Nehemiah 3
1ဒီးပှၤလုၢ်တၢ်အခိၣ်စီၤအ့လယၤၡံာ်ဂဲၤဆၢထၢၣ်အိၣ်ဒီးအဒီပုၢ်ဝဲၢ်ပှၤလုၢ်တၢ်အဒိၣ်,ဒီးမၤထီၣ်ပဲတရီသိ,ဒီးမၤစီဆှံဝဲ,ဒီးသူၣ်ထီၣ်အတြဲၤ,ဒီးမၤစီဆှံဝဲပၢၢ်လၢတၢးထီမ့ၤအၤ,ပၢၢ်လၢတၢးထီဃနၤန့လးလီၤ. 2ဒီးလၢအစုန့ၣ်ယရံၤဃိအပှၤကညီမၤထီၣ်တၢ်လီၤ.ဒီးလၢအစုန့ၣ်စီၤအံၤမရံအဖိခွါစီၤစးကူၢ်မၤထီၣ်တၢ်လီၤ. 3ဒီးပဲတရီညၣ်န့ၣ်စီၤဟးစနုၤအၤအဖိခွါတဖၣ်မၤထီၣ်ဝဲလီၤ.အဝဲသ့ၣ်ပာ်လီၤအကျိၤ,ဒီးမၤထီၣ်အတြဲၤ,ဒီးအနီၣ်ဝံာ်စဲ,ဒီးအနီၣ်ဘိလီၤ. 4ဒီးလၢအစုန့ၣ်စီၤကိစးအဖိခွါ,စီၤအူၤရံယၤအဖိခွါ,စီၤမရ့မိးတဂၤမၤထီၣ်က့ၤဝဲလီၤ.ဒီးလၢအစုန့ၣ်စီၤမရှ့စဘ့လးအဖိခွါစီၤဘရ့ကံယၤအဖိခွါစီၤမရှူလၣ်တဂၤမၤက့ၤဝဲလီၤ.ဒီးလၢအစုန့ၣ်စီၤဘနါအဖိခွါစီၤစၤဒိးမၤက့ၤဝဲလီၤ. 5ဒီးလၢအစုန့ၣ်ပှၤတကိၤဖိမၤက့ၤဝဲလီၤ.မ့မ့ၢ်ပှၤအိၣ်ဒီးအကဟုကညီၢ်တဖၣ်န့ၣ်တပာ်ဘၣ်အကိာ်လၢအကစၢ်အတၢ်မၤဘၣ်. 6ဒီးပဲတရီလီၢ်လံၤတဘ့ၣ်န့ၣ်စီၤပၤစ့ၤအဖိခွါစီၤယဟိယဒါ,ဒီးစီၤဘစိဒယၤအဖိခွါစီၤမရှူလၣ်မၤက့ၤဝဲ,ဒီးပာ်လီၤအကျိၤ,ဒီးမၤထီၣ်အတြဲၤ,ဒီးအနီၣ်ဝံာ်စဲ,ဒီးအနီၣ်ဘိလီၤ. 7ဒီးလၢအစုန့ၣ်ပှၤကံးဘိၣ်ဖိ,စီၤမလၤတယၤ,ဒီးပှၤမ့ၤရိနိၤသးဖိစီၤယၤဒိၣ်,ကံးဘိၣ်ဒီးမံးစပၤအပှၤကညီန့ၣ်မၤက့ၤဝဲပၢၢ်လၢပဒိၣ်ဖးဒိၣ်လၢထံမိၢ်ပှၢ်လၢအအံၤတခီတဂၤအလီၢ်ပစိာ်န့ၣ်လီၤ. 8လၢအစုန့ၣ်စီၤဃၤရဟယၤအဖိခွါစီၤဧူးစံၤအ့လးလၢပှၤပိာ်ထူဖိအကျါတဂၤမၤက့ၤဝဲလီၤ.ဒီးလၢအစုန့ၣ်ပှၤမၤဃါဃုာ်ကသံၣ်တဂၤအဖိခွါစီၤဃနၤနယၤမၤက့ၤဝဲလီၤ.မၤဒၣ်ပၢၢ်လၢယရူၤၡလ့ၣ်အခိၣ်ဒူဖးလဲၢ်န့ၣ်လီၤ. 9ဒီးလၢအစုန့ၣ်ဖးဖီယရူၤၡလ့ၣ်အပဒိၣ်ဖးဒိၣ်စီၤဃူၢ်အဖိခွါစီၤရဖါယၤမၤက့ၤဝဲလီၤ. 10ဒီးလၢအစုန့ၣ်စီၤဃရူမာ်အဖိခွါစီၤယဒံၤယၤမၤက့ၤဝဲသဃီၤဒီးအဟံၣ်လီၤ.ဒီးလၢအစုန့ၣ်စီၤဃၡၤဘံယၤအဖိခွါစီၤဃးတူၣ်မၤက့ၤဝဲလီၤ. 