‏ Nehemiah 11

1ဒီးပှၤဂီၢ်မုၢ်အပဒိၣ်ဖးဒိၣ်တဖၣ်န့ၣ်အိၣ်ဝဲဆိးဝဲလၢယရူၤၡလ့ၣ်အပူၤလီၤ.ဒီးပှၤဂီၢ်မုၢ်လၢအအိၣ်လီၤတဲာ်တဖၣ်န့ၣ်ဖးဝဲ,ဒ်သိးပှၤတဂၤလၢပှၤဆံဆဲၣ်ဂၤအကျါကဟဲအိၣ်ဝဲဆိးဝဲလၢဝ့ၢ်စီဆှံယရူၤၡလ့ၣ်အပူၤ,ဒီးပှၤခွံဂၤလၢပှၤဆံဆဲၣ်ဂၤအကျါလၢဝ့ၢ်တဖၣ်အပူၤလီၤ. 2ဒီးပှၤဂီၢ်မုၢ်ဆိၣ်ဂ့ၤကယဲၢ်ပှၤကညီလၢအသးအိၣ်တီနံဒၣ်တၢ်လၢအကအိၣ်ဝဲဆိးဝဲလၢယရူၤၡလ့ၣ်အပူၤလီၤ.

3ဒီးအအံၤမ့ၢ်ကီၢ်အခိၣ်တဖၣ်လၢအအိၣ်ဝဲဆိးဝဲလၢယရူၤၡလ့ၣ်အပူၤလီၤ.မ့မ့ၢ်လၢယူဒၤအဝ့ၢ်တဖၣ်အပူၤန့ၣ်ပှၤအိၣ်ဝဲဆိးဝဲလၢအတၢ်ဟံးဃာ်ဒၣ်ဝဲအပူၤလၢအဝ့ၢ်တဖၣ်အပူၤစုာ်စုာ်,အံၣ်စရ့လး,ပှၤလုၢ်တၢ်အဒိၣ်,ဒီးပှၤလ့ၤဝံဖိ,ဒီးပှၤနသံနးဖိ,ဒီးစီၤၡလိၤမိၤအခ့အပှၤအဖိအလံၤလီၤ.

4ဒီးပှၤလၢပှၤယူဒၤဖိအကျါ,ဒီးပှၤလၢပှၤဘံၣ်ယၤမံၣ်ဖိအကျါတဖၣ်အိၣ်ဝဲဆိးဝဲလၢယရူၤၡလ့ၣ်အပူၤလီၤ.လၢယူဒၤဖိအကျါန့ၣ်,စီၤဧသါယၤ,စီၤဧူးစံယါအဖိခွါစီၤစကၤရယၤအဖိခွါ,စီၤအမၤရယၤအဖိခွါ,စီၤၡဖးတယၤအဖိခွါ,စီၤမၤဟလၤက့လးအဖိခွါ,လၢစီၤဖ့ၤရ့းအဖိခွါအကျါလီၤ.

5စီၤဘၤရူးအဖိခွါစီၤမၤစ့ယၤ,စီၤကိးလဃိစ့ၤအဖိခွါစီၤဃစါယၤအဖိခွါ,စီၤဧဒါယၤအဖိခွါ,စီၤယိၤရံာ်အဖိခွါ,စီၤစကၤရယၤအဖိခွါ,စီၤၡံလိနံၤအဖိခွါလီၤ.

6စီၤဖ့ၤရ့းအဖိခွါခဲလၢာ်လၢအအိၣ်ဝဲဆိးဝဲလၢယရူၤၡလ့ၣ်အပူၤန့ၣ်မ့ၢ်ပှၤအဆူၣ်လွံၢ်ကယၤဃုဆံဃိးဂၤလီၤ.

7ဒီးအအံၤမ့ၢ်ဘံၣ်ယၤမံၣ်အဖိစီၤမရှူလၣ်အဖိခွါစီၤစၤလူၤ,စီၤယိၤဧ့းအဖိခွါ,စီၤပဒါယၤအဖိခွါ,စီၤကိလယၤအဖိခွါ,စီၤမၤစ့ယၤအဖိခွါ,စီၤအံသံၤအ့လးအဖိခွါ,စီၤယၡၤယါအဖိခွါလီၤ. 8ဒီးလၢအလီၢ်ခံန့ၣ်စီၤကးဘဲ,စီၤစၤလဲၤ,ပှၤခွံကယၤခံဆံဃိးဂၤလီၤ.

9ဒီးစီၤစံးကရံးအဖိခွါစီၤယိၤအ့လးမ့ၢ်ပှၤကွၢ်အီၤ,ဒီးစီၤစနူအၤအဖိခွါစီၤယူဒၤမ့ၢ်ပှၤအိၣ်ဝဲလၢဝ့ၢ်အဖီခိၣ်ခံဂၤတဂၤလီၤ.

