‏ Luke 7

1ဒီးတုၤအမၤဝံၤအတၢ်ကတိၤန့ၣ်ခဲလၢာ်လၢပှၤဂီၢ်မုၢ်နၢ်ဟူတၢ်အဂီၢ်ဒီး,လဲၤနုာ်ဝဲဆူကပ့းရနီၣ်အပူၤလီၤ. 2ဒီးပှၤသုးဖိတကယၤအခိၣ်,အကုၢ်အပှၤလၢအအဲၣ်ဝဲတဂၤန့ၣ်,မၤတကဲဘူးဒီးအကသံတ့ၢ်လီၤ. 3ဒီးနၢ်ဟူဝဲလၢယ့ၣ်ရှူးအဂ့ၢ်,ဒီးမၢပှၤယူဒၤအသးပှၢ်တဖၣ်လဲၤဆူအအိၣ်ဒီးဃ့ကညးအီၤဒ်သိးအကဟဲမၤဘျါက့ၤအကုၢ်အပှၤလီၤ. 4ဒီးပှၤတဖၣ်န့ၣ်ဟဲဆူယ့ၣ်ရှူးအအိၣ်,ဒီးဃ့ကညးသပှၢ်ပှၢ်ဒီးစံးဝဲဒၣ်,ပှၤတဂၤန့ၣ်,ဂ့ၤဝဲလၢနကမၤတၢ်တမံၤအံၤလၢအဂီၢ်လီၤ. 5အဂ့ၢ်ဒ်အံၤ,အဲၣ်ပှၤပကလုာ်အံၤ,ဒီးအကစၢ်ဒၣ်ဝဲသူၣ်န့ၢ်လံပဘူၣ်ဘျီၣ်တဖျၢၣ်လံ.

6ဒီးယ့ၣ်ရှူးလဲၤတၢ်ဒီးအီၤလီၤ.ဒီးတုၤအအိၣ်တယံၤလၢၤဘၣ်ဒီးအဟံၣ်န့ၣ်ဒီး,ပှၤသုးဖိတကယၤအခိၣ်တဂၤန့ၣ်,မၢအတံၤအသကိးတဖၣ်လဲၤဆူအအိၣ်ဒီးစံးဘၣ်အီၤ,ကစၢ်ဧၢ,သုတမၤဘှံးနသးတဂ့ၤ.အဂ့ၢ်ဒ်အံၤ,နဟဲနုာ်ဆူယဟံၣ်ခိၣ်အဖီလာ်န့ၣ်,ယတဂ့ၤတဘၣ်ဘၣ်လီၤ. 7ဒ်န့ၣ်အသိး,ယတဂ့ၤဟဲယဲဆူနအိၣ်ဘၣ်.ဘၣ်ဆၣ်ဒီး,စံးလၢနကလုၢ်တဘီဒီး,ယခ့ယပှၤကဘျါက့ၤလီၤ. 8အဂ့ၢ်ဒ်အံၤ,ယဲဒၣ်အံၤ,ယမ့ၢ်ပှၤကညီတဂၤလၢတၢ်ပာ်အီၤလၢတၢ်စိတၢ်ကမီၤအဖီလာ်,ဒီးအိၣ်ဒီးသုးဖိလၢယဖီလာ်လီၤ.ဒီးအအံၤတဂၤယစံးဘၣ်အီၤ,လဲၤ,ဒီးလဲၤဝဲ,ဒီးအန့ၣ်တဂၤ,ဟဲ,ဒီးဟဲဝဲ,ဒီးယကုၢ်န့ၣ်,မၤတၢ်အံၤ,ဒီးမၤဝဲလီၤ. 9တၢ်တဖၣ်န့ၣ်ယ့ၣ်ရှူးနၢ်ဟူဒီး,ကမၢကမၣ်ဝဲ,ဒီးကဒါဃီၤအသး,ဒီးစံးဘၣ်ပှၤဂီၢ်မုၢ်လၢအပိာ်အခံတဖၣ်န့ၣ်,ယစံးဘၣ်သု,လၢအံၣ်စရ့လးဒၣ်လဲာ်အပူၤန့ၣ်,တၢ်နာ်ထဲအံၤယတထံၣ်န့ၢ်ဘၣ်.

