Psa 16 | KswSKMB | STEP | စီၤဒၤဝံးအတၢ်ကွဲးထူ. အံးက့ၤကွၢ်ကွၤယၤတက့ၢ်,ယွၤဧၢ.အဂ့ၢ်ဒ်အံၤ,ယသန့ၤယသးလၢနၤလီၤ.

‏ Psalms 16

စီၤဒၤဝံးအတၢ်ကွဲးထူ.

1 အံးက့ၤကွၢ်ကွၤယၤတက့ၢ်,ယွၤဧၢ.အဂ့ၢ်ဒ်အံၤ,ယသန့ၤယသးလၢနၤလီၤ.

2 ယစံးဘၣ်လံယွၤ,နမ့ၢ်ယကစၢ်လီၤ.လၢနၤအဖီခိၣ်န့ၣ်ယတၢ်ဂ့ၤတအိၣ်. 3 တၢ်လၢပှၤစီဆှံလၢဟီၣ်ခိၣ်ချၢ,အဝဲသ့ၣ်မ့ၢ်ပှၤအဂ့ၤအဝါလၢတၢ်ဘၣ်ယသးခဲလၢာ်အိၣ်ဝဲလၢအပူၤလီၤ.

4 ပှၤလၢအမၤချ့ချ့လၢတၢ်အဂၤအဂီၢ်န့ၣ်အတၢ်နးတၢ်ဖှီၣ်အါဝဲလီၤ.ယတလူလီၤဘၣ်တၢ်လုၢ်အီလၢတၢ်သွံၣ်,ဒီးယတပှ့ၤဘၣ်အမံၤတဖၣ်လၢယပျုၤဘၣ်. 5 ယွၤမ့ၢ်ယတၢ်န့ၢ်သါ,ဒီးယလီခီအဂီၢ်လီၤ.နမၤကျၢၤတၢ်နီၤဖးတၢ်လၢယဂီၢ်လီၤ.

6 နီၣ်ထိၣ်အပျံၤလီၤဘၣ်လၢယဂီၢ်လၢအလီၢ်မုာ်လီၤ.မ့ၢ်မးယတၢ်န့ၢ်သါန့ၣ်အိၣ်ဒီးအဃံအလၤလီၤ. 7 ယကစံးထီၣ်ပတြၢၤယွၤလၢအဟ့ၣ်ကူၣ်ဘၣ်ယၤလီၤ.ယကလ့ၢ်သိၣ်လိယၤလၢမုၢ်နၤစ့ၢ်ကီးလီၤ.

8 ယပာ်လီၤယွၤလၢယမဲာ်ညါတထံၣ်ဃီလီၤ.မ့ၢ်အအိၣ်လၢယစုထွဲဒီး,ယတဟူးတဝးဘၣ်. 9 မၤသးဒ်န့ၣ်ဒီးယသးသူၣ်ခုသးခု,ဒီးယလၤကပီၤသူၣ်ဖှံသးညီလီၤ.ယဖံးယညၣ်စ့ၢ်ကီးကအိၣ်ကဆိးလၢတၢ်မုၢ်လၢ်အပူၤလီၤ.

10 အဂ့ၢ်ဒ်အံၤ,နတပာ်လီၤတဲာ်ဘၣ်ယသးလၢပျုၤပူၤဘၣ်,နတဒုးထံၣ်ဘၣ်နပှၤစီဆှံလၢတၢ်အုၣ်သံဘၣ်. 11 နကဘိးဘၣ်သ့ၣ်ညါယၤလၢတၢ်မူအကျဲလီၤ.တၢ်သူၣ်ခုသးခုလၢထီၣ်ပှဲၤထီၣ်ဝဲလၢနမဲာ်ညါ,တၢ်အမုာ်အိၣ်လၢနစုထွဲလီၤထူလီၤယိာ်လီၤ.