‏ Luke 3

1ဒီးလၢကဲစၢ်တံၤဘ့းရံအီၣ်နူၢ်တဆံယဲၢ်နံၣ်တနံၣ်အတီၢ်ပူၤန့ၣ်,ဒီးစီၤပီၣ်တံၤပံၤလးမ့ၢ်ကီၢ်ယူဒၤအပဒိၣ်ဖးဒိၣ်,ဒီးစီၤဟ့ၤရိာ်မ့ၢ်ကၤလံၤလါအပဒိၣ်ဖးဒိၣ်,ဒီးအဒီပုၢ်ဝဲၢ်စီၤဖံလံးပူးမ့ၢ်ကီၢ်ယတူၢ်ဒီးကီၢ်တြဃိၤန့တံၤအပဒိၣ်ဖးဒိၣ်,ဒီးစီၤလူၤစၤနံမ့ၢ်အဘ့ၤလ့ၣ်အပဒိၣ်ဖးဒိၣ်, 2ဒီးစီၤအၣ်နၣ်ဒီးစီၤကၤယါဖၤမ့ၢ်ပှၤလုၢ်တၢ်အခိၣ်ဒီး,ယွၤအကလုၢ်ဘၣ်စီၤစဃၤရံအဖိခွါ,စီၤယိၤဟၣ်,လၢပှၢ်မုၢ်ကနၢလီၤ. 3ဒီးလဲၤဆူထံယၢ်ဒ့ၣ်အခိၣ်အဃၢၤခဲလၢာ်,ဒီးစံၣ်တဲၤတဲလီၤတၢ်ဒိးဘျၢ ▼

▼3:3 လၢဟ့းလ့ၣ်အကျိာ်"ဘးပတံစၢ်."

ဘၣ်ဃးဒီးတၢ်ပီၢ်ယၢ်လီၤက့ၤပသးလၢတၢ်ပျၢ်တၢ်ဒဲးဘးအဂီၢ်လီၤ. 4ဒ်တၢ်ကွဲးအသးလၢဝံယၡါယၤအလံာ်အတၢ်ကတိၤအသိး,

တၢ်ကလုၢ်သီၣ်ထီၣ်လၢပှၢ်မုၢ်ကနၢဒီးစံးဝဲဒၣ်,
ကတဲာ်ကတီၤက့ၤယွၤအကျဲန့ၣ်တက့ၢ်.
မၤလိၤအကျဲမုၢ်တဖၣ်န့ၣ်တက့ၢ်.
5ကယဲၢ်ကစၢၢ်ကဆူးကပှဲၤထီၣ်ဝဲ,
ဒီးကယဲၢ်ကစၢၢ်ကလိဒီးတၢ်စိခိၣ်တဖျၢၣ်လၢ်လၢ်ကလီၤပၢၤဝဲ,
ဒီးတၢ်အက့ၣ်တဖၣ်န့ၣ်ကဘျၢထီၣ်ဝဲ,
ဒီးကျဲလၢအထီၣ်စိလီၤနုာ်တဖၣ်န့ၣ်ကဃူလိာ်ဝဲ,
6ဒီးကယဲၢ်တၢ်ညၣ်ခဲလၢာ်န့ၣ်ကထံၣ်ဘၣ်ယွၤအတၢ်အုၣ်က့ၤခီၣ်က့ၤလီၤ. ▼

▼3:6 ၡါ.၄ဝး၃-၅,၅၂း၁၀

7မၤသးဒ်န့ၣ်ဒီးစံးဘၣ်တဲဘၣ်ပှၤဂီၢ်မုၢ်လၢအဟဲဆူအအိၣ်ဒ်သိးအကဒိးဘျၢ ▼

▼3:7 လၢဟ့းလ့ၣ်အကျိာ်"ဘးပတံစၢ်."