10ဒီးပှၤလၢတၢ်မၢလီၤအီၤတဖၣ်န့ၣ်,က့ၤဆူအဟံၣ်,ဒီးထံၣ်န့ၢ်အကုၢ်အပှၤလၢအဆါတ့ၢ်တဂၤန့ၣ်,အိၣ်ဆူၣ်အိၣ်ချ့လီၤ.

11ဒီးလၢမုၢ်ဆ့ၣ်ထီၣ်တနံၤန့ၣ်,တၢ်မၤအသးလၢအလဲၤဆူဝ့ၢ်တဖျၢၣ်ကိးဝဲအမံၤလၢနၤအံၣ်,ဒီးအပျဲၢ်အဘီၣ်အါဂၤ,ဒီးပှၤဂီၢ်မုၢ်ဖးဒိၣ်,လဲၤဒီးအီၤလီၤ. 12ဒီးတုၤအဘူးထီၣ်ဒီးဝ့ၢ်အကျဲစၢၤဒီး,ကွၢ်ကွၢ်,ပှၤယိးပှၤသံတဂၤ,လၢအမ့ၢ်အမိၢ်အဖိခွါတဂၤဃီ,ဒီးအမိၢ်မ့ၢ်ပှၤမုၣ်ကမဲ,ဒီးပှၤဝ့ၢ်ဖိဂီၢ်မုၢ်ဖးဒိၣ်အိၣ်ဒီးအီၤလီၤ. 13ဒီးကစၢ်ထံၣ်ပိာ်မုၣ်,ဒီးသးကညီၤအီၤ,ဒီးစံးဘၣ်အီၤ,ဟီၣ်တဂ့ၤ. 14ဒီးလဲၤထိးဘၣ်စူၢ်န့ၣ်,ဒီးပှၤယိးတၢ်တဖၣ်အိၣ်ကတီၢ်,ဒီးစံးဝဲဒၣ်,ဖိၣ်သၣ်ခွါဧၢ,ယစံးဘၣ်နၤ,ဂဲၤဆၢထၢၣ်တက့ၢ်. 15ဒီးပှၤသံတဂၤန့ၣ်ဂဲၤထၢၣ်ဆ့ၣ်နီၤဝဲ,ဒီးကတိၤထီၣ်တၢ်လီၤ.ဒီးဟ့ၣ်လီၤအီၤလၢအမိၢ်လီၤ. 16ဒီးပှၤခဲလၢာ်ပျံၤတၢ်,ဒီးစံးထီၣ်ပတြၢၤယွၤဒီးစံးဝဲဒၣ်,ဝံဖးဒိၣ်တဂၤအိၣ်ထီၣ်လံလၢပကျါလံ,ဒီးယွၤဟဲအိၣ်သကိးအပှၤဂီၢ်မုၢ်လံလီၤ. 17ဒီးအဂ့ၢ်အကျိၤန့ၣ်,ဟူထီသါလီၤလၢကီၢ်ယူဒၤဒီကီၢ်ညါ,ဒီးအခိၣ်အဃၢၤသကုၤဆးဒးလီၤ.

18ဒီးစီၤယိၤဟၣ်အပျဲၢ်အဘီၣ်စံးဘၣ်တဲဘၣ်အီၤလၢတၢ်တဖၣ်န့ၣ်ခဲလၢာ်အဂ့ၢ်အကျိၤလီၤ. 19ဒီးစီၤယိၤဟၣ်ကိးန့ၢ်အပျဲၢ်အဘီၣ်ခံဂၤဆူအအိၣ်,ဒီးမၢအလဲၤဆူယ့ၣ်ရှူးအအိၣ်,ဒီးစံးဝဲဒၣ်,နဲဒၣ်အံၤ,နမ့ၢ်ပှၤလၢအဟဲဝဲတဂၤန့ၣ်,မ့ၢ်ပဘၣ်ကွၢ်လၢ်ဒံးပှၤအဂၤတဂၤအကျဲလဲၣ်. 20ဒီးပှၤတဖၣ်န့ၣ်ဟဲတုၤလၢအအိၣ်ဒီးစံးဝဲဒၣ်,ပှၤဘျၢ ▼

▼7:20 လၢဟ့းလ့ၣ်အကျိာ်"ဘးပတံစၢ်."