11ဒီးစီၤဃၤရံၣ်အဖိခွါစီၤမၤလကံယၤ,ဒီးစီၤပၤဃးမိၤအးအဖိခွါစီၤဃၤရူာ်မၤက့ၤတကူာ်ဒၣ်,ဒီးဖၣ်ကပူၤအတၢးထီလီၤ. 12ဒီးလၢအစုန့ၣ်ဖးဖီယရူၤၡလ့ၣ်အပဒိၣ်ဖးဒိၣ်စီၤဟးလိဃ့ၣ်အဖိခွါစီၤၡၤလူၣ်,ဒီးအဖိမုၣ်တဖၣ်မၤက့ၤဝဲလီၤ. 13ဒီးပဲတရီကစၢၢ်ကဆူးန့ၣ်စီၤဃၤနူၣ်,ဒီးပှၤအိၣ်ဝဲဆိးဝဲလၢစါနိၤတဖၣ်မၤက့ၤဝဲ,ဒီးမၤထီၣ်အတြဲၤ,အနီၣ်ဝံာ်စဲ,ဒီးအနီၣ်ဘိ,ဒီးတၢ်ခိၣ်ဒူအပျၢ်တကထိပၢၢ်လၢပဲတရီတၢ်အ့ၣ်လီၤ. 14ဒီးဘ့ၤသဟးကၤရ့ၣ်တခီအပဒိၣ်ဖးဒိၣ်,စီၤရ့ကးအဖိခွါစီၤမၤလကံယၤမၤက့ၤပဲတရီတၢ်အ့ၣ်လီၤ.အဝဲဒၣ်သူၣ်ဝဲ,ဒီးမၤထီၣ်အတြဲၤအနီၣ်ဝံာ်စဲ,ဒီးအနီၣ်ဘိလီၤ. 15ဒီးပှၤမံးစပၤအပဒိၣ်ဖးဒိၣ်စီၤကိးလဃိစ့ၤအဖိခွါစီၤၡၤလူၣ်မၤက့ၤပဲတရီထံထီၣ်ပၢၢ်လီၤ.အဝဲဒၣ်သူၣ်ဝဲ,ဒီးမၤဝဲအခိၣ်,ဒီးမၤထီၣ်အတြဲၤ,အနီၣ်ဝံာ်စဲ,ဒီးအနီၣ်ဘိ,ဒီးနိၣ်ၡံလိၤအဒူၣ်လၢစီၤပၤအတၤသၣ်အလီၢ်အဃၢၤ,ဒီးပၢၢ်လၢဃီလၢအလဲၤလီၤလၢစီၤဒၤဝံးအဝ့ၢ်ပူၤန့ၣ်လီၤ. 16လၢအလီၢ်ခံန့ၣ်ဖးဖီဘ့ၤသစူၢ်အပဒိၣ်ဖးဒိၣ်စီၤဧၤစဘူးအဖိခွါစီၤနဃ့မယၤမၤက့ၤဝဲပၢၢ်လၢတၢ်အလီၢ်အိၣ်သဃီၤဒီးစီၤဒၤဝံးအသွၣ်ခိၣ်တဖၣ်,ဒီးပၢၢ်လၢကမါလၢပှၤမၤဝဲ,ဒီးပၢၢ်လၢပှၤအဆူၣ်တဖၣ်အဟံၣ်လီၤ. 17လၢအလီၢ်ခံန့ၣ်ပှၤလ့ၤဝံဖိစီၤဘၤနံအဖိခွါစီၤရဃူၣ်မၤက့ၤဝဲလီၤ.လၢအစုန့ၣ်ဖးဖီကံလၤအပဒိၣ်ဖးဒိၣ်,စီၤဃၡၤဘယၤမၤက့ၤတၢ်လၢအလီၢ်ပူၤလီၤ. 18လၢအလီၢ်ခံန့ၣ်အဒီပုၢ်ဝဲၢ်ဖးဖီကံလၤအပဒိၣ်ဖးဒိၣ်,စီၤဃ့နါဒးအဖိခွါစီၤဘၤဝဲၤမၤက့ၤဝဲလီၤ. 19ဒီးလၢအစုန့ၣ်မံးစပၤအပဒိၣ်ဖးဒိၣ်,စီၤယ့ၤရှူအဖိခွါစီၤဧ့စ့ၢ်မၤက့ၤတကူာ်အိၣ်သဃီၤဒီးတၢ်လဲၤထီၣ်ဆူပှၤသုးဖိအစုကဝဲၤအဟံၣ်ဖဲတၢ်အနၢၣ်န့ၣ်လီၤ. 20လၢအလီၢ်ခံန့ၣ်စီၤစးဘဲအဖိခွါစီၤဘၤရူးမၤက့ၤဆူၣ်ဆူၣ်တကူာ်,လၢတၢ်အနၢၢ်ပၢၢ်လၢပှၤလုၢ်တၢ်အခိၣ်စီၤအ့လယၤၡံာ်အဟံၣ်အကျဲစၢၤလီၤ. 21လၢအလီၢ်ခံန့ၣ်စီၤကိစးအဖိခွါ,စီၤဧူၤရံယၤအဖိခွါ,စီၤမရ့မိးအဖိခွါမၤက့ၤတကူာ်လၢစီၤအ့လယၤၡံာ်အဟံၣ်အကျဲစၢၤပၢၢ်လၢစီၤအ့လယၤၡံာ်အဟံၣ်အကတၢၢ်လီၤ. 