Jos 12 | KswSKMB | STEP | ဒီးအအံၤမ့ၢ်ကီၢ်အစီၤပၤတဖၣ်လၢပှၤအံၣ်စရ့လးဖိကျီကွံာ်ဝဲ,ဒီးမၤန့ၢ်အကီၢ်တဖၣ်လၢယၢ်ဒ့ၣ်ဝၢ်ဘးခီ,လၢမုၢ်ထီၣ်တခီ,လၢထံမိၢ်ပှၢ်အၢ်နိၣ်ပၢၢ်လၢကစၢၢ်ဃ့ရမိၣ်ဒီးတၢ်ပၢၤခိၣ်ဒီဘ့ၣ်ညါလၢမုၢ်ထီၣ်တခီလီၤ.

‏ Joshua 12

1 ဒီးအအံၤမ့ၢ်ကီၢ်အစီၤပၤတဖၣ်လၢပှၤအံၣ်စရ့လးဖိကျီကွံာ်ဝဲ,ဒီးမၤန့ၢ်အကီၢ်တဖၣ်လၢယၢ်ဒ့ၣ်ဝၢ်ဘးခီ,လၢမုၢ်ထီၣ်တခီ,လၢထံမိၢ်ပှၢ်အၢ်နိၣ်ပၢၢ်လၢကစၢၢ်ဃ့ရမိၣ်ဒီးတၢ်ပၢၤခိၣ်ဒီဘ့ၣ်ညါလၢမုၢ်ထီၣ်တခီလီၤ.

2 ပှၤအမိၢ်ဖိအစီၤပၤစံဃိၣ်လၢအအိၣ်ဝဲဆိးဝဲလၢဃ့ၡဘိၣ်အပူၤ,ဒီးပၢတၢ်လၢဧရိၤဧ့ၢ်လၢအအိၣ်လၢထံမိၢ်ပှၢ်အၢ်နိၣ်အချၢအနံၤ,ဒီးတၢ်အိၣ်ဝဲလၢထံကျိအသးကံၢ်ပူၤလၢဖးဖီကံးလဧး,ဒီးပၢၢ်လၢထံယးဘိလၢအအိၣ်ဝဲလၢပှၤဧၣ်မိၣ်ဖိအကီၢ်အဃၢၤ, 3 ဒီးတၢ်ပျီပူၤပၢၢ်လၢပီၣ်လဲၣ်ကံးန့ၤရ့သးလၢမုၢ်ထီၣ်တခီ,ဒီးပၢၢ်လၢတၢ်ပျီပူၤအပီၣ်လဲၣ်,ပီၣ်လဲၣ်အံသၣ်လၢမုၢ်ထီၣ်တခီ,ကျဲဘ့ၤသၤယၡံမိး,ဒီးလၢကလံၤထံးလၢအၤၡဒိးပံးစကၤအခီၣ်ထံးလီၤ.

4 ဒီးကီၢ်အဃၢၤတဖၣ်ဘၣ်ဃးဒီးဘၤၡၣ်အစီၤပၤဧိာ်လၢအအိၣ်လၢပှၤနီၢ်ဒိၣ်ဖိလၢအအိၣ်လီၤတဲာ်အကျါ,လၢအအိၣ်အဆိးလၢဧၤၡတြိး,ဒီးအ့ဒြံၤအပူၤတဖၣ်အကျါတဂၤန့ၣ်လီၤ. 5 ဒီးပၢဝဲလၢကစၢၢ်ဃ့ရမိၣ်,ဒီးလၢစၤလကး,ဒီးလၢဘၤၡၣ်ဒီဘ့ၣ်ညါပၢၢ်လၢပှၤကရှူၢ်ဖိ,ဒီးပှၤမၤကးဖိ,ဒီးဖးဖီကံးလဧးအကီၢ်ဃၢၤ,ဃ့ၡဘိၣ်အစီၤပၤစံဃိၣ်အကီၢ်ဃၢၤလီၤ.

6 အဝဲသ့ၣ်တဖၣ်န့ၣ်ယွၤအခ့အပှၤစီၤမိၤရှ့,ဒီးပှၤအံၣ်စရ့လးဖိကျီကွံာ်အီၤ,ဒီးယွၤအခ့အပှၤစီၤမိၤရှ့ဟ့ၣ်လီၤအကီၢ်လၢပှၤရူၤဘ့ၣ်ဖိ,ဒီးပှၤကးဖိ,ဒီးပှၤမနၤရှ့ၤဖိတခီဒူၣ်လၢတၢ်န့ၢ်သါအဂီၢ်လီၤ.