10ဒီးလၢပှၤလုၢ်တၢ်အဒိၣ်အကျါန့ၣ်စီၤယိၤရံာ်အဖိခွါစီၤယဒါယၤ,စီၤယၤကံၣ်လီၤ. 11စီၤဃံးလကံယၤအဖိခွါစီၤစရါယၤ,စီၤမရှူလၣ်အဖိခွါ,စီၤစၤဒိးအဖိခွါ,စီၤမရၤယိးအဖိခွါ,စီၤအဃံးတူာ်အဖိခွါမ့ၢ်ပှၤကွၢ်ယွၤအဟံၣ်လီၤ.

12ဒီးအဒီပုၢ်ဝဲၢ်လၢအမၤဟံၣ်အတၢ်မၤတဖၣ်န့ၣ်မ့ၢ်ပှၤဃိးကယၤခံဆံခံဂၤ,ဒီးစီၤယရိဃၣ်အဖိခွါစီၤဧၤဒါယၤ,စီၤပလၤလယၤအဖိခွါ,စီၤအးမစံအဖိခွါ,စီၤစကၤရယၤအဖိခွါ,စီၤပၤၡဃူၢ်အဖိခွါ,စီၤမၤလကံယၤအဖိခွါ, 13ဒီးအဒီပုၢ်ဝဲၢ်,ပၢ်အခိၣ်တဖၣ်,ပှၤခံကယၤလွံၢ်ဆံခံဂၤ,ဒီးစီၤဧစၤရ့လးအဖိခွါ,စီၤဧမၤၡဲ,စီၤအၤဃစဲၤအဖိခွါ,စီၤမၡံးလ့မိးအဖိခွါ,စီၤအံးမ့ၢ်အဖိခွါ, 14ဒီးအဒီပုၢ်ဝဲၢ်,ပှၤအဒိၣ်အဆူၣ်ပှၤတကယၤခံဆံဃိးဂၤ,ဒီးပှၤကွၢ်အီၤမ့ၢ်စီၤဟးကဒိလံၣ်အဖိခွါ,စီၤစးဘဒ့ၤအ့လးလီၤ.

15ဒီးလၢပှၤလ့ၤဝံဖိအကျါန့ၣ်စီၤဃၤရှူာ်အဖိခွါ,စီၤၡၤမါယၤ,စီၤဧးစရံကၣ်အဖိခွါ,စီၤဃၡၤဘယၤအဖိခွါ,စီၤဘူနံၤလီၤ.

16ဒီးလၢပှၤလ့ၤဝံဖိအခိၣ်တဖၣ်အကျါန့ၣ်စီၤၡၤဘသဲၤ,ဒီးစီၤယိစဘးန့ၣ်ကွၢ်ယွၤအဟံၣ်အတၢ်မၤလၢအအိၣ်လၢခိလီၤ.

17တုၤပှၤသးဝံၣ်တၢ်လၢတၢ်စံးထီၣ်ပတြၢၤဒီး,စီၤမးတၤနယၤ,စီၤမံၤကါအဖိခွါ,စီၤစးဘဒံၤအဖိခွါ,စီၤအၤစာ်အဖိခွါန့ၣ်မ့ၢ်ပှၤအခိၣ်လၢအမၤဆိဝဲလီၤ.စီၤဘးကဘူကယၤမ့ၢ်ပှၤခံဂၤတဂၤလၢအဒီပုၢ်ဝဲၢ်အကျါ,ဒီးစီၤၡံမူၤအဖိခွါစီၤဧၤဘဒါ,စီၤကၤလလးအဖိခွါ,စီၤယဒူသူၣ်အဖိခွါလီၤ. 18ဒီးပှၤလ့ၤဝံဖိအိၣ်ဝဲလၢဝ့ၢ်စီဆှံအပူၤခဲလၢာ်န့ၣ်မ့ၢ်ပှၤခံကယၤဃိးဆံလွံၢ်ဂၤလီၤ.

19ဒီးပှၤပၢၤပဲတရီဖိ,စီၤဧးကူာ်,စီၤတၤလမိၣ်,ဒီးအဒီပုၢ်ဝဲၢ်လၢၢ်အပၢၤပဲတရီတဖၣ်န့ၣ်မ့ၢ်ပှၤတကယၤနွံဆံခံဂၤလီၤ.

20ဒီးပှၤအိၣ်လီၤတဲာ်လၢအံၣ်စရ့လးအကျါ,လၢပှၤလုၢ်တၢ်အဒိၣ်အကျါ,ပှၤလ့ၤဝံဖိအကျါန့ၣ်အိၣ်ဝဲလၢယူဒၤအဝ့ၢ်တဖၣ်အပူၤ,လၢအတၢ်န့ၢ်သါအပူၤစုာ်စုာ်လီၤ.

