‏ Joshua 19

1တၢ်ဖးခံမံၤတမံၤန့ၣ်ဟဲထီၣ်လၢစူၤမ့းအိၣ်အဂီၢ်,လၢပှၤစူၤမ့းအိၣ်ဖိတဒူၣ်အဂီၢ်,ဒ်အဟံၣ်တဖၣ်အသိးန့ၣ်လီၤ.ဒီးအတၢ်န့ၢ်သါန့ၣ်အိၣ်ဝဲလၢပှၤယူဒၤဖိအတၢ်န့ၢ်သါအပူၤလီၤ.

2ဒီးလၢအတၢ်န့ၣ်သါအကျါန့ၣ်အိၣ်ဝဲလၢဘ့ၣ်ၡဘၤ,ဒီးရှ့ဘၤ,ဒီးမိလဒၤ 3ဒီးဃစၢ်ရှူဧလး,ဒီးဘၤလၤ,ဒီးဧၤစ့ၣ်, 4အ့းလတိလး,ဒီးဘသူလး,ဒီးဃိၢ်မါ, 5ဒီးစံကလး,ဒီၤဘ့ၤသမၢ်ကဘိး,ဒီးဃစၢ်စူစၤ, 6ဒီးဘ့ၤသလဘိး,ဒီးၡရူၤဃ့ၣ်လီၤ.ဝ့ၢ်တဆံသၢဝ့ၢ်အိၣ်ဒီးအတဝီတဖၣ်လီၤ.

7ဧ့ၣ်,ဒီးရံးမိၣ်,ဒီးဧ့သ့ၢ်,ဒီးဧၤၡၣ်လီၤ.ဝ့ၢ်လွံၢ်ဝ့ၢ်အိၣ်ဒီးအတဝီတဖၣ်လီၤ. 8ဒီးကယဲၢ်တဝီလၢအအိၣ်ဝးတရံးဝ့ၢ်တဖၣ်ပၢၢ်လၢဘဧၤလးဘ့ၢ်,ရၤမးလၢကလံၤထံးတခီလီၤ.အဝဲန့ၣ်မ့ၢ်ပှၤစူၤမ့းအိၣ်ဖိအတၢ်န့ၢ်သါ,ဒ်အဟံၣ်တဖၣ်အသိးန့ၣ်လီၤ.

9တၢ်ဟံးန့ၢ်ပှၤစူၤမ့းအိၣ်ဖိအတၢ်န့ၢ်သါလၢပှၤယူဒၤဖိအတၢ်န့ၢ်သါအကျါလီၤ.အဂ့ၢ်ဒ်အံၤ,ပှၤယူဒၤအဂီၢ်န့ၣ်အါကဲၣ်ဆိးလၢအဂီၢ်လီၤ.မၤသးဒ်န့ၣ်ဒီးပှၤစူၤမ့းအိၣ်ဖိန့ၢ်ဘၣ်အတၢ်န့ၢ်သါလၢအကျါလီၤ.

10ဒီးတၢ်ဖးသၢမံၤတမံၤန့ၣ်ဟဲထီၣ်လၢပှၤစဘူလိၣ်ဖိအဂီၢ်ဒ်အဟံၣ်တဖၣ်အသိးန့ၣ်,ဒီးအတၢ်န့ၢ်သါအကီၢ်ဃၢၤန့ၣ်အိၣ်ဝဲပၢၢ်လၢစၤရံး, 11ဒီးအကီၢ်ဃၢၤန့ၣ်လဲၤထီၣ်ဆူပီၣ်လဲၣ်နံၤ,ဒီးမရၤလၤ,ဒီးဘၣ်လၢဒးဘးရှ့,ဒီးဘၣ်လၢထံကျိနံၤအိၣ်ဝဲလၢယၤကနၣ်အမဲာ်ညါ, 12ဒီးဃၣ်အသးလၢစၤရံးလၢမုၢ်ထီၣ်တခီဆူမုၢ်ထီၣ်ပၢၢ်လၢကံးစလိးတၤဘိၢ်အကီၢ်ဃၢၤ,ဒီးဟးထီၣ်ဝဲဆူဒၤဘြး,ဒီးလဲၤထီၣ်ဝဲဆူယၤဖံ, 13ဒီးလဲၤထီၣ်ဖဲန့ၣ်ဆူမုၢ်ထီၣ်တခီ,ဆူကံးတၤဃ့ဖ့ၢ်,ဆူဧ့းတၤကစံၣ်,ဒီးဟးထီၣ်ဝဲဆူရံးမိၣ်မသိၢ်,ဆူန့ဧၤ, 14ဒီးကီၢ်အဃၢၤလၢကလံၤစိးတခီန့ၣ်လဲၤတရံးတၢ်ဆူဃးနသိၣ်,ဒီးဟးထီၣ်ကွံာ်ဝဲဖဲန့ၣ်ဖဲကစၢၢ်ကဆူးယံးဖတ့းလ, 15ဒီးကးတး,ဒီးနဟးလလး,ဒီးၡံးမရိၣ်,ဒီးယံးဒၤလၤ,ဒီးဘ့ၤသလ့ဃ့ၣ်လီၤ.ဝ့ၢ်တဆံခံဝ့ၢ်အိၣ်ဒီးအတဝီတဖၣ်လီၤ. 16အဝဲန့ၣ်မ့ၢ်ပှၤစဘူလိၣ်ဖိအတၢ်န့ၢ်သါ,ဒ်အဟံၣ်တတဖၣ်အသိးန့ၣ်,ဝ့ၢ်တဖၣ်န့ၣ်အိၣ်ဒီးအတဝီဖၣ်လီၤ.

