Jos 20 | KswSKMB | STEP | ဒီးယွၤကတိၤတၢ်ဒီးစီၤယိၤရှူဒီးစံးဝဲဒၣ်,

‏ Joshua 20

1 ဒီးယွၤကတိၤတၢ်ဒီးစီၤယိၤရှူဒီးစံးဝဲဒၣ်, 2 ကတိၤတၢ်ဒီးပှၤအံၣ်စရ့လးဖိဒီးစံး,ပာ်လီၤဝ့ၢ်တူၢ်လိာ်တၢ်လၢသုဂီၢ်လၢယကတိၤတၢ်ဒီးသုလၢစီၤမိၤရှ့အစုပူၤလၢအဂ့ၢ်အကျိၤ, 3 ဒ်သိးပှၤလၢအမၤသံပှၤတဂၤလၢတၢ်ဟးဖျိးအဃိဒီးတသ့ၣ်ညါဘၣ်န့ၣ်ကဃ့ၢ်ဆူအအိၣ်,ဒီးကကဲထီၣ်တၢ်ပူၤဖျဲးဒီးပှၤမၤကၣ်တၢ်သွံၣ်အလီၢ်လၢသုဂီၢ်န့ၣ်လီၤ.

4 ဒီးတုၤပှၤလၢအဃ့ၢ်ဆူဝ့ၢ်တဖျၢၣ်ဖျၢၣ်ကဆၢထၢၣ်လၢဝ့ၢ်ပဲတရီအကျဲစၢၤ,ဒီးတကတိၤတၢ်လၢဝ့ၢ်အပှၤသူၣ်က့သးပှၢ်အနၢ်ပူၤဒီး,အဝဲသ့ၣ်ကဟံးန့ၢ်အီၤဆူဝ့ၢ်ပူၤဆူအအိၣ်,ဒီးဟ့ၣ်လီၤအီၤလၢအလီၢ်,ဒ်သိးအကအိၣ်ဝဲဆိးဝဲလၢအကျါလီၤ.

5 ဒီးပှၤမၤကၣ်တၢ်သွံၣ်န့ၣ်မ့ၢ်လူၤအီၤဒီး,တဘၣ်ဟ့ၣ်လီၤကွံာ်ပှၤမၤသံတၢ်လၢအစုဘၣ်.အဂ့ၢ်ဒ်အံၤ,တသ့ၣ်ညါဘၣ်ဒီး,ကျီသံပှၤလၢအဃၢၤ,ဒီးတသးဟ့ဘၣ်အီၤမဟါမဟိဘၣ်.

6 ဒီးကအိၣ်လၢဝ့ၢ်အပူၤန့ၣ်တုၤအဆၢထၢၣ်လၢတၢ်အိၣ်ဖှိၣ်အမဲာ်ညါလၢတၢ်စံၣ်ညီၣ်အဂီၢ်,ဒီးတုၤပှၤလုၢ်တၢ်အခိၣ်လၢအအိၣ်လၢမုၢ်နံၤတဖၣ်န့ၣ်သံဝဲလီၤ.တုၤနုၤတစုပှၤမၤသံတၢ်ကဟဲက့ၤ,ဒီးက့ၤက့ၤဝဲဆူအဝ့ၢ်ဒၣ်ဝဲန့ၣ်,ဒီးဆူအဟံၣ်ဒၣ်ဝဲ,ဆူဝ့ၢ်တဖျၢၣ်လၢအဃ့ၢ်ထီၣ်ကွံာ်တ့ၢ်လၢအီၤလီၤ.

7 ဒီးပာ်လီၤဝဲလၢက့ဒ့ၣ်လၢကၤလံၤလါအပူၤ,လၢကစၢၢ်နးသၤလံအလိၤ,ဒီးၡက့ၣ်လၢကစၢၢ်အ့ဖရဲၣ်အလိၤ,ဒီးကံးရယးအၢ်ဘၤ,(အဝဲန့ၣ်မ့ၢ်ဃ့တြိၣ်),လၢကစၢၢ်ယူဒၤအလိၤလီၤ.

8 ဒီးလၢယၢ်ဒ့ၣ်ဝၢ်ဘးခီ,သဃီၤဒီးယရံးဃိလၢမုၢ်ထီၣ်တခီန့ၣ်ပာ်လီၤဝဲလၢဘ့စ့ၢ်လၢပှၢ်မုၢ်ကနၢလၢတၢ်ပျီပူၤလၢရူၤဘ့ၣ်တဒူၣ်အကျါ,ဒီးရၤမိးလၢကံးလဧးအပူၤလၢကးတံဒူၣ်အကျါ,ဒီးကိလၣ်လၢဘၤၡၣ်အပူၤလၢမနၤရှ့ၤတဒူၣ်တကျါလီၤ.

9 ဒီးအဝဲသ့ၣ်တဖၣ်န့ၣ်မ့ၢ်ဝ့ၢ်ပာ်လီၤအသးလၢပှၤအံၣ်စရ့လးဖိခဲလၢာ်အဂီၢ်,ဒီးလၢပှၤတခီဘီမုၢ်ဖိလၢအအိၣ်ဝဲလၢအကျါအဂီၢ်,ဒ်သိးဖဲဒၣ်ပှၤလၢအမၤသံပှၤတဂၤလၢတၢ်ဟးဖျိးအဃိတဂၤဂၤန့ၣ်ကဃ့ၢ်ဆူန့ၣ်,ဒီးတသံဘၣ်လၢပှၤမၤကၣ်တၢ်သွံၣ်အစု,တုၤလီၤလၢအဆၢထၢၣ်လၢတၢ်အိၣ်ဖှိၣ်အမဲာ်ညါန့ၣ်လီၤ.