Psa 6 | KswSKMB | STEP | စီၤဒၤဝံးအထါလၢတၢ်အခိၣ်အဂီၢ်လၢနီၢ်ဒ့တၢ်အဂီၢ်လၢတၢ်ဃိး ယွၤဧၢ,သိၣ်ဃီၣ်ယၤလၢနသးထီၣ်တဂ့ၤ,ဒီးသိၣ်က့ၤသီက့ၤယၤလၢနသးကဲၤထီၣ်န့ၣ်တဂ့ၤ.

‏ Psalms 6

စီၤဒၤဝံးအထါလၢတၢ်အခိၣ်အဂီၢ်လၢနီၢ်ဒ့တၢ်အဂီၢ်လၢတၢ်ဃိး

1 ယွၤဧၢ,သိၣ်ဃီၣ်ယၤလၢနသးထီၣ်တဂ့ၤ,ဒီးသိၣ်က့ၤသီက့ၤယၤလၢနသးကဲၤထီၣ်န့ၣ်တဂ့ၤ.

2 သူၣ်ကညီၤသးကညီၤယၤတက့ၢ်,ယွၤဧၢ.အဂ့ၢ်ဒ်အံၤ,ယလီၤဘှါလီၤ.ယွၤဧၢ,မၤဘျါက့ၤယၤတက့ၢ်. 3 အဂ့ၢ်ဒ်အံၤ,ယဃံကနိးလီၤ.ယသးကိၢ်နးမးလီၤ.ဒီးနဲဒၣ်ယွၤဧၢ,ဆံးယံာ်လဲၣ်. 4 ဟဲက့ၤယွၤဧၢ,မၤပူၤမၤဖျဲးယသးတက့ၢ်.အုၣ်က့ၤခီၣ်က့ၤယၤလၢနဘျုးနဖှိၣ်အဃိတက့ၢ်. 5 အဂ့ၢ်ဒ်အံၤ,တၢ်သ့ၣ်နီၣ်ထီၣ်က့ၤနၤတအိၣ်ဘၣ်လၢတၢ်သံအပူၤဘၣ်.လၢပျုၤပူၤန့ၣ်မ့ၢ်မတၤကစံးထီၣ်ပတြၢၤနဘျုးတဂၤလဲၣ်. 6 တၢ်ဘှံးယသးလၢယကအုကစွါအဃိ,ယမၤထီၣ်ဖီယလီၢ်မံကိးမုၢ်နၤဒဲး,ဒီးယမၤပှံၢ်လီၤယလီၢ်မံလၢယမဲာ်ထံန့ၣ်လီၤ. 7 ယမဲာ်ယုာ်လၢတၢ်ကိၢ်တၢ်ဂီၤအဃိ,လီၤသပှၢ်ဝဲလၢယဒုၣ်ယဒါခဲလၢာ်အဃိလီၤ.

8 ကယဲၢ်ပှၤမၤတၢ်အၢတၢ်သီခဲလၢာ်သ့ၣ်ဧၢ,ဟးထီၣ်ကွံာ်လၢယအိၣ်တက့ၢ်.အဂ့ၢ်ဒ်အံၤ,ယွၤနၢ်ဟူလံယဟီၣ်တၢ်အသီၣ်လံ. 9 ယွၤနၢ်ဟူလံယဃ့ကညးတၢ်လံ,ယွၤကတူၢ်လိာ်ယတၢ်ထုကဖၣ်လီၤ.

10 ယဒုၣ်ယဒါခဲလၢာ်န့ၣ်အမဲာ်ကဆှး,ဒီးပျံၤတၢ်ဖုးတၢ်လီၤ.ကက့ၤက့ၤ,ဒီးမဲာ်ဆှးသတူၢ်ကလာ်လီၤ.