Jonah 1
1ယွၤအကလုၢ်ဘၣ်စီၤအမံးတဲၤအဖိခွါစီၤယိၤနါဒီးစံးဝဲဒၣ်, 2ဂဲၤဆၢထၢၣ်လဲၤဆူနံၤနဝ့,ဝ့ၢ်ဖးဒိၣ်တဖျၢၣ်န့ၣ်,ဒီးကိးထီၣ်တၢ်ထီဒါအီၤတက့ၢ်.အဂ့ၢ်ဒ်အံၤ,အတၢ်ဒဲးဘးန့ၣ်ထီၣ်ဘးလၢယမဲာ်ညါလီၤ. 3ဘၣ်ဆၣ်ဒီးစီၤယိၤနါဂဲၤဆၢထၢၣ်ဒ်သိးအကဃ့ၢ်တၢ်လၢယွၤအမဲာ်ညါဆူတၢ်ၡံၣ်,ဒီးလဲၤဝဲဆူယၤဖိၤအပူၤ,ဒီးထံၣ်န့ၢ်ကဘီတဘ့ၣ်လဲၤဆူတၢ်ၡံၣ်,ဒီးအဟ့ၣ်အဘူးအလဲ,ဒီးလဲၤလီၤလၢအပူၤဒ်သိးအကလဲၤတၢ်ဒီးပှၤတဖၣ်ဆူတၢ်ၡံၣ်လၢယွၤအမဲာ်ညါလီၤ. 4ဒီးယွၤမၢလီၤကလံၤဖးဒိၣ်ဆူပီၣ်လဲၣ်,ဒီးကလံၤမုၢ်ထီၣ်လၢပီၣ်လဲၣ်ပူၤ,ဒီးကဘီဘူးဒီးအကဟးဂီၤလီၤ. 5ဒီးပှၤကဘီဖိပျံၤတၢ်,ဒီးကိးပသူထီၣ်ဝဲတဂၤဆူအကစၢ်အအိၣ်,တဂၤဆူအကစၢ်အအိၣ်,ဒီးတ့ၢ်လီၤကွံာ်တၢ်ဖိတၢ်လံၤလၢကဘီပူၤဆူပီၣ်လဲၣ်ပူၤ,ဒ်သိးအကဖှံထီၣ်ဝဲလီၤ.မ့မ့ၢ်စီၤယိၤနါလဲၤနုာ်တ့ၢ်ဆူကဘီအဒၢးပူၤဒီးမံဝဲဖဲန့ၣ်,ဒီးမံသပ့ၤဝဲလီၤ. 6ဒီးပှၤကဘီအခိၣ်လဲၤဝဲဆူအအိၣ်,ဒီးစံးဝဲဒၣ်,နမံသပ့ၤမ့ၢ်အဘၣ်မနုၤလဲၣ်.ဂဲၤဆၢထၢၣ်ကိးထီၣ်နကစၢ်တက့ၢ်.ဘၣ်တဘၣ်ကစၢ်တဂၤန့ၣ်ကမၤတၢ်လၢပဂီၢ်ဒ်သိးပသုတတုၤလၢတၢ်ဟးဂီၤတဂ့ၤလီၤ. 7ဒီးပှၤတဖၣ်န့ၣ်စံးဝဲဒၣ်တဂၤဒီးတဂၤ,ဖးသကိးတၢ်ဒ်သိးပကသ့ၣ်ညါလၢတၢ်အၢအံၤဘၣ်ပှၤလၢမတၤမတၤတဂၤအဃိန့ၣ်တက့ၢ်.ဒီးဖးဝဲ,ဒီးဘၣ်စီၤယိၤနါလီၤ. 8ဒီးအဝဲသ့ၣ်စံးဘၣ်အီၤ,တၢ်အၢအံၤဘၣ်ပှၤလၢမတၤမတၤတဂၤအဃိလဲၣ်,ဒုးနဲၣ်ပှၤတက့ၢ်.ဒီးနမၤတၢ်မနုၤလဲၣ်,ဒီးနဟဲလၢလဲၣ်,ဒီးနမ့ၢ်မတၤအကီၢ်ဖိလဲၣ်,ဒီးနမ့ၢ်ပှၤမတၤကလုာ်လဲၣ်. 