တၢ်စီၤယိၤဟၣ်တဂၤ,မၢပဟဲဆူနအိၣ်ဒီးစံးဝဲဒၣ်,နဲဒၣ်အံၤ,နမ့ၢ်ပှၤလၢအဟဲတဂၤန့ၣ်,မ့ၢ်ပဘၣ်ကွၢ်လၢ်ဒံးပှၤအဂၤတဂၤအကျဲလဲၣ်. 21ဒီးတစုဃီဖဲန့ၣ်,မၤဘျါက့ၤပှၤဘၣ်တၢ်ဆူးတၢ်ဆါ,ဒီးပှၤဘၣ်တၢ်နးတၢ်ဖှီၣ်,ဒီးပှၤလၢတၢ်နါအိၣ်လၢအလိၤအါဂၤ,ဒီးမၤထံၣ်ထီၣ်က့ၤပှၤမဲာ်ဘျီၣ်အါဂၤလီၤ. 22ဒီးယ့ၣ်ရှူးကတိၤဆၢတၢ်ဒီးစံးဘၣ်အီၤ,တၢ်လၢသုထံၣ်ဒီးသုနၢ်ဟူဘၣ်တဖၣ်န့ၣ်,က့ၤစံးဘၣ်တဲဘၣ်စီၤယိၤဟၣ်တက့ၢ်.ပှၤလၢအမဲာ်ဘျီၣ်တဖၣ်န့ၣ်,ထံၣ်ထီၣ်က့ၤတၢ်,ပှၤလၢအခီၣ်ဟးဂီၤတဖၣ်န့ၣ်,ဟးထီၣ်က့ၤဝဲ,ပှၤဘၣ်တၢ်ဆါအၢတဖၣ်န့ၣ်ကဆှီထီၣ်က့ၤဝဲ,ပှၤလၢအနၢ်တအၢတဖၣ်န့ၣ်,နၢ်ဟူထီၣ်က့ၤတၢ်,ပှၤလၢအသံတဖၣ်န့ၣ်,ဂဲၤဆၢထၢၣ်က့ၤဝဲ,ပှၤလၢအဖှီၣ်အယာ်တဖၣ်န့ၣ်,တၢ်စံၣ်တဲၤတဲလီၤအီၤလၢတၢ်သးခုအကစီၣ်, 23ဒီးဖဲဒၣ်ပှၤလၢအသးတဟးဂီၤဘၣ်လၢယပူၤတဂၤဂၤန့ၣ်,ဘၣ်ဆိၣ်ဂ့ၤဝဲလီၤ.

24ဒီးတုၤစီၤယိၤဟၣ်အကလူးတဖၣ်န့ၣ်ဟးထီၣ်ကွံာ်ဒီး,အဝဲဒၣ်စံးဘၣ်တဲဘၣ်ပှၤဂီၢ်မုၢ်လၢစီၤယိၤဟၣ်အဂ့ၢ်,သုဟးထီၣ်ဆူပှၢ်မုၢ်ကနၢ,ဒ်သိးသုကကွၢ်ကီတၢ်မနုၤတမံၤလဲၣ်.မ့ၢ်တပိၢ်တဘိလၢအဟူးဝးဝဲလၢကလံၤန့ၣ်ဧါ.

25မ့တမ့ၢ်ဘၣ်ဒီး,သုဟးထီၣ်ဒ်သိးသုကကွၢ်ကီတၢ်မနုၤတမံၤလဲၣ်.ပှၤလၢအကူသိးတၢ်ကပုာ်လုးန့ၣ်ဧါ.ကွၢ်ကွၢ်,ပှၤလၢအကူတၢ်အဂ့ၤ,ဒီးအီၣ်တၢ်အီတၢ်လၢအဝံၣ်အဆၢတဖၣ်န့ၣ်,အိၣ်လၢစီၤပၤအဟံၣ်ပူၤလီၤ.

