Hos 6 | KswSKMB | STEP | ဟဲ,က့ၤက့ၤသကိးဆူယွၤအအိၣ်တက့ၢ်.အဂ့ၢ်ဒ်အံၤ,အ့ၣ်ဖှီပှၤဘၣ်ဆၣ်ဒီး,ကမၤဘျါက့ၤပှၤလီၤ.တီၢ်ပှၤဘၣ်ဆၣ်ဒီး,ကဘိၣ်ဘံထီၣ်ပှၤလီၤ.

‏ Hosea 6

1 ဟဲ,က့ၤက့ၤသကိးဆူယွၤအအိၣ်တက့ၢ်.အဂ့ၢ်ဒ်အံၤ,အ့ၣ်ဖှီပှၤဘၣ်ဆၣ်ဒီး,ကမၤဘျါက့ၤပှၤလီၤ.တီၢ်ပှၤဘၣ်ဆၣ်ဒီး,ကဘိၣ်ဘံထီၣ်ပှၤလီၤ. 2 ခံနံၤအလီၢ်ခံန့ၣ်ကမၤမူထီၣ်က့ၤပှၤလီၤ.သၢနံၤတနံၤန့ၣ်ကဒုးဂဲၤဆၢထၢၣ်ပှၤ,ဒီးပကမူလၢအမဲာ်ညါလီၤ.

3 မ်ပသ့ၣ်ညါယွၤ,ဒီးလူၤတၢ်ဒ်သိးပကသ့ၣ်ညါအီၤတက့ၢ်.အလဲၤတၢ်န့ၣ်အိၣ်ခၢၣ်သနၢၣ်ဒ်မုၢ်ဆ့ၣ်ထီၣ်အသိး,ဒီးကဟဲဘၣ်ပှၤဒ်တၢ်ဟဲစူၤအသိး,ဒ်တၢ်ဟဲစူၤအလီၢ်ခံတဘျီ,လၢအမၤဘၣ်စီၣ်ဟီၣ်ခိၣ်လီၤ.

4 အ့ဖရဲၣ်ဧၢ,ယကမၤနၤဒ်လဲၣ်.ယူဒၤဧၢ,ယကမၤနၤဒ်လဲၣ်.အဂ့ၢ်ဒ်အံၤ,သုတၢ်ဂ့ၤမၤသးဒ်မုၢ်ဂီၤအတၢ်အၢၣ်အသိး,ဒီးဒ်ပစီၤထံလၢအဒံကွံာ်ဝဲလၢဂီၤဂီၤအသိးန့ၣ်လီၤ.

5 မၤသးဒ်န့ၣ်ဒီးယကူာ်လီၤအီၤလၢဝံတဖၣ်,ဒီးမၤသံအီၤလၢယထးခိၣ်အတၢ်ကတိၤလီၤ.ဒီးတၢ်စံၣ်ညီၣ်နၤန့ၣ်လဲၤတၢ်ဒ်တၢ်ကပီၤအသိးန့ၣ်လီၤ.

6 အဂ့ၢ်ဒ်အံၤ,ဘၣ်ယသးလၢတၢ်သူၣ်ကညီၤသးကညီၤ,ဒီးတမ့ၢ်ဘၣ်လၢတၢ်လုၢ်တၢ်န့ၣ်ဘၣ်.ဒီးဘၣ်ယသးလၢတၢ်သ့ၣ်ညါယွၤဒိၣ်န့ၢ်တၢ်လုၢ်မ့ၣ်အူတက့ၢ်လီၤ.

7 ဘၣ်ဆၣ်ဒီးအဝဲသ့ၣ်ဒ်စီၤအၤဒၣ်အသိး,မၤဟးဂီၤတၢ်အၢၣ်လီၤအီလီၤလီၤ.ဖဲန့ၣ်မၤထီဒါယၤလၢတၢ်လီတၢ်ဝ့ၤလီၤ.

8 ကံးလဧးန့ၣ်မ့ၢ်ပှၤလၢအမၤတၢ်အၢအဝ့ၢ်လီၤ.ဘၣ်အၢဒီးတၢ်သွံၣ်လီၤ.

9 ဒ်တမျာ်တဖုခိးခူသူၣ်လၢပှၤကညီတဂၤအဂီၢ်အသိးန့ၣ်ပှၤလုၢ်တၢ်အဒိၣ်တဖုမ့ၢ်ဒ်န့ၣ်သိးလီၤ.မၤသံပှၤကညီလၢကျဲလဲၤဆူၡက့ၣ်အပူၤလီၤ.မ့ၢ်မးတိာ်မၤတၢ်အၢလီၤ.

10 ယထံၣ်တၢ်လၢအံၣ်စရ့လးအပှၤဟံၣ်ပူၤတမံၤလၢအလီၤပျံၤလီၤဖုးဝဲလီၤ.အ့ဖရဲၣ်မၤကမၣ်မုၣ်ကမၣ်ခွါ,အံၣ်စရ့လးဘၣ်အၢလီၤ.

11 ယူဒၤဧၢ,တၢ်ပာ်စ့ၢ်ကီးတၢ်ကူးတၢ်လၢနဂီၢ်တုၤယဒုးဟဲက့ၤကဒါက့ၤယပှၤဂီၢ်မုၢ်လၢအလဲၤကဲကုၢ်လီၤ.