Isa 4 | KswSKMB | STEP | ဒီးတၢ်လၢမုၢ်တနံၤန့ၣ်ပိာ်မုၣ်နွံဂၤကဟံးဃာ်ပိာ်ခွါတဂၤဒီးစံးဝဲ,ပကအီၣ်ပကိၣ်ဒၣ်ပဝဲ,ဒီးပကကူသိးပတၢ်ကူတၢ်သိးဒၣ်ပဝဲလီၤ.ထဲဒုးယုၢ်ပှၤလၢနမံၤတက့ၢ်.မၤပူၤမၤဖျဲးတၢ်ဒုၣ်ဒွဲၣ်ပှၤတက့ၢ်.

‏ Isaiah 4

1 ဒီးတၢ်လၢမုၢ်တနံၤန့ၣ်ပိာ်မုၣ်နွံဂၤကဟံးဃာ်ပိာ်ခွါတဂၤဒီးစံးဝဲ,ပကအီၣ်ပကိၣ်ဒၣ်ပဝဲ,ဒီးပကကူသိးပတၢ်ကူတၢ်သိးဒၣ်ပဝဲလီၤ.ထဲဒုးယုၢ်ပှၤလၢနမံၤတက့ၢ်.မၤပူၤမၤဖျဲးတၢ်ဒုၣ်ဒွဲၣ်ပှၤတက့ၢ်.

2 တၢ်လၢမုၢ်တနံၤန့ၣ်ယွၤအဒ့အဖီကအိၣ်လၢတၢ်အဃံအလၤဒီးတၢ်လၤကပီၤ.ဒီးဟီၣ်ခိၣ်အတၤသၣ်လၢတၢ်ဂ့ၤတၢ်ဝါ,ဒီးတၢ်ကယၢကယဲလၢပှၤအံၣ်စရ့လးဖိလၢအပူၤဖျဲးတ့ၢ်လံအဂီၢ်လီၤ.

3 ဒီးတၢ်ကမၤအသးလၢပှၤလၢအအိၣ်လီၤတဲာ်လၢစံယိၣ်အပူၤ,ဒီးပှၤလၢအအိၣ်ဒံးလၢယရူၤၡလ့ၣ်အပူၤန့ၣ်ကဘၣ်တၢ်ကိးအီၤလၢပှၤစီဆှံ,ကယဲၢ်ပှၤလၢအမံၤကွဲးအသးလၢပှၤမူလၢယရူၤၡလ့ၣ်အပူၤ, 4 ဖဲယွၤသ့စီကွံာ်စံယိၣ်အဖိမုၣ်တဖၣ်အဃံၣ်အဃူး,ဒီးမၤစီကွံာ်ယရူၤၡလ့ၣ်အသွံၣ်လၢအသးကံၢ်ပူၤလၢတၢ်စံၣ်ညီၣ်အသး,ဒီးလၢမ့ၣ်အူအီၣ်တၢ်အသးန့ၣ်လီၤ. 5 ဒီးလၢကစၢၢ်စံယိၣ်အတၢ်အိၣ်တၢ်ဆိးအလီၢ်ခဲလၢာ်အဖီခိၣ်,ဒီးလၢအတၢ်အိၣ်ဖှိၣ်တဖၣ်အဖီခိၣ်န့ၣ်ယွၤကတ့တၢ်အၢၣ်ဒီးမ့ၣ်အူခုၣ်လၢမုၢ်ဆါ,ဒီးမ့ၣ်လၣ်ကကဲၤကပီၤလၢမုၢ်နၤလီၤ.အဂ့ၢ်ဒ်အံၤ,လၢတၢ်လၤကပီၤခဲလၢာ်အဖီခိၣ်န့ၣ်တၢ်ကျၢၢ်ဘၢကအိၣ်ဝဲလီၤ.

6 ဒီးဒဲလၢတၢ်ကဒုအလီၢ်လၢတၢ်ကိၢ်လၢမုၢ်ဆါအဃိ,ဒီးလၢတၢ်ဃ့ၢ်ဆူအအိၣ်အလီၢ်,ဒီးလၢတၢ်အိၣ်တဒၢအလီၢ်ဒီးတၢ်တဒၢလၢကလံၤမုၢ်အဃိ,ဒီးလၢတၢ်ဟဲစူၤအဃိန့ၣ်ကအိၣ်ဝဲတဖျၢၣ်လီၤ.