17ဒီးတၢ်ဖးလွံၢ်မံၤတမံၤန့ၣ်ဟဲထီၣ်လၢယံးစၣ်ကၢ်အဂီၢ်,လၢပှၤယံးစၣ်ကၢ်ဖိအဂီၢ်,ဒ်အဟံၣ်တဖၣ်အသိးန့ၣ်, 18ဒီးအကီၢ်အဃၢၤန့ၣ်အိၣ်ဝဲဆူယံးစရ့လးဒီးယံးစူးလိး,ဒီးရှူန့ၣ်, 19ဒီးဃဖၢ်ရဲၣ်,ဒီးၡံအိၣ်,ဒီးအနၤဃရး, 20ဒီးရးဘံး,ဒီးကံးၡယိၣ်,ဒီးအၤဘ့း, 21ဒီးရ့မ့း,ဒီးဧ့ၣ်ကးနံၣ်,ဒီးဧ့ၣ်ဃးဒၤ,ဒီးဘ့ၤသပးစ့, 22ဒီးအကီၢ်ဃၢၤန့ၣ်ဘၣ်လၢတၤဘိၢ်,ဒီးၡၤကစံမၤ,ဒီးဘ့ၤသရှ့မ့ၣ်,ဒီးကီၢ်အဃၢၤဟးထီၣ်ဝဲန့ၣ်ဖဲယၢ်ဒ့ၣ်လီၤ.ဝ့ၢ်တဆံဃုဝ့ၢ်အိၣ်ဒီးအတဝီတဖၣ်လီၤ. 23အဝဲန့ၣ်မ့ၢ်ပှၤယံးစၣ်ကၢ်ဖိတဒူၣ်အတၢ်န့ၢ်သါ,ဒ်အဟံၣ်တဖၣ်အသိးန့ၣ်,ဝ့ၢ်တဖၣ်န့ၣ်အိၣ်ဒီးအတဝီတဖၣ်လီၤ.

24ဒီးတၢ်ဖးယဲၢ်မံၤတမံၤန့ၣ်ဟဲထီၣ်လၢပှၤအၤရှ့ၢ်ဖိတဒူၣ်အဂီၢ်,ဒ်အဟံၣ်တဖၣ်အသိးန့ၣ်လီၤ.

