Psalms 115
1လၢပှၤပဝဲတမ့ၢ်ဘၣ်,ယွၤဧၢ,လၢပှၤပဝဲတမ့ၢ်ဘၣ်,မ့မ့ၢ်ပာ်တၢ်လၤကပီၤလၢနမံၤဒၣ်နဲ,လၢနဘျုးနဖှိၣ်ဒီးနတၢ်မ့ၢ်တၢ်တီအဃိန့ၣ်တက့ၢ်. 2ပှၤကလုာ်တဖၣ်ကစံး,အကစၢ်အိၣ်ဖဲလဲၣ်န့ၣ်မ့ၢ်အဘၣ်မနုၤလဲၣ်. 3ပကစၢ်အိၣ်လၢမူခိၣ်န့ၣ်လီၤ.ဒီးဖဲဒၣ်အသးန့ၣ်မၤဒၣ်ဝဲလီၤ. 4အဝဲသ့ၣ်အတၢ်ဂီၤတၢ်ဖီၣ်န့ၣ်မ့ၢ်ကျိၣ်ဧိၤစ့ဧိၤဒီးထူဧိၤလွဲဧိၤလီၤ.မ့ၢ်ပှၤကညီအတၢ်မၤလၢအစုလီၤ. 5အထးခိၣ်အိၣ်,ဒီးတကတိၤဘၣ်တၢ်ဘၣ်,အမဲာ်သၣ်အိၣ်,ဒီးတထံၣ်ဘၣ်တၢ်ဘၣ်, 6အနၢ်အိၣ်,ဒီးတနၢ်ဟူဘၣ်တၢ်ဘၣ်.အနါဒ့အိၣ်,ဒီးတနၢဘၣ်တၢ်ဘၣ်. 7အစုအိၣ်,ဒီးတဟံးဘၣ်တၢ်ဘၣ်.အခီၣ်အိၣ်,ဒီးတဟးဘၣ်ဝဲဘၣ်.တၢ်ကတိၤတထီၣ်ဖျဲးဘၣ်လၢအကိာ်ပူၤဘၣ်. 8ပှၤတ့အီၤတဖၣ်,ပှၤသန့ၤအသးလၢအီၤကိးဂၤဒဲးန့ၣ်,မၤသးဒ်အဝဲန့ၣ်အသိးလီၤ. 9အံၣ်စရ့လးဧၢ,သန့ၤသုသးလၢယွၤတက့ၢ်.အတၢ်မၤစၢၤ,ဒီးအကတီၤတဘ့ၣ်မ့ၢ်အဝဲဒၣ်န့ၣ်လီၤ. 10အၤဟရိၣ်အပှၤဟံၣ်ဖိသ့ၣ်ဧၢ,သန့ၤသုသးလၢယွၤတက့ၢ်.အတၢ်မၤစၢၤ,ဒီးအကတီၤတဘ့ၣ်မ့ၢ်အဝဲဒၣ်န့ၣ်လီၤ. 11ပှၤလၢအပျံၤယွၤသ့ၣ်ဧၢ,သန့ၤသုသးလၢယွၤတက့ၢ်.အတၢ်မၤစၢၤ,ဒီးအကတီၤတဘ့ၣ်မ့ၢ်အဝဲဒၣ်န့ၣ်လီၤ. 12ယွၤသ့ၣ်နီၣ်ထီၣ်က့ၤပှၤလံ,ကဆိၣ်ဂ့ၤပှၤလီၤ.ကဆိၣ်ဂ့ၤပှၤအံၣ်စရ့လးအဟံၣ်ဖိ,ကဆိၣ်ဂ့ၤအၤဟရိၣ်အပှၤဟံၣ်ဖိလီၤ. 13ကဆိၣ်ဂ့ၤပှၤလၢအပျံၤယွၤဒီးဒိၣ်ဒီးဆံးလီၤ. 14မ်ယွၤမၤအါထီၣ်သု,သုဝဲဒီးသုဖိသုလံၤတက့ၢ်. 15မ်ယွၤလၢအတ့လီၤမူခိၣ်ဒီးဟီၣ်ခိၣ်အံၤ,ဆိၣ်ဂ့ၤသုတက့ၢ်. 16မူခိၣ်န့ၣ်မ့ၢ်ယွၤအမူခိၣ်လီၤ.မ့မ့ၢ်ဟီၣ်ခိၣ်အံၤဟ့ၣ်လီၤဝဲလၢပှၤကညီလီၤ. 17ပှၤသံတ့ၢ်,ဒီးပှၤလၢအယုၢ်လီၤဆူတၢ်အိၣ်ဘှီၣ်ကလာ်အပူၤသ့ၣ်တဖၣ်န့ၣ်တစံးထီၣ်ပတြၢၤဘၣ်ယွၤဘၣ်. 18မ့မ့ၢ်ပဝဲဒၣ်အံၤတုၤအံၤဆူညါပကစံးထီၣ်ပတြၢၤယွၤလီၤထူလီၤယိာ်လီၤ.စံးထီၣ်ပတြၢၤယွၤတက့ၢ်.
Copyright information for
KswSKMB