9ဒီးစံးဝဲဒၣ်,ယမ့ၢ်ပှၤဧ့ၤဘြံၤဖိ,ဒီးယပျံၤယွၤ,မူခိၣ်အကစၢ်လၢအတ့လီၤပီၣ်လဲၣ်ဒီးခိလီၤ. 10ဒီးပှၤတဖၣ်န့ၣ်ပျံၤတၢ်နးနးကလဲာ်ဒီးစံးဝဲဒၣ်,နမၤတၢ်အံၤမ့ၢ်မနုၤတမံၤလဲၣ်.(အဂ့ၢ်ဒ်အံၤ,ပှၤတဖၣ်သ့ၣ်ညါဝဲလၢအဃ့ၢ်တၢ်လၢယွၤအမဲာ်ညါလီၤ.အဂ့ၢ်ဒ်အံၤ,အဝဲဒၣ်စံးဘၣ်တ့ၢ်အီၤလီၤ.) 11ဒီးစံးလၢအီၤ,ဒ်သိးပီၣ်လဲၣ်ကအိၣ်ဂၢၢ်တပၢၢ်လၢပဂီၢ်ဒီး,ပဘၣ်မၤနၤလၢမနုၤတမံၤလဲၣ်.(အဂ့ၢ်ဒ်အံၤ,ပီၣ်လဲၣ်လပီစံၣ်စုးဝဲ,ဒီးကလံၤမုၢ်တွၤအိၣ်ဝဲလီၤ.) 12ဒီးအဝဲဒၣ်စံးဘၣ်အီၤ,ဟံးထီၣ်ယၤ,ဒီးတ့ၢ်လီၤကွံာ်ယၤဆူပီၣ်လဲၣ်ပူၤတက့ၢ်.ဒီးပီၣ်လဲၣ်ကအိၣ်ဂၢၢ်တပၢၢ်လၢသုဂီၢ်လီၤ.အဂ့ၢ်ဒ်အံၤ,ယသ့ၣ်ညါလၢကလံၤမုၢ်တွၤအံၤဘၣ်သုလၢယဃိလီၤ. 13ဘၣ်ဆၣ်ဒီးပှၤတဖၣ်န့ၣ်ကၢၢ်တၢ်ဆူၣ်ဆူၣ်ကလဲာ်ဒ်သိးအကထိးထီၣ်လၢခိလီၤ.ဒီးမ့ၢ်ပီၣ်လဲၣ်လပီစံၣ်စုးဒီးကလံၤမုၢ်တွၤအိၣ်ဝဲဒီး,မၤတသ့ဘၣ်, 14ဒီးကိးထီၣ်ယွၤဒီးစံးဝဲဒၣ်,ပဃ့ကညးနၤယွၤဧၢ,ပဃ့ကညးနၤ,မ်ပသုတတုၤလၢတၢ်ဟးဂီၤလၢပှၤတဂၤအံၤအသးအဃိတဂ့ၤ.ဒီးပာ်တၢ်သွံၣ်လၢအတၢ်ဒဲးဘးတအိၣ်ဘၣ်လၢပလိၤတဂ့ၤ.အဂ့ၢ်ဒ်အံၤ,နဲဒၣ်ယွၤဧၢ,နမၤတၢ်လၢအဘၣ်နသးလီၤ. 15ဒီးဟံးထီၣ်စီၤယိၤနါ,ဒီးတ့ၢ်လီၤကွံာ်အီၤဆူပီၣ်လဲၣ်ပူၤ,ဒီးပီၣ်လဲၣ်အိၣ်ဂၢၢ်တပၢၢ်လီၤ. 16ဒီးပှၤကညီတဖၣ်န့ၣ်,ပျံၤယွၤဒိၣ်မးလီၤ.ဒီးလုၢ်ယွၤလၢတၢ်လုၢ်,ဒီးဆိၣ်လီၤအသးလၢအကမၤဘူၣ်တၢ်လီၤ. 17ဒီးယွၤကတဲာ်ကတီၤတ့ၢ်ညၣ်ဖးဒိၣ်တဘ့ၣ်ဒ်သိးအကယူၢ်လီၤကွံာ်စီၤယိၤနါလီၤ.ဒီးစီၤယိၤနါအိၣ်ဝဲလၢညၣ်ဖးဒိၣ်အဟၢဖၢပူၤန့ၣ်သၢနံၤဒီးသၢနၤလီၤ.
Copyright information for
KswSKMB