Isaiah 29
1အၣ်လါ,အရံၤအ့လး,အရံၤအ့လး,ဝ့ၢ်ဖဲစီၤဒၤဝံးသူၣ်အဒဲလီၤ.ပာ်ဖှိၣ်တနံၣ်ဒီးတနံၣ်,မ်တၢ်မၤဘူၣ်နံၤတဖၣ်လဲၤတရံးတၢ်တက့ၢ်. 2ဒီးယကမၤနးမၤဖှီၣ်အရံၤအ့လး,ဒီးတၢ်သူၣ်အုးသး,အုး,ဒီးတၢ်သူၣ်ကိၢ်သးဂီၤကအိၣ်,ဒီးအဝဲဒၣ်ကအိၣ်လၢယဂီၢ်ဒ်အရံၤအ့လးအသိးန့ၣ်လီၤ. 3ဒီးယကသူၣ်ဒဲကဝီၤဃာ်နၤ,ဒီးဒုးနၤလၢတိာ်တဖျၢၣ်,ဒီးကမၤထီၣ်တၢ်ခိၣ်ဒူဟီၣ်ခိၣ်တဖၣ်လၢနမဲာ်ညါလီၤ. 4ဒီးနကဘၣ်တၢ်ဆီၣ်လီၤနၤ,ဒီးနကကတိၤတၢ်လၢဟီၣ်ခိၣ်အပူၤ,ဒီးနကလုၢ်ကအိၣ်လၢတၢ်ဖီလာ်လၢဟီၣ်ခိၣ်အကမူၣ်အကျါ,ဒီးနကလုၢ်ကမၤသးဒ်ပှၤအိၣ်ဒီးပှၤသံအကလၤအကလုၢ်အသိးန့ၣ်,နကကတိၤတၢ်ကသွံဒံလၢဟီၣ်ခိၣ်အပူၤ,ဒီးလၢဟီၣ်ခိၣ်အကမူၣ်အပူၤလီၤ. 5ဒီးနပှၤတခီဘီမုၢ်ဖိဂီၢ်မုၢ်န့ၣ်ကမၤသးဒ်ဟီၣ်ခိၣ်အကမူၣ်ပြံကဒံအသိးန့ၣ်,ဒီးနပှၤမၤပျံၤမၤဖုးတၢ်န့ၣ်ကမၤသးဒ်ဖ့ဧိၤဃာ်ဧိၤလၢအလဲၤပူၤကွံာ်အသိးန့ၣ်လီၤ.ဒီးကမၤသးလၢတၢ်တစိၢ်ဖိအတီၢ်ပူၤန့ၣ်သတူၢ်ကလာ်လီၤ. 6လၢတၢ်သုးမုၢ်ဂီၢ်မုၢ်အယွၤအမဲာ်ညါန့ၣ်တၢ်ကအိၣ်သကိးဝဲလၢလီသီၣ်,ဒီးဟီၣ်ခိၣ်ဟူးဝး,ဒီးတၢ်အသီၣ်ဖးဒိၣ်,ဒီးကလံၤမုၢ်,ဒီးကလံၤမုၢ်တွၤ,ဒီးမ့ၣ်လၣ်လၢအအီၣ်တၢ်လီၤ. 7ဒီးပှၤကလုာ်ခဲလၢာ်အဂီၢ်မုၢ်လၢအဒုးသုးဒီးအရံၤအ့လး,ကယဲၢ်ပှၤဒၣ်လဲာ်လၢအဒုးသုးဒီးအီၤ,ဒီးအဝ့ၢ်ခိၣ်ဒူဒီးမၤကိၢ်မၤဂီၤအီၤ,ကမၤအသးဒ်တၢ်မံမီၢ်,တၢ်ထံၣ်တၢ်လၢညါခီလၢမုၢ်နၤအသိးန့ၣ်လီၤ. 8ဒီးကမၤအသးဒ်ပှၤတၢ်သၣ်ဝံၤအသးန့ၣ်မံမီၢ်တၢ်အသိးန့ၣ်,ဒီးကွၢ်ကွၢ်,အီၣ်ဝဲ,ဒီးဖုသံနီၣ်ဝဲ,ဒီးအသးအိၣ်ကလီဒၣ်တၢ်လီၤ.