7 ဒီးအအံၤမ့ၢ်ကီၢ်အစီၤပၤတဖၣ်လၢစီၤယိၤရှူ,ဒီးပှၤအံၣ်စရ့လးဖိကျီကွံာ်ဝဲလၢယၢ်ဒ့ၣ်လၢအအံၤတခီလၢမုၢ်နုာ်တခီ,လၢဘဧၤလးကးလၢလဘၤနိၣ်အကစၢၢ်ကဆူးအပူၤပၢၢ်လၢကစၢၢ်ဃၤလး,လၢအလဲၤထီၣ်ဆူစ့ဧၢ်တဖၣ်လၢစီၤယိၤရှူဟ့ၣ်လီၤအကီၢ်လၢပှၤအံၣ်စရ့လးဖိအဒူၣ်တဖၣ်လၢအတၢ်န့ၢ်သါအဂီၢ်,ဒ်အတၢ်နီၤဖးတပူတပူအသိးန့ၣ်. 8 လၢကစၢၢ်ကလိ,ဒီးလၢကစၢၢ်ကဆူး,ဒီးလၢတၢ်ပျီပူၤ,ဒီးလၢတၢ်စိခိၣ်,ဒီးလၢပှၢ်မုၢ်ကနၢ,ဒီးလၢကီၢ်ကလံၤထံး,ပှၤဃ့ၤသးဖိ,ပှၤအမိၢ်ဖိ,ပှၤကနၤဧၣ်ဖိ,ပှၤပရးစၤဖိ,ပှၤဃံၤဝံဖိ,ဒီးပှၤယဘူၣ်ဖိလီၤ.

9 ယရံၤဃိအစီၤပၤတဂၤ,ဂဲလၢအအိၣ်လၢဘ့ၤသ့လးအဃၢၤအစီၤပၤတဂၤ, 10 ယရူၤၡလ့ၣ်အစီၤပၤတဂၤ,ဃ့ဘြိၣ်အစီၤပၤတဂၤ, 11 ယၢ်မူသးအစီၤပၤတဂၤ,လၤကံၣ်အစီၤပၤတဂၤ, 12 ဧ့းကလိၣ်အစီၤပၤတဂၤ,က့စ့ၢ်အစီၤပၤတဂၤ, 13 ဒဘံၢ်အစီၤပၤတဂၤ,က့ဒ့ၢ်အစီၤပၤတဂၤ, 14 ဃိၢ်မါအစီၤပၤတဂၤ,ဧရ့းအစီၤပၤတဂၤ, 15 လံးဘနၤအစီၤပၤတဂၤ,ဧဒူးလၣ်အစီၤပၤတဂၤ, 16 မးက့ဒၤအစီၤပၤတဂၤ,ဘ့ၤသ့လးအစီၤပၤတဂၤ, 17 တးပူၤအစီၤပၤတဂၤ,ဃ့ဖ့ၢ်အစီၤပၤတဂၤ, 18 အဖ့းအစီၤပၤတဂၤ,လးၡၤရိၣ်အစီၤပၤတဂၤ, 19 မၤဒိၣ်အစီၤပၤတဂၤ,ဃါစိၢ်အစီၤပၤတဂၤ, 20 ၡံးမရိၣ်မရိၣ်အစီၤပၤတဂၤ,အၤကၡးအစီၤပၤတဂၤ, 21 တၤနးအစီၤပၤတဂၤ,မကံဒိၤအစီၤပၤတဂၤ, 22 က့ဒ့ၣ်အစီၤပၤတဂၤ,ယၤကနၣ်လၢကၢ်မ့ၤလးအလိၤအစီၤပၤတဂၤ, 23 ဒိၢ်အစီၤပၤလၢဒိၢ်အလီၢ်ထီၣ်ထီကံးလကၤလးအကလုာ်တဖၣ်အစီၤပၤတဂၤ, 24 တံးရစၢ်အစီၤပၤတဂၤန့ၣ်လီၤ.စီၤပၤခဲလၢာ်န့ၣ်အိၣ်ဝဲသၢဆံတဂၤလီၤ.