21ဒီးပှၤနသံနးဖိအိၣ်ဝဲဆိးဝဲလၢဧိၤဖ့လး,စီၤစံဃၤ,ဒီးစီၤကံးၡပၤန့ၣ်အိၣ်ဝဲလၢပှၤနသံနးဖိအဖီခိၣ်လီၤ.

22ပှၤကွၢ်ပှၤလ့ၤဝံဖိလၢယရူၤၡလ့ၣ်အပူၤန့ၣ်မ့ၢ်စီၤဧူၤစံ,စီၤဘၤနံအဖိခွါ,စီၤဃၡၤဘယၤအဖိခွါ,စီၤမးတၤနယၤအဖိခွါ,စီၤမံၤကါအဖိခွါလီၤ.ယွၤအဟံၣ်အတၢ်မၤအခိၣ်န့ၣ်မ့ၢ်ပှၤလၢစီၤအၤစာ်အဖိခွါ,လၢပှၤသးဝံၣ်တၢ်ဖိအကျါလီၤ.

23အဂ့ၢ်ဒ်အံၤ,စီၤပၤမၤလိာ်လၢအဂ့ၢ်အကျိၤ,ဒီးတၢ်အိၣ်ကျၢၤဝဲလၢပှၤသးဝံၣ်တၢ်ဖိအဂီၢ်ကအိၣ်တနံၤအဂီၢ်တနံၤအဂီၢ်လီၤ.

24ဒီးစီၤမရှ့ၤစဘ့လးအဖိခွါစီၤပသၤဃိယၤလၢစီၤယူဒၤအဖိခွါစီၤစ့ရၤအဖိအကျါတဂၤအိၣ်ဝဲလၢစီၤပၤအစုအဃၢၤလၢကယဲၢ်တၢ်ဘၣ်ဃးဒီးပှၤဂီၢ်မုၢ်အဂီၢ်လီၤ.

25ဒီးလၢတဝီတဖၣ်လၢအဟီၣ်ခိၣ်အကဝီၤအပူၤန့ၣ်ပှၤလၢပှၤယူဒၤဖိအကျါတဖၣ်အိၣ်ဝဲဆိးဝဲလၢကံးရယးအၢ်ဘၤ,ဒီးလၢအတဝီတဖၣ်အပူၤ,ဒီးလၢဒံၤဘိၣ်,ဒီးလၢအတဝီတဖၣ်အပူၤ,ဒီးလၢယကၤဘစ့လး,ဒီးလၢအတဝီတဖၣ်အပူၤ, 26ဒီးလၢယ့ၤရှူအပူၤ,ဒီးလၢမိလဒၤပူၤ,ဒီးလၢဘ့ၤသပၤလ့းအပူၤ, 27ဒီးလၢဃစၢ်ရှူဧလးအပူၤ,ဒီးလၢဘ့ၢ်ၡဘၤ,ဒီးလၢအတဝီတဖၣ်အပူၤ, 28ဒီးလၢစံကလးအပူၤ,ဒီးလၢမကိနၤ,ဒီးလၢအတဝီတဖၣ်အပူၤ, 29ဒီးလၢဧ့ၣ်ရံမိၣ်အပူၤ,ဒီးလၢစၤရဧၤအပူၤ,ဒီးလၢယၢ်မူသးအပူၤ, 30လၢစါနိၤ,ဧဒူးလၣ်,ဒီးအတဝီတဖၣ်အပူၤ,လၢလၤကံၣ်,ဒီးအဟီၣ်ခိၣ်အကဝီၤတဖၣ်အပူၤ,ဧစ့ကၤ,ဒီးအတဝီတဖၣ်အပူၤလီၤ.ဒီးအိၣ်ဝဲဆိးဝဲလၢဘ့ၢ်ၡဘၤပၢၢ်လၢကစၢၢ်ကဆူးဟံၣ်နိၣ်လီၤ.

31ပှၤဘံၣ်ယၤမံၣ်ဖိလၢက့ဘၤန့ၣ်အိၣ်ဝဲလၢမံးကမၣ်,ဒီးလၢဂဲ,ဒီးဘ့ၤသ့လး,ဒီးလၢအတဝီတဖၣ်အပူၤ, 32လၢဧၤနသိး,လၢနိၤဘး,လၢဧနၤနယၤ 33လၢဃါစိၢ်,လၢရၤမါ,လၢကံးတယၣ်, 34လၢဃၤဒံး,လၢစဘိဧံၣ်,လၢနဘးလး, 35လၢလိး,ဒီးလၢအိနိၤ,ပှၤစိးပျၤတၢ်ဖိအကစၢၢ်ကဆူးလီၤ. 36ဒီးလၢပှၤလ့ၤဝံဖိအဂ့ၢ်န့ၣ်တၢ်နီၤဖးဝဲလၢယူဒၤ,ဒီးလၢဘံၣ်ယၤမံၣ်အပူၤန့ၣ်လီၤ.