ဒီးမၤသးဒ်ပှၤတၢ်သူအသးလၢထံန့ၣ်မံမီၢ်တၢ်အသိးန့ၣ်,ဒီးကွၢ်ကွၢ်,အီဝဲ,ဒီးဖုသံနီၣ်ဝဲ,ဒီးကွၢ်ကွၢ်,အသးလီၤဘှါဝဲ,ဒီးအသးဆၢန့ၢ်တၢ်လီၤ.ပှၤကလုာ်ခဲလၢာ်အဂီၢ်မုၢ်လၢအဒုးသုးဒီးကစၢၢ်စံယိၣ်ကဒ်န့ၣ်သိးလီၤ. 9စံး,ဒ်လဲၣ်ဒ်လဲၣ်,ဒီးသးကတုၤတက့ၢ်.သူၣ်ဖှံသးညီ,ဒီးအိၣ်မဲာ်ဘျီၣ်တက့ၢ်.အဝဲသ့ၣ်အီမူၤအသး,ဘၣ်ဆၣ်ဒီးလၢစပံးထံတမ့ၢ်ဘၣ်.လဲၤတၢ်ကလိာ်ကလီၢ်,ဘၣ်ဆၣ်ဒီးလၢသံးအဃိတမ့ၢ်ဘၣ်. 10အဂ့ၢ်ဒ်အံၤ,ယွၤလူလီၤတၢ်မံသပ့ၤအသးလၢသုလိၤ,ဒီးမၤဘံၣ်သုမဲာ်,ဝံတဖၣ်ဒီးသုးခိၣ်တဖၣ်,ပှၤထံၣ်တၢ်တဖၣ်န့ၣ်လုၣ်ဘၢဝဲလီၤ. 11ဒီးတၢ်ထံၣ်တၢ်လၢညါခီခဲလၢာ်န့ၣ်အိၣ်ဒီးသုမၤသးဒ်တၢ်ကွဲးအသးလၢအဘၣ်တၢ်စဲဃာ်ပနီၣ်အသိးလၢပှၤဟ့ၣ်လီၤပှၤတဂၤလၢအဖးလံာ်သ့,ဒီးစံးဘၣ်အီၤ,ဖးလၢ်တၢ်အံၤတက့ၢ်.ဒီးစံးဆၢဝဲ,ယဖးတသ့ဘၣ်,အဂ့ၢ်ဒ်အံၤ,ဘၣ်တၢ်စဲပနီၣ်ဃာ်လီၤ. 12ဒီးပှၤဟ့ၣ်လီၤတၢ်ကွဲးအသးလၢပှၤလၢအဖးလံာ်တသ့ဘၣ်ဒီးစံးဝဲ,ဖးလၢ်တၢ်အံၤတက့ၢ်,ဒီးစံးဝဲဒၣ်,ယဖးလံာ်တသ့ဘၣ်. 13ဒီးယွၤစံးဝဲဒၣ်,မ့ၢ်ပှၤဂီၢ်မုၢ်အံၤသုးဘူးအသးဆူယအိၣ်လၢအထးခိၣ်,ဒီးမၤလၤကပီၤယၤလၢအပျုၤ,ဘၣ်ဆၣ်ဒီးပာ်အသးယံၤဒီးယၤ,ဒီးအတၢ်ပျံၤယၤန့ၣ်မ့ၢ်ပှၤကညီအတၢ်သိၣ်လၢပှၤမၤလိအီၤ, 14မၤသးဒ်န့ၣ်ဒီးယကမၤဒံးပှၤဂီၢ်မုၢ်လီၤဆီဒၣ်တၢ်,လီၤဆီဒိၣ်မး,ဒီးပှၤကူၣ်တၢ်သ့အတၢ်ကူၣ်သ့ကဟးဂီၤ,ဒီးပှၤကူၣ်တၢ်ဘၣ်အတၢ်ကူၣ်တၢ်ဘၣ်ကဟါမၢ်လီၤ. 15ပှၤလၢအလဲၤတၢ်ယိာ်ဒ်သိးအကပာ်ခူသူၣ်တၢ်ကူၣ်တၢ်ဖးလၢယွၤ,ဒီးအမၤတၢ်အိၣ်ဝဲလၢတၢ်ခံးကျါ,ဒီးစံးဝဲ,မ့ၢ်မတၤထံၣ်ဘၣ်ပှၤလဲၣ်,ဒီးမ့ၢ်မတၤသ့ၣ်ညါပှၤလဲၣ်န့ၣ်ဘၣ်အဖှီၣ်လီၤ. 