Isa 15 | KswSKMB | STEP | တၢ်အကလုၢ်လီၤလၢမိၤအးအဂ့ၢ်. အဂ့ၢ်ဒ်အံၤ,ဧၢ်ဘၣ်ဃးဒီးမိၤအးဘၣ်တၢ်မၤသယုၢ်အီၤလၢမုၢ်တနၤ,တၢ်မၤဟးဂီၤဝဲ,အဂ့ၢ်ဒ်အံၤ,ကံၢ်ဘၣ်ဃးဒီးမိၤအးဘၣ်တၢ်မၤသယုၢ်အီၤလၢမုၢ်တနၤ,တၢ်မၤဟးဂီၤဝဲလီၤ.

‏ Isaiah 15

1 တၢ်အကလုၢ်လီၤလၢမိၤအးအဂ့ၢ်.

အဂ့ၢ်ဒ်အံၤ,ဧၢ်ဘၣ်ဃးဒီးမိၤအးဘၣ်တၢ်မၤသယုၢ်အီၤလၢမုၢ်တနၤ,တၢ်မၤဟးဂီၤဝဲ,အဂ့ၢ်ဒ်အံၤ,ကံၢ်ဘၣ်ဃးဒီးမိၤအးဘၣ်တၢ်မၤသယုၢ်အီၤလၢမုၢ်တနၤ,တၢ်မၤဟးဂီၤဝဲလီၤ.

2 ပှၤလဲၤထီၣ်ဝဲဆူဘၤယံး,ဒီးဒံၤဘိၣ်ဆူအလီၢ်ထီၣ်ထီတဖၣ်လၢအကဟီၣ်ဝဲအဂီၢ်လီၤ.လၢနဘိအလိၤ,ဒီးလၢမ့ဒဘၤအလိၤန့ၣ်မိၤအးဟီၣ်ဝဲ,ပှၤအခိၣ်ကိးဖျၢၣ်ဒဲးမ့ၢ်ကျၤခိၣ်,ဒီးကယဲၢ်ပှၤခၣ်ဆူၣ်ဘၣ်တၢ်တံာ်တဲာ်ဝဲလီၤ.

3 လၢအကျဲတဖၣ်အပူၤန့ၣ်ပှၤကံၢ်တူာ်အယီၢ်ဒ့လၢထၢၣ်အတၢ်ကံးညာ်,လၢအဟံၣ်ခိၣ်အဖီခိၣ်,ဒီးလၢအလီၢ်ဖးလဲၢ်အပူၤန့ၣ်ဟီၣ်ဝဲခဲလၢာ်,ဟဲလီၤဒီးဟီၣ်အါအါကလဲာ်, 4 ဒီးဃ့ၡဘိၣ်ကိးပသူထီၣ်,ဒီးအ့လဧၤလ့ၤလီၤ.အကလုၢ်ဟူထီၣ်ဝဲပၢၢ်လၢယါဟးလီၤ.မၤသးဒ်န့ၣ်ဒီးမိၤအးအပှၤသုးဖိကိးပသူထီၣ်,အသးလၢအပူၤဘၣ်တၢ်ကိၢ်တၢ်ဂီၤလီၤ.

5 ယသးကိးပသူထီၣ်လၢမိၤအးအဂီၢ်လီၤ.ပှၤလၢအဃ့ၢ်တၢ်လၢအကျါန့ၣ်ပၢၢ်လၢစိၤဧၢ်,ဒ်ဂီၤဖံးမိၢ်အသးပှၢ်သၢနံၣ်အသိးလီၤ.အဂ့ၢ်ဒ်အံၤ,ပှၤလၢအထီၣ်ဘးလူဃံးန့ၣ်လဲၤထီၣ်ဘးအီၤဒီးဟီၣ်ဝဲလီၤ.အဂ့ၢ်ဒ်အံၤ,လၢဃိရနဲၣ်အကျဲပူၤန့ၣ်ထုထီၣ်တၢ်မၤဟးဂီၤအကလုၢ်လီၤ.

6 အဂ့ၢ်ဒ်အံၤ,နံးမရံအထံတဖၣ်ကကဲထီၣ်တၢ်အိၣ်သယုၢ်လီၤ.အဂ့ၢ်ဒ်အံၤ,တီၢ်မုၢ်ဃ့ထီၣ်ကွံာ်လံ,နီၣ်ဧိၤမံၤဧိၤအသံကစဲာ်န့ၣ်တအိၣ်လၢၤဘၣ်.

7 မၤသးဒ်န့ၣ်ဒီး,တၢ်အါလၢတၢ်လၢပှၤမၤန့ၢ်အီၤ,ဒီးတၢ်လၢအပာ်ဖှိၣ်တၢ်န့ၣ်ကစိာ်ခီဂာ်ကွံာ်ထံပံၢ်သလီအကျိန့ၣ်လီၤ.

8 အဂ့ၢ်ဒ်အံၤ,တၢ်ကိးပသူထီၣ်န့ၣ်အိၣ်ဝးတရံးမိၤအးအဃၢၤလီၤ.အဟီၣ်တၢ်ယၢၤတၢ်ဟူဝဲပၢၢ်လၢအ့ကလံၣ်,ဒီးဟူဝဲပၢၢ်လၢဘ့ၣ်အ့လံၣ်လီၤ.

9 အဂ့ၢ်ဒ်အံၤ,ဒံမိၣ်အထံတဖၣ်န့ၣ်ပှဲၤဝဲဒီးတၢ်သွံၣ်လီၤ.အဂ့ၢ်ဒ်အံၤ,ယကပာ်တၢ်အါထီၣ်ဒံးလၢဒံမိၣ်အလိၤ,ခ့ယုၢ်လၢပှၤလၢအဃ့ၢ်ပူၤဖျဲးလၢမိၤအးအလိၤ,ဒီးပှၤလၢအအိၣ်လီၤတဲာ်လၢကီၢ်ပူၤအလိၤန့ၣ်လီၤ.