26မ့တမ့ၢ်ဘၣ်ဒီး,မ့ၢ်သုဟးထီၣ်ဒ်သိးသုကကွၢ်ကီတၢ်မနုၤတမံၤလဲၣ်.မ့ၢ်ဝံတဂၤဧါ.မ့ၢ်လံ,ယစံးဘၣ်တဲဘၣ်သု,ဒီးတၢ်လၢအဒိၣ်န့ၢ်ဝံတက့ၢ်ဖးဒိၣ်လီၤ. 27အဝဲဒၣ်မ့ၢ်ပှၤလၢတၢ်ကွဲးအသးလၢအဂ့ၢ်,

ကွၢ်ကွၢ်,ယမၢလီၤကလူးတဂၤလၢနမဲာ်ညါ,
ဒီးကလဲၤကတဲာ်ကတီၤပာ်နကျဲလီၤ. ▼

▼7:27 မၤ.၃း၁

28အဂ့ၢ်ဒ်အံၤ,ယစံးဘၣ်တဲဘၣ်သု,ပှၤလၢပိာ်မုၣ်ဆံးစၢ်န့ၢ်အီၤအကျါ,ဝံလၢအဒိၣ်န့ၢ်ပှၤဘျၢ ▼

▼7:28 လၢဟ့းလ့ၣ်အကျိာ်"ဘးပတံစၢ်."

တၢ်,စီၤယိၤဟၣ်န့ၣ်တအိၣ်ဘၣ်နီတဂၤဘၣ်.ဘၣ်ဆၣ်ဒီးပှၤဆံးကတၢၢ်လၢယွၤအဘီအမုၢ်န့ၣ်ဒိၣ်န့ၢ်အီၤတက့ၢ်လီၤ.

29ဒီးပှၤဂီၢ်မုၢ်ခဲလၢာ်လၢအနၢ်ဟူတၢ်,ဒီးပှၤဃ့သွဲတဖၣ်န့ၣ်,ပာ်တီပာ်လိၤယွၤ,ဒီးဒိးဘျၢ ▼

▼7:29 လၢဟ့းလ့ၣ်အကျိာ်"ဘးပတံစၢ်."

အသးလၢစီၤယိၤဟၣ်အတၢ်ဘျၢ ▼

▼7:29 လၢဟ့းလ့ၣ်အကျိာ်"ဘးပတံစၢ်."

န့ၣ်လီၤ. 30မ့မ့ၢ်ဖၤရံၤၡဲဒီးပှၤသ့လံာ်တၢ်သိၣ်တၢ်သီတဖၣ်န့ၣ်,ညိကွံာ်ယွၤအတၢ်ကူၣ်လၢအဂီၢ်ဒၣ်ဝဲ,ဒီးတဒိးဘျၢ ▼

▼7:30 လၢဟ့းလ့ၣ်အကျိာ်"ဘးပတံစၢ်."

ဘၣ်အသးဘၣ်.

31မၤသးဒ်န့ၣ်ဒီး,ပှၤတစိၤအံၤ,မ့ၢ်ယကဒိလီၤအီၤလၢမနုၤတမံၤလဲၣ်.ဒီးမ့ၢ်အလီၤဂာ်ဒီးမနုၤတမံၤလဲၣ်. 32မ့ၢ်အလီၤဂာ်ဒီးဖိသၣ်တဖၣ်ဆ့ၣ်နီၤလၢဖၠါပူၤ,ဒီးကိးလိာ်အသးသကိးသကိးဒီးစံးဝဲဒၣ်,ပအူပံ,ဒီးသုတဂဲၤကလံၣ်ဘၣ်.ပဟီၣ်တၢ်,ဒီးသုမဲာ်ထံတလီၤဘၣ်. 33အဂ့ၢ်ဒ်အံၤ,ပှၤဘျၢ ▼

▼7:33 လၢဟ့းလ့ၣ်အကျိာ်"ဘးပတံစၢ်."

