Psa 98 | KswSKMB | STEP | ထါ. သးဝံၣ်ထီၣ်ယွၤလၢတၢ်သးဝံၣ်အသီတက့ၢ်.အဂ့ၢ်ဒ်အံၤ,မၤတၢ်လီၤလးတဖၣ်လီၤ.အစုထွဲ,ဒီးအစုဒုၣ်စီဆှံန့ၣ်အုၣ်က့ၤခီၣ်က့ၤတၢ်လၢအဂီၢ်လီၤ.

‏ Psalms 98

ထါ.

1 သးဝံၣ်ထီၣ်ယွၤလၢတၢ်သးဝံၣ်အသီတက့ၢ်.အဂ့ၢ်ဒ်အံၤ,မၤတၢ်လီၤလးတဖၣ်လီၤ.အစုထွဲ,ဒီးအစုဒုၣ်စီဆှံန့ၣ်အုၣ်က့ၤခီၣ်က့ၤတၢ်လၢအဂီၢ်လီၤ. 2 ယွၤပာ်ဖျါထီၣ်အတၢ်အုၣ်က့ၤခီၣ်က့ၤ,ဒုးနဲၣ်အတၢ်တီတၢ်လိၤလၢပှၤကလုာ်တဖၣ်အမဲာ်ညါလီၤ. 3 သ့ၣ်နီၣ်ထီၣ်က့ၤအဘျုးအဖှိၣ်,ဒီးအတၢ်မ့ၢ်တၢ်တီလၢအံၣ်စရ့လးအအပှၤဟံၣ်ဖိအဂီၢ်လီၤ.ဟီၣ်ခိၣ်အကတၢၢ်ခဲလၢာ်န့ၣ်ထံၣ်ဘၣ်လံပကစၢ်အတၢ်အုၣ်က့ၤခီၣ်က့ၤတၢ်လံ.

4 ကိးထီၣ်ယွၤလၢတၢ်သးခု,ပှၤဟီၣ်ခိၣ်ဖိခဲလၢာ်သ့ၣ်ဧၢ,ကိးပသူထီၣ်,ဒီးသူၣ်ဖှံသးညီ,ဒီးသးဝံၣ်ထီၣ်တက့ၢ်. 5 သးဝံၣ်ထီၣ်ယွၤဒီးတနၢ်,ဒီးတနၢ်ဒီးတၢ်သးဝံၣ်အကလုၢ်တက့ၢ်. 6 လၢတနွဲတဖၣ်ဒီးကွဲၤအသီၣ်န့ၣ်မၤတၢ်သးခုအသီၣ်ဖးဒိၣ်လၢစီၤပၤ,ယွၤအမဲာ်ညါတက့ၢ်. 7 မ်ပီၣ်လဲၣ်သီၣ်ထီၣ်,ဒီးတၢ်လၢအမၤပှဲၤအီၤ,ဟီၣ်ခိၣ်ဒီးပှၤလၢအအိၣ်ဝဲဆိးဝဲလၢအချၢတက့ၢ်.

8 မ်ထံကျိတဖၣ်ဒဲအစုတက့ၢ်.မ်ကစၢၢ်ကလိသူၣ်ဖှံသးညီတပူၤဃီလၢယွၤအမဲာ်ညါတက့ၢ်.အဂ့ၢ်ဒ်အံၤ,ဟဲစံၣ်ညီၣ်ဟီၣ်ခိၣ်လီၤ. 9 ကစံၣ်ညီၣ်ဟီၣ်ခိၣ်လၢတၢ်တီတၢ်လိၤ,ဒီးပှၤဂီၢ်မုၢ်လၢတၢ်မ့ၢ်တၢ်တီလီၤ.