‏ Nehemiah 10

1ဒီးပှၤလၢအစဲဃာ်ပနီၣ်တၢ်မ့ၢ်ဝဲ,တၢ်အခိၣ်စီၤဃကါလယၤအဖိခွါစီၤနဃ့မယၤ,ဒီးစီၤစံးဒကံယၤ, 2စီၤစရါယၤ,စီၤဧစၤရယၤ,စီၤယံးရမံယၤ, 3စီၤပၤၡဃူၢ်,စီၤအမၤရယၤ,စီၤမၤလကံယၤ, 4စီၤဃးတူၣ်,စီၤၡဘၤနယၤ,စီၤမးလူး, 5စီၤဃၤရံၣ်,စီၤမရ့မိး,စီၤဧိၤဘါဒယၤ, 6စီၤဒၤနံးယ့လး,စီၤကံးနသိၣ်,စီၤဘၤရူး, 7စီၤမရှူလၣ်,စီၤအဘံယၣ်,စီၤမံယမံၣ်, 8စီၤမၤဧါစယၤ,စီၤဘံးလကဲၤ,စီၤၡမါယၤလီၤ.အဝဲသ့ၣ်တဖၣ်န့ၣ်မ့ၢ်ပှၤလုၢ်တၢ်အဒိၣ်လီၤ.

9ဒီးပှၤလ့ၤဝံဖိန့ၣ်စီၤအစၤနယၤအဖိခွါစီၤယ့ၤရှူ,စီၤဘံနူၤ,လၢစီၤဃ့နါဒးအဖိခွါအကျါ,စီၤကးမံၤအ့လး, 10ဒီးအဒီပုၢ်ဝဲၢ်စီၤၡဘၤနယၤ,စီၤဟိၤဒံယၤ,စီၤက့လံၤတၤ,စီၤပလါယၤ,စီၤဃၤနၣ်, 11စီၤမံကၤ,စီၤရဃိာ်,စီၤဃၡၤဘယၤ, 12စီၤစးကူၢ်,စီၤရှ့ရ့ဘယၤ,စီၤၡဘၤနယၤ, 13စီၤဟိၤဒံယၤ,စီၤဘၤနံ,စီၤဘနံနူၤလီၤ.