တၢ်စီၤယိၤဟၣ်တဂၤဟဲဝဲ,ဒီးတအီၣ်ကိၣ်ဒီးတအီဘၣ်စပံးထံဘၣ်,ဒီးသုစံးသုဝဲ,မ့ၢ်တၢ်နါအိၣ်လၢအလိၤလီၤ. 34ပှၤကညီဖိခွါအံၤဟဲဝဲ,ဒီးအီၣ်တၢ်ဒီးအီတၢ်,ဒီးသုစံးသုဝဲ,ကွၢ်ကွၢ်,ပှၤအီၣ်လုၣ်ကိတၢ်,ပှၤအီစပံးထံ,ပှၤဒီတံၤဒီသကိးဒီးပှၤဃ့သွဲဒီးပှၤတၢ်ဒဲးဘးဖိန့ၣ်လီၤ. 35ဘၣ်ဆၣ်ဒီးတၢ်ကူၣ်ဘၣ်ကူၣ်သ့န့ၣ်,ဘၣ်တၢ်ပာ်တီပာ်လိၤအီၤလၢအဖိခဲလၢာ်အစုပူၤလီၤ.

36ဒီးမတၤတဂၤ,ပှၤဖၤရံၤၡဲတဂၤ,ဃ့ကိးယ့ၣ်ရှူးဒ်သိးအကအီၣ်တၢ်ဒီးအီၤလီၤ.ဒီးလဲၤနုာ်ဝဲလၢဖၤရံၤၡဲအဟံၣ်ပူၤ,ဒီးဆ့ၣ်နီၤသန့ၤဝဲလၢမ့ၤလၣ်ထံးန့ၣ်လီၤ. 37ဒီးကွၢ်ကွၢ်,ပှၤတၢ်ဒဲးဘးဖိ,ပိာ်မုၣ်အိၣ်လၢဝ့ၢ်ပူၤတဂၤန့ၣ်,သ့ၣ်ညါဝဲလၢအဆ့ၣ်နီၤသန့ၤလၢပှၤဖၤရံၤၡဲအဟံၣ်ပူၤ,ဒီးဟဲစိာ်ပလီလၢၢ်ဝါတဖျၢၣ်အိၣ်ဒီးတၢ်နၢမူ,ဒီးဆၢထၢၣ်လၢအချၢဘူးဒီးအခီၣ်,ဒီးဟီၣ်ဝဲ, 38ဒီးသ့ကွံာ်အခီၣ်လၢအမဲာ်ထံ,ဒီးတြူာ်ကွံာ်ဝဲလၢအခိၣ်သူ,ဒီးနၢမူအခီၣ်,ဒီးဖှူဝဲလၢတၢ်နၢမူလီၤ.