22လၢအလီၢ်ခံန့ၣ်ပှၤလုၢ်တၢ်အဒိၣ်တဖၣ်,တၢ်ပၢၤခိၣ်အပှၤကညီမၤက့ၤဝဲလီၤ. 23လၢအလီၢ်ခံန့ၣ်စီၤဘံၣ်ယၤမံၣ်,ဒီးစီၤဃၤရှူာ်မၤက့ၤဝဲသဃီၤဒီးအဟံၣ်လီၤ.လၢအလီၢ်ခံန့ၣ်စီၤဧနၤနယၤအဖိခွါ,စီၤမၤစ့ယၤအဖိခွါ,စီၤဧစၤရယၤတဂၤမၤက့ၤဝဲလၢအဟံၣ်အဃၢၤလီၤ. 24လၢအလီၢ်ခံန့ၣ်စီၤဃ့နါဒးအဖိခွါစီၤဘံနူၤမၤက့ၤတကူာ်လၢစီၤဧစၤရယၤအဟံၣ်ပၢၢ်လၢတၢ်ဒၢက့ၣ်,ပၢၢ်လၢတၢ်အသနၢၣ်လီၤ. 25စီၤဧူၤစံအဖိခွါစီၤပလါလးမၤက့ၤဝဲသဃီၤဒီးတၢ်ဒၢက့ၣ်,ဒီးတၢးထီလၢအအိၣ်စၢၢ်ဆၢဒီးစီၤပၤအဟံၣ်ထီ,လၢဃိာ်အဂၢၤအဃၢၤလီၤ.လၢအလီၢ်ခံန့ၣ်စီၤပၤရိာ်အဖိခွါစီၤပဒါယၤမၤက့ၤဝဲလီၤ. 26ဒီးပှၤနသံနးဖိအိၣ်ဝဲဆိးဝဲလၢဧိၤဖ့လးပၢၢ်လၢအလီၢ်အိၣ်သဃီၤဒီးပဲတရီထံလၢမုၢ်ထီၣ်တခီ,ဒီးတၢးထီအိၣ်လၢခိလီၤ. 27လၢအလီၢ်ခံန့ၣ်ပှၤတကိၤဖိမၤက့ၤတကူာ်သဃီၤဒီးတၢးထီဖးဒိၣ်အိၣ်လၢခိပၢၢ်လၢဧိၤဖ့လးအခိၣ်ဒူလီၤ. 28လၢပဲတရီကသ့ၣ်အဖီခိၣ်န့ၣ်ပှၤလုၢ်တၢ်အဒိၣ်တဖၣ်မၤက့ၤဝဲ,တဂၤသဃီၤဒီးအဟံၣ်ဒၣ်ဝဲ,တဂၤသဃီၤဒီးအဟံၣ်ဒၣ်ဝဲလီၤ. 29လၢအလီၢ်ခံန့ၣ်စီၤအံးမ့ၢ်အဖိခွါစီၤစၤဒိးမၤက့ၤဝဲသဃီၤဒီးအဟံၣ်ဒၣ်ဝဲလီၤ.ဒီးလၢအလီၢ်ခံန့ၣ်ပှၤပၢၤပဲတရီလၢမုၢ်ထီၣ်တခီစီၤၡကါနယၤအဖိခွါ,စီၤၡမါယၤမၤက့ၤဝဲလီၤ. 30လၢအလီၢ်ခံန့ၣ်စီၤၡလ့မယၤအဖိခွါစီၤဃနၤနယၤ,ဒီးစီၤစၤလာ်အဖိခွါဃုဂၤတဂၤစီၤဃၤနူၣ်မၤက့ၤတကူာ်လီၤ.လၢအလီၢ်ခံန့ၣ်စီၤဘရ့ကံယၤအဖိခွါစီၤမရှူလၣ်မၤက့ၤဝဲသဃီၤဒီးအဒၢးလီၤ. 31လၢအလီၢ်ခံန့ၣ်ပှၤပိာ်ထူဖိအဖိခွါစီၤမၤလကံယၤမၤက့ၤဝဲပၢၢ်လၢပှၤနသံနးဖိ,ဒီးပှၤကၤတၢ်ဖိအလီၢ်သဃီၤဒီးပဲတရီမံးဖကး,ဒီးပၢၢ်လၢတၢ်လဲၤထီၣ်လၢတၢ်အနၢၣ်လီၤ. 32ဒီးလၢတၢ်လဲၤထီၣ်လၢတၢ်အနၢၣ်ဒီးပဲတရီသိအဘၢၣ်စၢၤန့ၣ်ပှၤပိာ်ထူဖိ,ဒီးပှၤကၤတၢ်ဖိမၤက့ၤဝဲလီၤ.
Copyright information for
KswSKMB