14ပှၤဂီၢ်မုၢ်အခိၣ်န့ၣ်စီၤပၤရိာ်,စီၤပၤဃးမိၤအး,စီၤဧ့ၤလၣ်,စီၤစးတူၤ,စီၤဘၤနံ, 15စီၤဘူနံၤ,စီၤဧၤစကး,စီၤဘ့ဘဲၤ 16စီၤအဒိနံယၤ,စီၤဘံးကဝဲၤ,စီၤဧၤဒံၣ်, 17စီၤအ့ၤတၢ်,စီၤဃံးစကံယၤ,စီၤဧၤစူၢ်, 18စီၤဟိၤဒံယၤ,စီၤဃၤရှူၣ်,စီၤဘ့စဲၤ, 19စီၤဃၤရံာ်,စီၤဧၤနသိး,စီၤန့ဘဲၤ, 20စီၤမၤကပံဧၣ်,စီၤမရှူလၣ်,စီၤဃ့စံၢ်, 21စီၤမရှ့စဘ့လး,စီၤစၤဒိး,စီၤယးဒူ, 22စီၤပလၤတယၤ,စီၤဃၤနၣ်,စီၤဧနၤယၤ, 23စီၤဟိၤရှ့,စီၤဃနၤနယၤ,စီၤဃၤရှူာ်, 24စီၤဟးလိဃ့ၣ်,စီၤဖံးလဃၤ,စီၤၡိဘ့း, 25စီၤရဃူၣ်,စီၤဃၡၤဘနၤ,စီၤမၤစ့ယၤ, 26စီၤအဃံယၤ,စီၤဃၣ်နၣ်,စီၤဧၤနၣ်, 27စီၤမးလူး,စီၤဃၤရံၣ်,စီၤဘၤနါလီၤ. 28ဒီးပှၤဂီၢ်မုၢ်လၢအအိၣ်လီၤတဲာ်,ပှၤလုၢ်တၢ်အဒိၣ်,ပှၤလ့ၤဝံဖိ,ပှၤပၢၤပဲတရီဖိ,ပှၤသးဝံၣ်တၢ်ဖိ,ပှၤနသံနးဖိ,ဒီးကယဲၢ်ပှၤလၢအမၤလီၤမုၢ်လီၤဖးအသးဒီးကီၢ်တဖၣ်အပှၤဂီၢ်မုၢ်လၢယွၤအတၢ်သိၣ်တၢ်သီအဂီၢ်အမါ,အဖိခွါ,အဖိမုၣ်,ကယဲၢ်ပှၤအိၣ်ဒီးတၢ်သ့ၣ်ညါ,ဒီးအသူၣ်ဆးအသးဆးခဲလၢာ်န့ၣ်, 29စဲဘူးဒီးဒီပုၢ်ဝဲၢ်,အပဒိၣ်တဖၣ်,ဒီးဆိၣ်လီၤအသး,ဒီးဆိၣ်တၢ်လၢအကလဲၤတၢ်လၢယွၤအတၢ်သိၣ်တၢ်သီအပူၤလၢတၢ်ဟ့ၣ်ဝဲလၢယွၤအခ့အပှၤစီၤမိၤရှ့အစုပူၤ,ဒီးလၢအကတိၢ်န့ၢ်,ဒီးမၤယွၤပကစၢ်အတၢ်မၤလိာ်ခဲလၢာ်,ဒီးအတၢ်စံၣ်ညီၣ်,ဒီးအတၢ်သိၣ်တၢ်သီ, 30ဒီးလၢပတဟ့ၣ်ဘၣ်ပဖိမုၣ်လၢပှၤကီၢ်ဖိ,ဒီးပတဟံးန့ၢ်ဘၣ်အဖိမုၣ်လၢပဖိခွါအဂီၢ်ဘၣ်. 31ဒီးပှၤကီၢ်ဖိမ့ၢ်ဟဲစိာ်တၢ်တမံၤမံၤ,ဒီးတၢ်အီၣ်တမံၤမံၤ,ဒ်သိးအကဆါဝဲလၢမုၢ်အိၣ်ဘှံးအနံၤဒီး,လၢပတပှ့ၤဘၣ်အီၤလၢမုၢ်အိၣ်ဘှံးနံၤဂ့ၤ,လၢမုၢ်စီဆှံအနံၤဂ့ၤန့ၣ်ဘၣ်.ဒီးလၢပကပာ်လီၤတဲာ်နွံနံၣ်တနံၣ်,ဒီးပျၢ်တၢ်ကမၢ်ခဲလၢာ်လီၤ.

32ဒီးပမၤဂၢၢ်မၤကျၢၤတၢ်မၤလိာ်ပှၤလၢပကဟ့ၣ်စ့တၡက့လးသၢပူတပူတနံၣ်အဂီၢ်တနံၣ်အဂီၢ်လၢပတၢ်မၤပကစၢ်အဟံၣ်အတၢ်အဂီၢ်, 33လၢကိၣ်တၢ်အဂ့ၢ်အဂီၢ်,လၢတၢ်မၤဘူၣ်ကိၣ်တထံၣ်ဃီအဂီၢ်,လၢတၢ်လုၢ်မ့ၣ်အူတထံၣ်ဃီလၢအိၣ်ဘှံးနံၤအဂီၢ်,လၢလါထီၣ်သီအနံၤအဂီၢ်,လၢတၢ်သ့ၣ်ပာ်အဘူၣ်တဖၣ်အဂီၢ်,ဒီးလၢတၢ်စီဆှံတဖၣ်အဂီၢ်,ဒီးလၢတၢ်လုၢ်တၢ်ဒဲးဘးအဂီၢ်,ဒ်သိးအကမၤတၢ်ပူၤဖျဲးလၢအံၣ်စရ့လးအဂီၢ်,ဒီးလၢပကစၢ်အဟံၣ်အတၢ်မၤခဲလၢာ်အဂီၢ်လီၤ.

