Psalms 149
1စံးထီၣ်ပတြၢၤယွၤတက့ၢ်.သးဝံၣ်ထီၣ်ယွၤလၢတၢ်သးဝံၣ်အသီ,ဒီးအတၢ်စံးထီၣ်ပတြၢၤလၢအပှၤစီဆှံအတၢ်အိၣ်ဖှိၣ်အပူၤန့ၣ်တက့ၢ်. 2မ်အံၣ်စရ့လးသးခုလၢပှၤတ့လီၤအီၤအပူၤန့ၣ်တက့ၢ်.မ်ပှၤစံယိၣ်ဖိအသူၣ်ဖှံသးညီလၢအစီၤပၤအပူၤတက့ၢ်. 3မ်အစံးထီၣ်ပတြၢၤအမံၤလၢတၢ်ဂဲၤကလံၣ်အပူၤတက့ၢ်.မ်အသးဝံၣ်ထီၣ်အီၤဒီးဒၢဖိဒီးတနၢ်တက့ၢ်. 4အဂ့ၢ်ဒ်အံၤ,ဘၣ်ယွၤအသးလၢအပှၤဂီၢ်မုၢ်လီၤ.မၤဃံမၤလၤပှၤအသူၣ်စူၤအသးစူၤလၢတၢ်အုၣ်က့ၤခီၣ်က့ၤလီၤ. 5မ်ပှၤစီဆှံသူၣ်ပိၢ်သးဝးလၢတၢ်လၤကပီၤအပူၤတက့ၢ်.မ်အအုၣ်တၢ်လၢအလီၢ်မံအဖီခိၣ်တက့ၢ်. 6မ်ယွၤအတၢ်စံးထီၣ်ပတြၢၤထီၣ်ထီအိၣ်လၢအကိာ်ပူၤ,ဒီးနးလၢအကနၣ်အ့ၣ်ဝဲခံခီလၢာ်အိၣ်လၢအစုပူၤတက့ၢ်. 7ဒ်သိးအကမၤဆၢတၢ်အၢလၢပှၤကလုာ်တဖၣ်,ဒီးဟ့ၣ်လီၤတၢ်နးတၢ်ဖှီၣ်လၢပှၤဂီၢ်မုၢ်. 8ဒ်သိးအကစၢဃာ်အစီၤပၤလၢထးသွဲ,ဒီးအပဒိၣ်ဖးဒိၣ်လၢပျံၤထး, 9ဒ်သိးအကမၤတၢ်စံၣ်ညီၣ်ကွဲးအသးလၢအဂီၢ်လီၤ.အန့ၣ်မ့ၢ်တၢ်လၤကပီၤလၢအပှၤစီဆှံခဲလၢာ်အဂီၢ်လီၤ.စံးထီၣ်ပတြၢၤယွၤတက့ၢ်.
Copyright information for
KswSKMB