39ဒီးပှၤဖၤရံၤၡဲလၢအကိးအီၤတဂၤန့ၣ်,ထံၣ်ဘၣ်ဒီးစံးဝဲလၢအသးကံၢ်ပူၤ,အဝဲတဂၤအံၤမ့မ့ၢ်ဝံဒီး,ပိာ်မုၣ်လၢအထိးဘၣ်အီၤတဂၤအံၤ,မ့ၢ်ပှၤဒ်လဲၣ်ဒ်လဲၣ်န့ၣ်,ကသ့ၣ်ညါတ့ၢ်ဝဲလီၤ.အဂ့ၢ်ဒ်အံၤ,မ့ၢ်ပှၤတၢ်ဒဲးဘးဖိလီၤ. 40ဒီးယ့ၣ်ရှူးကတိၤဆၢတၢ်ဒီးစံးဘၣ်အီၤ,စီၤၡံမိၣ်ဧၢ,ယကတိၤတၢ်ဒီးနၤအလီၢ်အိၣ်တဘီလီၤ.ဒီးစံးဝဲဒၣ်,ကတိၤတၢ်တက့ၢ်,သရၣ်ဧၢ, 41စ့ကစၢ်တဂၤအစ့အိၣ်လၢပှၤခံဂၤအလိၤ,အဝဲတဂၤ,ဒန့ၤရံယဲၢ်ကယၤ,ဒီးအဝဲတဂၤ,ယဲၢ်ဆံလီၤ. 42ပှၤတဖၣ်န့ၣ်,စ့လၢအကလိးက့ၤအီၤတအိၣ်ဘၣ်ဒီး,ပျၢ်ကွံာ်ဝဲခံဂၤလၢာ်လီၤ.မ့မ့ၢ်ဒ်န့ၣ်ဒီး,အဝဲခံဂၤန့ၣ်,ကအဲၣ်အီၤဒိၣ်တက့ၢ်ဖဲလဲၣ်တဂၤလဲၣ်.စံးဘၣ်ယၤတက့ၢ်. 43ဒီးစီၤၡံမိၣ်ကတိၤဆၢတၢ်ဒီးစံးဝဲဒၣ်,ယဆိကမိၣ်ပှၤလၢအပျၢ်ကွံာ်အတၢ်လၢအအါတက့ၢ်တဂၤလီၤ.ဒီးစံးဘၣ်အီၤ,နစံၣ်ညီၣ်တၢ်ဘၣ်လံ. 44ဒီးဃၣ်ဃီၤအသးဆူပိာ်မုၣ်အအိၣ်,ဒီးစံးဘၣ်စီၤၡံမိၣ်,ပိာ်မုၣ်တဂၤအံၤနထံၣ်စ့ၢ်ကီးဧါ.ယဟဲနုာ်လၢနဟံၣ်ပူၤဒီးထံလၢယခီၣ်အဂီၢ်န့ၣ်,နတဟ့ၣ်ဘၣ်ယၤဘၣ်.မ့မ့ၢ်ပိာ်မုၣ်အံၤသ့ကွံာ်ယခီၣ်လၢအမဲာ်ထံဒီးတြူာ်ကွံာ်ဝဲလၢအခိၣ်သူလီၤ. 45နဲဒၣ်အံၤနတနၢမူဘၣ်ယၤဘၣ်.မ့မ့ၢ်ပိာ်မုၣ်အံၤ,လၢယဟဲနုာ်တ့ၢ်လံၤလံၤန့ၣ်,နၢမူယခီၣ်ဒီးတဆိတ့ၢ်ဘၣ်ဝဲဘၣ်. 46နဲဒၣ်အံၤ,နတဖှူဘၣ်ယခိၣ်လၢသိဘၣ်.မ့မ့ၢ်ပိာ်မုၣ်အံၤ,ဖှူယခီၣ်လၢသိနၢမူလီၤ. 47မၤသးဒ်န့ၣ်ဒီး,ယစံးဘၣ်နၤအံၤ,အတၢ်ဒဲးဘးလၢအအါန့ၣ်ပျၢ်လံဝဲလံ.အဂ့ၢ်ဒ်အံၤ,မ့ၢ်အအဲၣ်ဝဲဒိၣ်မးလီၤ.မ့မ့ၢ်ပှၤလၢတၢ်ပျၢ်အီၤလၢအစှၤ,ကအဲၣ်တၢ်စှၤစ့ၢ်ကီးလီၤ. 48ဒီးစံးဘၣ်ပိာ်မုၣ်န့ၣ်,နတၢ်ဒဲးဘးပျၢ်လံ. 49ဒီးပှၤလၢအဆ့ၣ်နီၤသန့ၤဃုာ်လၢမ့ၤလၣ်ထံးတဖၣ်န့ၣ်,စံးဝဲလၢအသးကံၢ်ပူၤ,ပှၤလၢအပျၢ်စ့ၢ်ကီးတၢ်ဒဲးဘးတဂၤအံၤ,မ့ၢ်မတၤတဂၤလဲၣ်. 50ဒီးယ့ၣ်ရှူးစံးဘၣ်ပိာ်မုၣ်,နတၢ်နာ်န့ၣ်အုၣ်က့ၤခီၣ်က့ၤလံနၤလံ.က့ၤမုာ်မုာ်တက့ၢ်.