အသးလၢအစုပူၤန့ၣ်,ဂုၢ်ပွ့ၤတဖုဧၢ,မ့ၢ်မတၤသိၣ်လိသုဒ်သိးသုကဃ့ၢ်ကွံာ်လၢတၢ်သးထီၣ်လၢအကဟဲန့ၣ်တဂၤလဲၣ်. 8မၤသးဒ်န့ၣ်ဒီးတၤသၣ်ကြၢးဒီးတၢ်ပီၢ်ယၢ်လီၤက့ၤအသးန့ၣ်,သၣ်ထီၣ်တက့ၢ်.ဒီးသုတစံးလီၤသုသးလၢစီၤအၤဘြၤဟၣ်မ့ၢ်ပပၢ်န့ၣ်တဂ့ၤ.အဂ့ၢ်ဒ်အံၤ,ယစံးဘၣ်တဲဘၣ်သုလၢယွၤမၤလၢၢ်အံၤကဲထီၣ်လၢစီၤအၤဘြၤဟၣ်အဖိန့ၣ်သ့လီၤ. 9ဒီးခဲကနံၣ်အံၤဒၣ်လဲာ်,ကွါအိၣ်ပာ်လီၤအသးလၢသ့ၣ်အခီၣ်ထံးလံ.မၤသးဒ်န့ၣ်ဒီးကယဲၢ်သ့ၣ်လၢအတသၣ်ထီၣ်တၤသၣ်လၢအဂ့ၤတထံးလၢ်လၢ်န့ၣ်,ဘၣ်ကူာ်ကွံာ်,ဒီးဘၣ်ဘျုးလီၤကွံာ်ဆူမ့ၣ်အူပူၤလီၤ.

10ဒီးပှၤဂီၢ်မုၢ်သံကွၢ်အီၤဒီးစံးဝဲဒၣ်,မ့မ့ၢ်ဒ်န့ၣ်ဒီး,ပကမၤဒ်လဲၣ်. 11ဒီးအဝဲဒၣ်ကတိၤဆၢတၢ်ဒီးစံးဘၣ်အီၤ,ပှၤလၢအဆ့အိၣ်ဝဲခံဘ့ၣ်န့ၣ်,မ်အနီၤဟ့ၣ်ပှၤလၢအတၢ်တအိၣ်ဘၣ်တက့ၢ်.ဒီးပှၤလၢအတၢ်အီၣ်တၢ်အီအိၣ်ဝဲန့ၣ်,မ်အမၤဒ်န့ၣ်သိးတက့ၢ်. 12ဒီးပှၤဃ့သွဲတဖၣ်န့ၣ်,ဒ်သိးအကဒိးဘျၢ ▼

▼3:12 လၢဟ့းလ့ၣ်အကျိာ်"ဘးပတံစၢ်."

အသးဒီး,ဟဲဆူအအိၣ်ဒီးစံးဘၣ်အီၤ,သရၣ်ဧၢ,ပကမၤဒ်လဲၣ်. 13ဒီးအဝဲဒၣ်စံးဘၣ်အီၤ,သုတဟံးန့ၢ်တၢ်အါန့ၢ်တၢ်မၤလိာ်သုန့ၣ်တဂ့ၤ. 14ဒီးပှၤသုးဖိတဖၣ်သံကွၢ်အီၤဒီးစံးဝဲဒၣ်,ပဝဲဒၣ်အံၤ,ပကမၤဒ်လဲၣ်.ဒီးအဝဲဒၣ်စံးဘၣ်အီၤ,သုတမၤဆူၣ်မၤစိးပှၤနီတဂၤတဂ့ၤ.ဒီးသုတအီၣ်ကဘျံးကဘျၣ်တၢ်တဂ့ၤ.ဒီးဖဲသုန့ၢ်ဘၣ်သုဘူးသုလဲန့ၣ်,သူၣ်မံသးမံတက့ၢ်.

15ဒီးပှၤဂီၢ်မုၢ်ကွၢ်လၢ်တၢ်အကျဲ,ဒီးလၢစီၤယိၤဟၣ်အဂ့ၢ်န့ၣ်,ဖဲပှၤခဲလၢာ်ဆိကမိၣ်လၢအသးလၢအမ့ၢ်ခရံာ်,တမ့ၢ်ဘၣ်ခရံာ်လဲၣ်အဖၢမုၢ်န့ၣ်ဒီး, 16စီၤယိၤဟၣ်ကတိၤဆၢပှၤခဲလၢာ်ဒီးစံးဝဲဒၣ်,တၢ်လၢယၤအံၤယဘျၢ ▼

▼3:16 လၢဟ့းလ့ၣ်အကျိာ်"ဘးပတံစၢ်."

