Psalms 129
ပှၤတမှံၤအတၢ်သးဝံၣ်.
1ပှၤမၤနးမၤဖှီၣ်ယၤလၢယဖိၣ်သၣ်ခွါထီၣ်လံၤလံၤအါစုအါဘျီန့ၣ်မ်အံၣ်စရ့လးစံးခဲအံၤတက့ၢ်, 2ပှၤမၤနးမၤဖှီၣ်ယၤလၢယဖိၣ်သၣ်ခွါထီၣ်လံၤလံၤအါစုအါဘျီ,ဘၣ်ဆၣ်ဒီး,တမၤဃၣ်ဘၣ်ယၤဘၣ်. 3ပှၤထဲၣ်တၢ်ဖိတဖၣ်ထဲၣ်တၢ်လၢယချၢဃံလီၤ.မၤအကျိၤထီထီကလဲာ်လီၤ. 4ယွၤမ့ၢ်အတီအလိၤလီၤ.ဒီၣ်တဲာ်ဝဲပှၤအၢပှၤသီအပျံၤလီၤ. 5ကယဲၢ်ပှၤလၢအသးဟ့စံယိၣ်သ့ၣ်တဖၣ်န့ၣ်မ်အမဲာ်ဆှး,ဒီးဃၣ်ကဒါက့ၤခဲလၢာ်တက့ၢ်. 6မ်အမၤသးဒ်တီၢ်မုၢ်လၢအအိၣ်လၢဟံၣ်ခိၣ်လၢပှၤတချုးကူးဒံးဘၣ်ဝဲဘၣ်ဒီး,ဃ့ထီၣ်ကွံာ်ဝဲအသိးန့ၣ်တက့ၢ်. 7အဝဲန့ၣ်ပှၤကူးတၢ်ဖိတမၤပှဲၤဘၣ်အစုလၢအီၤဘၣ်,ဒီးပှၤလၢအဃ့ထီၣ်ဘုကဒိၣ်ဖိတပာ်ဘၣ်ဝဲလၢအသးနါပှၢ်ဘၣ်. 8ဒီးပှၤလၢအဟးလၢကျဲတစံးဘၣ်ဝဲ,မ်ယွၤကဆိၣ်ဂ့ၤသုတက့ၢ်,ပဆိၣ်ဂ့ၤသုလၢယွၤအမံၤလီၤန့ၣ်ဘၣ်.
Copyright information for
KswSKMB