣ်လၢညါခီ,ဒီးဟံၣ်တဖျၢၣ်အံၤအိၣ်သယုၢ်န့ၣ်အကတီၢ်ဘၣ်စ့ၢ်ကီးဧါ. 5ဒီးခဲကနံၣ်အံၤ,တၢ်သုးမုၢ်ဂီၢ်မုၢ်အယွၤစံးဒ်အံၤ,ကွၢ်ဆိကမိၣ်သုကျဲဧိၤကပူၤဧိၤအဂ့ၢ်တက့ၢ်. 6သုဖှံတၢ်အအါ,ဒီးဟဲစိာ်နုာ်တၢ်အစှၤ,သုအီၣ်တၢ်ဒီးတအီၣ်ကုးအီၣ်ပှဲၤဘၣ်.သုအီတၢ်,ဒီးတဘျဲးအီဘၣ်,သုဒုးကူဒုးသိးသုသး,ဒီးပှၤတလၢၤဘၣ်လၢသုကျါနီတဂၤဘၣ်.ဒီးပှၤလၢအဒိးလဲအသးဒီးန့ၢ်အဘူးအလဲန့ၣ်,ဒၢနုာ်အဘူးအလဲန့ၣ်လၢထၢၣ်ထူၣ်ဖျိအပူၤလီၤ. 7ယွၤစံးဒ်အံၤ,ကွၢ်ဆိကမိၣ်သုကျဲဧိၤကပူၤဧိၤတက့ၢ်. 8လဲၤထီၣ်ကစၢၢ်ကလိန့ၣ်,ဟဲစိာ်သ့ၣ်ဒီးမၤဟံၣ်တက့ၢ်.ဒီးယကမုာ်လၤတၢ်လၢအပူၤ,ဒီးယကဒိးတၢ်လၤကပီၤ,ယွၤစံးဝဲဒၣ်. 9သုကွၢ်လၢ်တၢ်အါအကျဲ,ဒီးကွၢ်ကွၢ်,တၢ်ဆံးန့ၣ်လီၤ.ဒီးတုၤသုဟဲစိာ်ဆူဟံၣ်ပူၤဒီး,ယအူဒံကွံာ်အီၤလီၤ.မ့ၢ်အဘၣ်မနုၤလဲၣ်န့ၣ်,တၢ်သုးမုၢ်ဂီၢ်မုၢ်အယွၤစံးဝဲဒၣ်,မ့ၢ်ဝဲလၢယဟံၣ်လၢအအိၣ်သယုၢ်အဃိ,ဒီးသုဃ့ၢ်တဂၤဆူအဟံၣ်ဒၣ်ဝဲစုာ်စုာ်အဃိလီၤ. 10မၤသးဒ်န့ၣ်ဒီးမူခိၣ်တဒုးလီၤစီၤပစီၤထံဘၣ်န့ၣ်မ့ၢ်လၢသုဃိ,ဒီးဟီၣ်ခိၣ်တဒုးသၣ်ထီၣ်ဘၣ်တၢ်ဘၣ်. 11ဒီးယကိးန့ၢ်လံတၢ်ယီၤဃ့လၢကီၢ်အဂီၢ်,ဒီးလၢကစၢၢ်ကလိအဂီၢ်,ဒီးလၢဘုဧိၤဟုဧိၤအဂီၢ်,ဒီးလၢစပံးထံသီအဂီၢ်,ဒီးလၢသိဧိၤချါဧိၤအဂီၢ်,ဒီးတၢ်လၢဟီၣ်ခိၣ်လၢအဒုးသၣ်ထီၣ်တၢ်အဂီၢ်,ဒီးလၢပှၤကညီအဂီၢ်,ဒီးလၢဆၣ်ဖိကီၢ်ဖိအဂီၢ်,ဒီးလၢပှၤအစုမၤတၢ်ခဲလၢာ်အဂီၢ်လံလီၤ. 12တုၤနုၤတဘျီစီၤၡၤလတံၤအ့လးအဖိခွါစီၤစရူဘၤဘ့လး,ဒီးပှၤလုၢ်တၢ်အခိၣ်ယိၤစါဒးအဖိခွါစီၤယိၤရှူ,ဒီးပှၤဂီၢ်မုၢ်လၢအအိၣ်လီၤတဲာ်ခဲလၢာ်န့ၣ်ဒိကနၣ်ယွၤအကစၢ်အကလုၢ်,ဒီးဝံဃးကဲအတၢ်ကတိၤ,ဒ်ယွၤအကစၢ်မၢလီၤအီၤအသိးန့ၣ်,ဒီးပှၤဂီၢ်မုၢ်ပျံၤယွၤလီၤ. 13ဒီးယွၤအကလူးစီၤဃးကဲတလိယွၤအကလုၢ်လၢပှၤဂီၢ်မုၢ်အဖၢမုၢ်န့ၣ်ဒီး,စံးဝဲဒၣ်,ယအိၣ်ဒီးသု,ယွၤစံးဝဲဒၣ်လီၤ. 14ဒီးယွၤထိၣ်ဂဲၤယူဒၤအခိၣ်စီၤၡၤလတံၤအ့လးအဖိခွါစီၤစရူဘၤဘ့လးအသး,ဒီးပှၤလုၢ်တၢ်အခိၣ်စီၤယိၤစါဒးအဖိခွါစီၤယိၤရှူအသး,ဒီးပှၤဂီၢ်မုၢ်လၢအအိၣ်လီၤတဲာ်ခဲလၢာ်အသး,ဒီးအဝဲသ့ၣ်ဟဲဝဲ,ဒီးမၤတၢ်လၢတၢ်သုးမုၢ်ဂီၢ်မုၢ်အယွၤအဟံၣ်ပူၤ, 15လၢစီၤပၤဒၤရယါဝ့ၣ်အနံၣ်ခံနံၣ်တနံၣ်,လါဃုလါတလါ,ထီၣ်ခံဆံလွံၢ်နံၤတနံၤအပူၤလီၤ.
Copyright information for
KswSKMB