သုလၢထံကျါလီၤ.ဘၣ်ဆၣ်ဒီးပှၤဟဲဝဲတဂၤန့ၣ်သ့န့ၢ်ယၤတက့ၢ်လီၤ.ဖဲယဃ့ၣ်လီၤအခီၣ်ဖံးပျံၤန့ၣ်,ယတဂ့ၤတဘၣ်ဘၣ်.အဝဲဒၣ်ကဘျၢ ▼

▼3:16 လၢဟ့းလ့ၣ်အကျိာ်"ဘးပတံစၢ်."

သုလၢသးစီဆှံဒီးမ့ၣ်အူအပူၤလီၤ. 17အကီၢ်လဲၢ်အိၣ်လၢအစုပူၤ,ဒီးကဝံၢ်ကဆှီထီၣ်ကွံာ်အဘု,ဒီးကဂၢ်ဖှိၣ်က့ၤဘုလၢအဖီပူၤ,မ့မ့ၢ်လီၤဧိၤဒံးဧိၤန့ၣ်,ကဆူးထီၣ်ကွံာ်ဝဲလၢမ့ၣ်အူလီၤပံာ်တသ့ဘၣ်အပူၤလီၤ. 18ဒီးသဆၣ်ထီၣ်အခံလၢအဂုၤအဂၤအါဘီ,ဒီးစံၣ်တဲၤတဲလီၤတၢ်သးခုအကစီၣ်လၢပှၤဂီၢ်မုၢ်လီၤ.

19ဒီးပဒိၣ်ဖးဒိၣ်စီၤဟ့ၤရိာ်ဘၣ်တၢ်သိၣ်ဃီၣ်လၢအီၤလၢအဒီပုၢ်ဝဲၢ်အမါနီၢ်ဟ့ၤရိၤဒံအဃိ,ဒီးလၢကယဲၢ်တၢ်အၢလၢစီၤဟ့ၤရိာ်မၤဝဲခဲလၢာ်အဃိ, 20ဒီးမၤအါထီၣ်တၢ်အံၤလၢကယဲၢ်တၢ်အဖီခိၣ်ဒီး,ဒုးဃာ်စီၤယိၤဟၣ်လၢဃိာ်ပူၤလီၤ.

21ဒီးတၢ်မၤအသးလၢပှၤဂီၢ်မုၢ်ခဲလၢာ်ဒိးဘျၢ ▼

▼3:21 လၢဟ့းလ့ၣ်အကျိာ်"ဘးပတံစၢ်."

အသးဒီး,ယ့ၣ်ရှူးဒိးဘျၢ ▼

▼3:21 လၢဟ့းလ့ၣ်အကျိာ်"ဘးပတံစၢ်."

စ့ၢ်ကီးအသး,ဒီးဘါထုကဖၣ်တၢ်အဖၢမုၢ်န့ၣ်ဒီး,မူခိၣ်အိးထီၣ်အသး, 22ဒီးသးစီဆှံအိၣ်ဖျါနီၢ်ခိအက့ၢ်အဂီၤဒ်ထိၣ်လွံၢ်အသိး,ဒီးဟဲစီၢ်လီၤလၢအလိၤလီၤ.ဒီးတၢ်အကလုၢ်သီၣ်လီၤလၢမူခိၣ်ဒီးစံးဝဲဒၣ်,နဲဒၣ်အံၤနမ့ၢ်ယဖိခွါလၢယအဲၣ်,ဒီးဘၣ်ယသးလၢနၤလီၤ.