34ဒီးပဖးတၢ်လၢပှၤလုၢ်တၢ်အဒိၣ်,လၢပှၤလ့ၤဝံဖိ,ဒီးလၢပှၤဂီၢ်မုၢ်အကျါလၢတၢ်မၤဘူၣ်သ့ၣ်မုၣ်အဂီၢ်ဒ်သိးအကဟဲစိာ်ဝဲဆူယွၤအဟံၣ်ပူၤ,ဒ်ပပၢ်အဟံၣ်အသိးန့ၣ်,လၢတၢ်သ့ၣ်အဆၢဖးအကတီၢ်,တနံၣ်ဘၣ်တနံၣ်,ဒ်သိးအကဆူးထီၣ်ဝဲလၢယွၤပကစၢ်အတၢ်လုၢ်လီၢ်အဖီခိၣ်,ဒ်တၢ်ကွဲးအသးလၢတၢ်သိၣ်တၢ်သီအပူၤ, 35ဒီးဒ်သိးပကဟဲစိာ်ပဟီၣ်ခိၣ်အတၤသၣ်ဆိ,ဒီးကယဲၢ်သ့ၣ်အတၤသၣ်ခဲလၢာ်အတၤသၣ်ဆိတနံၣ်ဘၣ်တနံၣ်ဆူယွၤအဟံၣ်ပူၤ, 36ဒီးပဖိခွါအဝဲၢ်ကိ,ဒီးပဆၣ်ဖိကီၢ်ဖိအဒၢအဖိဝဲၢ်ကိ(ဒ်တၢ်ကွဲးအသးလၢတၢ်သိၣ်တၢ်သီအပူၤအသိး),ဒီးပဂီၤဖံးအဖိဝဲၢ်ကိ,ဒီးပသိပမဲာ်တဲးလဲးအဖိဝဲၢ်ကိ,ဒ်သိးပကဟဲစိာ်ဆူယွၤအဟံၣ်ပူၤ,ဆူပှၤလုၢ်တၢ်အဒိၣ်အအိၣ်လၢအမၤတၢ်လၢပကစၢ်အဟံၣ်ပူၤ, 37ဒီးဒ်သိးပကဟဲစိာ်ပကိၣ်သံကစဲာ်အဆိ,ဒီးပတၢ်မၤဘူၣ်,ဒီးသ့ၣ်အကလုာ်ကလုာ်အတၤသၣ်,စပံးထံအသီ,ဒီးသိဆူပှၤလုၢ်တၢ်အဒိၣ်,ဆူယွၤအဟံၣ်ဒၢးတဖၣ်အပူၤ,ဒီးပဟီၣ်ခိၣ်အတၢ်ဆံဆဲၣ်ပူတပူဆူပှၤလ့ၤဝံဖိအအိၣ်လီၤ.အဂ့ၢ်ဒ်အံၤ,ပှၤလ့ၤဝံဖိန့ၣ်ဟံးန့ၢ်တၢ်ဆံဆဲၣ်ပူတပူလၢကယဲၢ်ဝ့ၢ်ခဲလၢာ်အပူၤဖဲပမၤဟီၣ်ခိၣ်န့ၣ်လီၤ.

38ဒီးတုၤပှၤလ့ၤဝံဖိဟံးန့ၢ်တၢ်ဆံဆဲၣ်ပူတပူဒီး,စီၤအၤဟရိၣ်အဖိခွါပှၤလုၢ်တၢ်အဒိၣ်ဘၣ်အိၣ်ဒီးပှၤလ့ၤဝံဖိ,ဒီးပှၤလ့ၤဝံဖိဘၣ်ဟဲစိာ်တၢ်ဆံဆဲၣ်ပူတပူအတၢ်ဆံဆဲၣ်ပူတပူဆူပကစၢ်အဟံၣ်,ဆူဒၢးတဖၣ်အပူၤ,ဆူတၢ်ပာ်ဖှိၣ်အဟံၣ်ပူၤလီၤ.

39အဂ့ၢ်ဒ်အံၤ,ပှၤအံၣ်စရ့လးဖိ,ဒီးပှၤလ့ၤဝံဖိဘၣ်ဟဲစိာ်ဘုဧိၤဟုဧိၤ,ဒီးစပံးထံအသီ,ဒီးသိအတၢ်မၤဘူၣ်ဆူဒၢးတဖၣ်အပူၤဖဲတၢ်အလီၢ်စီဆှံအဃၢၤအဃိၢ်အိၣ်ဝဲ,ဒီးဖဲပှၤလုၢ်တၢ်အဒိၣ်လၢအမၤတၢ်အခ့အပှၤအတၢ်,ဒီးပှၤပၢၤပဲတရီဖိ,ဒီးပှၤသးဝံၣ်တၢ်ဖိအိၣ်ဝဲလီၤ.ဒီးပတလဲၤသဒၣ်ဘၣ်ပကစၢ်အဟံၣ်ဘၣ်.