16သုပာ်ခိၣ်ခံတၢ်မးလဲၣ်,တၢ်ကပာ်ပှၤတ့သပၢၤဒ်အကပံာ်အသိးန့ၣ်,ဒ်သိးတၢ်ဘၣ်တ့အီၤန့ၣ်ကစံးလၢတၢ်လၢအတ့အီၤအဂ့ၢ်,တတ့ဘၣ်ယၤဘၣ်,ဒီးတၢ်လၢအဘၣ်တၢ်မၤအီၤန့ၣ်ကစံးလၢတၢ်လၢအမၤအီၤအဂ့ၢ်န့ၣ်အနၢ်ပၢၢ်တသ့ဘၣ်န့ၣ်ဧါ. 17တစိၢ်ဖိပူၤကွံာ်ဒီးလဘၤနိၣ်ကကဲထီၣ်ဟီၣ်ခိၣ်အကဝီၤလၢအသၣ်ထီၣ်တၢ်,ဒီးဟီၣ်ခိၣ်အကဝီၤလၢအသၣ်ထီၣ်တၢ်န့ၣ်ကကဲထီၣ်ပှၢ်ဒိၣ်လာ်န့ၣ်တမ့ၢ်ဘၣ်ဧါ. 18ဒီးတၢ်လၢမုၢ်တနံၤန့ၣ်ပှၤနၢ်တအၢန့ၣ်ကနၢ်ဟူလံာ်အကလုၢ်,ဒီးပှၤအမဲာ်ဘျီၣ်ကထံၣ်တၢ်လၢတၢ်ခံးကျါ,ဒီးတၢ်ခံးသူအကျါလီၤ. 19ဒီးပှၤအသးစူၤန့ၣ်ဒံးယံာ်ကဒံးသးခုလၢယွၤအပူၤ,ဒီးပှၤဖှီၣ်ဖိယာ်ဖိလၢပှၤကညီအကျါန့ၣ်ကသူၣ်ဖှံသးညီလၢအံၣ်စရ့လးအတၢ်စီဆှံတဂၤအပူၤလီၤ. 20အဂ့ၢ်ဒ်အံၤ,ပှၤမၤန့ၢ်ဆူၣ်တၢ်န့ၣ်လၢာ်ကွံာ်,ဒီးပှၤဒုၣ်ဒွဲၣ်တၢ်တအိၣ်လၢၤဘၣ်,ဒီးပှၤကွၢ်ဟုၣ်တၢ်မၤတတီဘၣ်န့ၣ်ဘၣ်တၢ်ဒီၣ်တဲာ်ကွံာ်ခဲလၢာ်လီၤ. 21ပာ်ပှၤလၢပှၤမၤကမၣ်တၢ်ဖိလၢတၢ်ကတိၤတဘီအဃိ,ဒီးပာ်ပျံၤသကွီၤလၢပှၤလၢအလိာ်ကွီၢ်လၢပဲတရီအဂီၢ်,ဒီးဘိးဃၣ်ကပၤပှၤတီပှၤလိၤလၢတၢ်လီတၢ်ဝ့ၤလီၤ. 22မၤသးဒ်န့ၣ်ဒီးယွၤစံးဘၣ်ယၤကိာ်အပှၤဟံၣ်ဖိ,ပှၤလၢအပှ့ၤက့ၤစီၤအၤဘြၤဟၣ်စံးဒ်အံၤ,တမ့ၢ်ဘၣ်ယၤကိာ်ကမဲာ်ဆှးခဲကနံၣ်အံၤဘၣ်,ဒီးတမ့ၢ်ဘၣ်အမဲာ်ကလီၤဝါထီၣ်ခဲကနံၣ်အံၤဘၣ်. 23မ့မ့ၢ်,တုၤအထံၣ်ဘၣ်အဖိ,တၢ်မၤလၢယစု,လၢအကျါဒီး,ကပာ်စီဆှံယမံၤ,ဒီးပာ်စီဆှံစီၤယၤကိာ်အတၢ်စီဆှံ,ဒီးကပျံၤအံၣ်စရ့လးအကစၢ်န့ၣ်လီၤ. 24ဒီးပှၤလၢအသးဟးဖျိးတၢ်န့ၣ်ကသ့ၣ်ညါတၢ်ကူၣ်သ့,ဒီးပှၤလၢအကဒူးကဒ့ၣ်တၢ်,ကမၤလိတၢ်လီၤ.
Copyright information for
KswSKMB