25ဒီးအကီၢ်အဃၢၤန့ၣ်မ့ၢ်ဃ့လကး,ဒီးဃလံ,ဒီးဘ့တ့ၣ်ဒီးအကၡး, 26ဒီးအလးမ့လ့း,ဒီးဧၤမး,ဒီးမံၤရှ့လး,ဒီးဘၣ်လၢကၢ်မ့ၤလးလၢမုၢ်နုာ်တခီ,ဒီးပၢၢ်လၢၡံဃိၢ်လံးဘနး, 27ဒီးဃၣ်အသးဆူမုၢ်ထီၣ်,ဆူဘ့ၤသဒၤကိၣ်,ဒီးဘၣ်လၢစဘူလိၣ်,ဒီးပၢၢ်လၢကစၢၢ်ကဆူးယံးဖတ့လးလၢဘ့ၤသဧ့ၤမ့း,ဒီးနဧ့လးလၢကလံၤစိးတခီ,ဒီးဟးထီၣ်ဝဲဆူကၤဘူလးလၢစုစ့ၣ်တခီ, 28ဒီးဃ့ဘြိၣ်,ဒီးရဃိၣ်,ဒီးဃမိၤ,ဒီးကါနၤ,ပၢၢ်လၢစံဒိၣ်ဖးဒိၣ်, 29ဒီးကီၢ်အဃၢၤန့ၣ်ဃၣ်အသးဆူရၤမါ,ဒီးဆူဝ့ၢ်ခၢၣ်သနၢၢ်စိၢ်,ဒီးကီၢ်အဃၢၤန့ၣ်ဃၣ်အသးဆူဃိစၤ,ဒီးဟးထီၣ်ဝဲန့ၣ်ဖဲပီၣ်လဲၣ်နံၤ,လၢအသရ့ၤန့ၣ်ဆူအၤကစံာ်, 30ဒီးဧူးမၤ,ဒီးအဖ့း,ဒီးရဃိာ်န့ၣ်လီၤ.ဝ့ၢ်ခံဆံခံဝ့ၢ်အိၣ်ဒီးအတဝီတဖၣ်လီၤ. 31အဝဲန့ၣ်မ့ၢ်ပှၤအၤရှ့ၢ်ဖိတဒူၣ်အတၢ်န့ၢ်သါ,ဒ်အဟံၣ်တဖၣ်အသိးန့ၣ်,ဝ့ၢ်တဖၣ်န့ၣ်အိၣ်ဒီးအတဝီတဖၣ်လီၤ.

32တၢ်ဖးဃုမံၤတမံၤန့ၣ်ဟဲထီၣ်လၢပှၤနးသၤလံဖိအဂီၢ်,လၢပှၤနးသၤလံဖိအဂီၢ်ဒ်အဟံၣ်တဖၣ်အသိးန့ၣ်လီၤ. 33ဒီးအကီၢ်ဃၢၤန့ၣ်အိၣ်ဝဲလၢယ့လ့ာ်,လၢအးလိၣ်ဆူစဧးနဲၣ်,ဒီးအဒၣ်မံၤ,ဒီးန့က့ာ်,ဒီးယးဘန့လးပၢၢ်လၢလးကူၣ်,ဒီးဟးထီၣ်ဝဲဖဲန့ၣ်ဖဲယၢ်ဒ့ၣ်, 34ဒီးကီၢ်အဃၢၤန့ၣ်ဃၣ်အသးဆူမုၢ်နုာ်တခီ,ဆူအၤစနိးတၤဘိၢ်,ဒီးဟးထီၣ်ဝဲဖဲန့ၣ်ဆူဃူးကိး,ဒီးဘၣ်လၢစဘူလိၣ်လၢကလံၤထံးတခီ,ဒီးဘၣ်လၢအၤရှ့ၢ်လၢမုၢ်နုာ်တခီဒီးပၢၢ်လၢယူဒၤလၢယၢ်ဒ့ၣ်အနံၤဆူမုၢ်ထီၣ်န့ၣ်လီၤ. 35ဒီးဝ့ၢ်အိၣ်ဒီးအခိၣ်ဒူန့ၣ်မ့ၢ်စံးဒံၣ်,ဒီးစ့ၢ်,ဒီးဃးမး,ရးကး,ဒီးကံးနရ့း, 36ဒီးအဒၤမၤ,ဒီးရၤမါ,ဒီးဃါစိၢ်, 37ဒီးက့ဒ့ၣ်,ဒီးအ့ဒြံၤ,ဒီးဧ့ၣ်ဃစိၢ်, 38ဒီးယံးရိၣ်,ဒီးမံးကဒၤလ့လး,ဃိးရ့ၣ်,ဒီးဘ့ၤသၤနးဒီးဘ့ၤသရှ့မ့ၣ်လီၤ.ဝ့ၢ်တဆံခွံဝ့ၢ်အိၣ်ဒီးအတဝီတဖၣ်လီၤ. 39အဝဲန့ၣ်မ့ၢ်ပှၤနးသၤလံဖိတဒူၣ်အတၢ်န့ၢ်သါ,ဒ်အဟံၣ်တဖၣ်အသိးန့ၣ်ဝ့ၢ်တဖၣ်န့ၣ်အိၣ်ဒီးအတဝီတဖၣ်လီၤ.

