Isa 31 | KswSKMB | STEP | ပှၤလၢအလဲၤလီၤလၢတၢ်မၤစၢၤအဂီၢ်ဆူအဲၤကူပတူးအပူၤန့ၣ်ဘၣ်အဖှီၣ်လီၤ.သန့ၤအသးလၢကသ့ၣ်,ဒီးပတဲၢ်အသးလၢလ့ၣ်ကဟၣ်လၢအအိၣ်အါအဃိ,ဒီးလၢပှၤဒိးကသ့ၣ်လၢအဂံၢ်ဆူၣ်အဘါဆူၣ်အဃိ,ဒီးတကွၢ်ထီၣ်ဘၣ်ဆူအံၣ်စရ့လးအတၢ်စီဆှံတဂၤဘၣ်,ဒီးတဃုဘၣ်ယွၤဘၣ်.

‏ Isaiah 31

1 ပှၤလၢအလဲၤလီၤလၢတၢ်မၤစၢၤအဂီၢ်ဆူအဲၤကူပတူးအပူၤန့ၣ်ဘၣ်အဖှီၣ်လီၤ.သန့ၤအသးလၢကသ့ၣ်,ဒီးပတဲၢ်အသးလၢလ့ၣ်ကဟၣ်လၢအအိၣ်အါအဃိ,ဒီးလၢပှၤဒိးကသ့ၣ်လၢအဂံၢ်ဆူၣ်အဘါဆူၣ်အဃိ,ဒီးတကွၢ်ထီၣ်ဘၣ်ဆူအံၣ်စရ့လးအတၢ်စီဆှံတဂၤဘၣ်,ဒီးတဃုဘၣ်ယွၤဘၣ်.

2 ဘၣ်ဆၣ်ဒီးအဝဲဒၣ်ကူၣ်တၢ်သ့စ့ၢ်ကီး,ဒီးအကဒုးဟဲထီၣ်တၢ်အၢ,ဒီးတသုးဘၣ်အကလုၢ်ဘၣ်,ဒီးကဂဲၤဆၢထၢၣ်ထီဒါပှၤမၤတၢ်အၢအဟံၣ်ဖိ,ဒီးထီဒါပှၤမၤတတီဘၣ်အတၢ်မၤစၢၤလီၤ.

3 ဒီးပှၤအဲၤကူပတူးဖိမ့ၢ်ပှၤကညီ,ဒီးတမ့ၢ်ဘၣ်ယွၤဘၣ်,ဒီးအကသ့ၣ်န့ၣ်မ့ၢ်တၢ်ညၣ်ဒီးတမ့ၢ်ဘၣ်သးဘၣ်,ဒီးတုၤယွၤကယူာ်ထီၣ်အစု,ဒီးပှၤမၤစၢၤတၢ်န့ၣ်ကဘၣ်တိၢ်,ဒီးပှၤလၢအဒိးတၢ်မၤစၢၤအီၤန့ၣ်ကလီၤဃံၤ,ဒီးကလၢာ်ဝဲခဲလၢာ်တပူၤဃီလီၤ.

4 အဂ့ၢ်ဒ်အံၤ,ယွၤစံးဘၣ်ယၤဒ်အံၤ,ဒ်ခ့ယုၢ်,ဒီးခ့ယုၢ်ဖိလၢအကညီၤလၢအဂုာ်န့ၢ်တၢ်အဖီခိၣ်,ဖဲပှၤကွၢ်သိဂီၢ်မုၢ်ဟဲထီၣ်ထီဒါအီၤ,ဒီးခ့ယုၢ်တပျံၤဘၣ်အကလုၢ်,တဆီၣ်လီၤဘၣ်အသးလၢအဝဲသ့ၣ်အသီၣ်အဃိဘၣ်အသိးန့ၣ်,တၢ်သုးမုၢ်ဂီၢ်မုၢ်အယွၤကဟဲလီၤဒုးတၢ်လၢကစၢၢ်စံယိၣ်အလိၤ,ဒီးလၢအစိခိၣ်အလိၤဒ်န့ၣ်အသိးလီၤ.

5 ဒ်ထိၣ်ယူၤဝဲအသိးန့ၣ်ယွၤကကဟုကယာ်ယရူၤၡလ့ၣ်,ကကဟုကယာ်,ဒီးမၤပူၤမၤဖျဲးအီၤ,ကလဲၤကပာ်,ဒီးအုၣ်က့ၤခီၣ်က့ၤအီၤလီၤ.

6 ဟဲက့ၤကဒါက့ၤဆူပှၤလၢပှၤအံၣ်စရ့လးဖိပူထီၣ်အီၤအအိၣ်န့ၣ်တက့ၢ်. 7 အဂ့ၢ်ဒ်အံၤ,လၢမုၢ်တနံၤန့ၣ်ပှၤကညိကွံာ်အတၢ်ဂီၤစ့,ဒီးအတၢ်ဂီၤထူ,တၢ်ဒဲးဘးလၢသုစုမၤလၢသုဂီၢ်စုာ်စုာ်လီၤ.

8 ဒီးအၤရှူၢ်ကလီၤဃံၤလၢနးလၢအတမ့ၢ်ဘၣ်ပှၤကညီအနးဘၣ်,ဒီးတၢ်တမ့ၢ်ဘၣ်ပှၤကညီအနးကအီၣ်ကွံာ်အီၤ,ဒီးကဃ့ၢ်လၢနးအမဲာ်ညါဒီးအပှၤဖိၣ်သၣ်ခွါတဖၣ်န့ၣ်ကဟ့ၣ်သွဲလီၤ.

9 ဒီးအလၢၢ်အလ့ကဒံကွံာ်လၢတၢ်ပျံၤတၢ်ဖုးအဃိ,ဒီးအပဒိၣ်ဖးဒိၣ်တဖၣ်ကပျံၤသုးဖိအလၣ်န့ၣ်,ယွၤလၢအမ့ၣ်အူအိၣ်ဝဲလၢစံယိၣ်,ဒီးအဖၣ်ကပူၤလၢယရူၤၡလ့ၣ်အပူၤတဂၤစံးဝဲဒၣ်လီၤ.