23ဒီးယ့ၣ်ရှူးအကစၢ်ပှၢ်ဖဲအမၤထီၣ်သီတၢ်န့ၣ်,အနံၣ်ပှဲၤထီၣ်သၢဆံဃၣ်ဃၣ်လီၤ.ဒီးပှၤဆိကမိၣ်ဝဲလၢအမ့ၢ်စီၤယိၤသးအဖိခွါလီၤ.ဒီးစီၤယိၤသးမ့ၢ်စီၤဟ့ၤလံအဖိခွါ, 24စီၤမးသးအဖိခွါ,စီၤလ့ၤဝံအဖိခွါ,စီၤမ့းလဃံအဖိခွါ,စီၤယၣ်နါအဖိခွါ,စီၤယိၤသးအဖိခွါ, 25စီၤမးတၤသံအဖိခွါ,စီၤအမိၣ်အဖိခွါ,စီၤနအူၣ်အဖိခွါ,စီၤအ့းစလံအခွါ,စီၤနၤကဲအဖိခွါ, 26စီၤမအါသးအဖိခွါ,စီၤမးတၤသံအဖိခွါ,စီၤစ့းမ့းအံအဖိခွါ,စီၤယိၤသးအဖိခွါ,စီၤယူဒၤအဖိခွါ, 27စီၤယိၤအၣ်နၣ်အဖိခွါ,စီၤရ့ၤစါအဖိခွါ,စီၤစရူဘၤဘ့းလးအဖိခွါ,စီၤၡၤလတံၤအ့လးအဖိခွါ,စီၤန့ၤရံအဖိခွါ, 28စီၤမ့းလဃံအဖိခွါ,စီၤအးဒံးအဖိခွါ,စီၤကိၣ်စၣ်အဖိခွါ,စီၤအ့းလမိၤဒၣ်အဖိခွါ,စီၤအ့ၢ်အဖိခွါ, 29စီၤယိၤစ့အဖိခွါ,စီၤအလံၤဧ့စ့ၢ်အဖိခွါ,စီၤယိၤရံၣ်အဖိခွါ,စီၤမးသးအဖိခွါ,စီၤလ့ၤဝံအဖိခွါ, 30စီၤစူၤမ့းအိၣ်အဖိခွါ,စီၤယူဒၤအဖိခွါ,စီၤယိၤသးအဖိခွါ,စီၤယိၤနာ်အဖိခွါ,စီၤအ့းလယါကံၣ်အဖိခွါ,စီၤမ့းလ့းအဖိခွါ, 31စီၤမအံနၣ်အဖိခွါ,စီၤမးတၤသါအဖိခွါ,စီၤနၤသၣ်အဖိခွါ,စီၤဒၤဝံးအဖိခွါ, 32စီၤယံးၡဲအဖိခွါ,စီၤဧိၤဘ့းအဖိခွါ,စီၤဘိၤဧးအဖိခွါ,စီၤစၤလမိၣ်အဖိခွါ, 33စီၤနးၡိၣ်အဖိခွါ,စီၤဧးမံၤနဒးအဖိခွါ,စီၤရၣ်အဖိခွါ,စီၤဃ့ၤစရိာ်အဖိခွါ,စီၤပ့းရ့းအဖိခွါ,စီၤယူဒၤအဖိခွါ, 34စီၤယၤကိာ်အဖိခွါ,စီၤအံၤစဲးအဖိခွါ,စီၤအၤဘြၤဟၣ်အဖိခွါ,စီၤတ့ရၤအဖိခွါ,စီၤနၤဃိၢ်အဖိခွါ, 35စီၤစၤရူာ်အဖိခွါ,စီၤရူၤအဖိခွါ,စီၤပ့ၤလ့းအဖိခွါ,စီၤဧၤဘ့ၢ်အဖိခွါ,စီၤစ့ၤလါအဖိခွါ, 36စီၤက့ၤနၣ်အဖိခွါ,စီၤအၢ်ဖးၡးအဖိခွါ,စီၤရှ့ၣ်အဖိခွါ,စီၤနိအၤအဖိခွါ,စီၤလ့ၤမ့းအဖိခွါ, 37စီၤမသူၤရှ့လၤအဖိခွါ,စီၤဃနိာ်အဖိခွါ,စီၤယၤရ့းအဖိခွါ,စီၤဟမၤလ့လးအဖိခွါ,စီၤက့ၤနၣ်အဖိခွါ, 38စီၤအနိၣ်အဖိခွါ,စီၤရှ့သးအဖိခွါ,စီၤအၤဒၣ်အဖိခွါ,ယွၤအဖိခွါလီၤ.