40ဒီးတၢ်ဖးနွံမံၤတမံၤန့ၣ်ဟဲထီၣ်လၢပှၤဒၣ်ဖိတဒူၣ်အဂီၢ်,ဒ်အဟံၣ်တဖၣ်အသိးန့ၣ်လီၤ. 41အတၢ်န့ၢ်သါအကီၢ်ဃၢၤန့ၣ်မ့ၢ်စိးရၤ,ဒီးအ့ၤၡတိလး,ဒီးဧံၢ်ရှ့မ့ၣ်, 42ဒီးၡၤလးဘံၣ်,ဒီးအးယးလိၣ်,ဒီးယံးသလၤ, 43ဒီးအ့လိၣ်,ဒီးသံမနၤသၤ,ဒီးဧ့ကြိၣ်, 44ဒီးအ့လတက့ၤ,ကံးဘဘိၣ်,ဒီးဘဧၤလး, 45ဒီးယဟူး,ဒီးဘန့ဘရး,ဒီးကၤသးရံးမိၣ်, 46ဒီးမ့ယၢ်ကိၣ်,ဒီးရးကိၣ်,ဒီးကီၢ်အဃၢၤအိၣ်ဝဲလၢယၤဖိၤအမဲာ်ညါလီၤ.

47ဒီးပှၤဒၣ်ဖိအကီၢ်ဃၢၤန့ၣ်ဟးထီၣ်ကွံာ်လၢအီၤလီၤ.ဒီးပှၤဒၣ်ဖိလဲၤဒုးတၢ်ဒီးလ့ရှ့ၣ်,ဒီးမၤန့ၢ်ဝဲ,ဒီးကျီကွံာ်ဝဲလၢနးအကနၣ်,ဒီးမၤန့ၢ်ဆူၣ်အီၤ,ဒီးအိၣ်ဝဲဆိးဝဲလၢအပူၤ,ဒီးယုၢ်လ့ရှ့ၣ်အမံၤလၢဒၣ်,ဒ်အပၢ်အမံၤအသိးန့ၣ်လီၤ. 48အဝဲန့ၣ်မ့ၢ်ပှၤဒၣ်ဖိတဒူၣ်အတၢ်န့ၢ်သါဒ်အဟံၣ်တဖၣ်အသိးန့ၣ်,ဝ့ၢ်တဖၣ်န့ၣ်အိၣ်ဒီးအတဝီတဖၣ်လီၤ. 49ဒီးတုၤအနီၤဖးကီၢ်လၢတၢ်န့ၢ်သါအဂီၢ်အဆၢ,ဒ်ကီၢ်အဃၢၤတဖၣ်အသိးန့ၣ်ဝံၤဒီး,ပှၤအံၣ်စရ့လးဖိဟ့ၣ်လီၤစီၤနိၣ်အဖိခွါစီၤယိၤရှူအတၢ်န့ၢ်သါလၢအကျါ, 50ဒ်တၢ်လၢယွၤအထးခိၣ်အသိးန့ၣ်ဟ့ၣ်ဝဲလၢဝ့ၢ်တဝ့ၢ်လၢအဃ့အီၤ,တံးမနးစ့ရၤလၢကစၢၢ်အ့ဖရဲၣ်အလိၤလီၤ.ဒီးတ့လီၤဝ့ၢ်န့ၣ်,ဒီးအိၣ်ဝဲဆိးဝဲဖဲန့ၣ်လီၤ.

51အဝဲသ့ၣ်တဖၣ်န့ၣ်မ့ၢ်တၢ်န့ၢ်သါတဖၣ်လၢပှၤလုၢ်တၢ်အဒိၣ်စီၤအလၤဧစၢ်,ဒီးစီၤနိၣ်အဖိခွါစီၤယိၤရှူ,ဒီးပှၤအံၣ်စရ့လးဖိအဒူၣ်အပၢ်အခိၣ်တဖၣ်ဖးတၢ်သတးဒီးနီၤဖးလၢတၢ်န့ၢ်သါအဂီၢ်လၢၡံလိၤအပူၤလၢယွၤအမဲာ်ညါဖဲတၢ်အိၣ်ဖှိၣ်အဒဲအကျဲစၢၤန့ၣ်လီၤ.ဒီးနီၤဖးထံဧိၤကီၢ်ဧိၤအဆၢဝံၤဝဲလီၤ.