Psa 1 | KswSKMB | STEP | ပှၤလၢအတလဲၤဘၣ်ဝဲလၢပှၤတတီတလိၤဘၣ်အကူၣ်ထီၣ်ဖးလီၤတၢ်အပူၤ,ဒီးတဆၢထၢၣ်ဘၣ်ဝဲလၢပှၤမၤတၢ်ဒဲးဘးအကျဲ,ဒီးတဆ့ၣ်နီၤဘၣ်ဝဲလၢပှၤဒုၣ်ဒွဲၣ်တၢ်အလီၢ်ဆ့ၣ်နီၤဘၣ်န့ၣ်ဘၣ်ဆိၣ်ဂ့ၤဝဲလီၤ.

‏ Psalms 1

1 ပှၤလၢအတလဲၤဘၣ်ဝဲလၢပှၤတတီတလိၤဘၣ်အကူၣ်ထီၣ်ဖးလီၤတၢ်အပူၤ,ဒီးတဆၢထၢၣ်ဘၣ်ဝဲလၢပှၤမၤတၢ်ဒဲးဘးအကျဲ,ဒီးတဆ့ၣ်နီၤဘၣ်ဝဲလၢပှၤဒုၣ်ဒွဲၣ်တၢ်အလီၢ်ဆ့ၣ်နီၤဘၣ်န့ၣ်ဘၣ်ဆိၣ်ဂ့ၤဝဲလီၤ.

2 ဒီးမုာ်လၤဝဲလၢယွၤအတၢ်သိၣ်တၢ်သီအပူၤ,ဒီးလၢအတၢ်သိၣ်တၢ်သီန့ၣ်ဆိကမိၣ်ဝဲလၢမုၢ်ဆါဆဲးလၢမုၢ်နၤလီၤ.

3 ဒီးကမၤသးဒ်သ့ၣ်သူၣ်လီၤအသးလၢထံဖိကျိအနံၤလၢအသၣ်ထီၣ်လၢအဆၢကတီၢ်ဒၣ်ဝဲ,ဒီးအလၣ်တလီၤညွံးဘၣ်အသိးန့ၣ်လီၤ.ဒီးကယဲၢ်အမၤတၢ်တမံၤလၢ်လၢ်န့ၣ်,ကကဲထီၣ်လိၣ်ထီၣ်တၢ်လီၤ.

4 ပှၤတတီတလိၤဘၣ်န့ၣ်,တဒ်န့ၣ်အသိးဘၣ်.မ့ၢ်အမၤအသးဒ်ဖ့လၢကလံၤအူဒံကွံာ်အီၤအသိးန့ၣ်လီၤ. 5 မၤသးဒ်န့ၣ်ဒီးလၢတၢ်စံၣ်ညီၣ်အပူၤန့ၣ်,ပှၤတတီတလိၤဘၣ်န့ၣ်တဆၢထၢၣ်ဘၣ်,ဒီးပှၤတၢ်ဒဲးဘးဖိ,လၢပှၤအတီအလိၤအတၢ်အိၣ်ဖှိၣ်အကျါဘၣ်.

6 အဂ့ၢ်ဒ်အံၤယွၤသ့ၣ်ညါပှၤအတီအလိၤအကျဲန့ၣ်လီၤ,မ့မ့ၢ်ပှၤတတီတလိၤဘၣ်အကျဲန့ၣ်ကတုၤလၢတၢ်ဟးဂူာ်ဟးဂီၤလီၤ.