Psalms 101
စီၤဒၤဝံးအထါ.
1ယကအုၣ်တၢ်လၢတၢ်ဘျုးတၢ်ဖှိၣ်,ဒီးတၢ်စံၣ်ညီၣ်အဂ့ၢ်အကျိၤလီၤ.ယွၤဧၢ,ယကသးဝံၣ်ထီၣ်နၤလီၤ. 2ယကပလီၢ်ယသးလၢကျဲအလၢအပှဲၤတဘိအပူၤန့ၣ်လီၤ.နကဟဲဆူယအိၣ်အကတီၢ်ဖဲလဲၣ်.ယကလဲၤတၢ်လၢယဟံၣ်ပူၤလၢယသးဒီဖျၢၣ်လီၤ. 3တၢ်မၤအၢန့ၣ်ယတပာ်ဘၣ်လၢယမဲာ်ညါနီတပူၤဘၣ်,တၢ်မၤကမၣ်န့ၣ်ယသးဟ့လီၤ.တစဲဘူးဘၣ်ဒီးယၤဘၣ်. 4တၢ်သးက့ၣ်န့ၣ်ကဟးဖးဒီးယၤလီၤ.တၢ်အၢန့ၣ်ယတသ့ၣ်ညါဘၣ်. 5ပှၤလၢအခဲၣ်ပှၤအိၣ်လၢအဃၢၤန့ၣ်ယကဟီထီၣ်ကွံာ်အီၤလီၤ.ပှၤလၢအပာ်အမဲာ်ထီၣ်ထီ,ဒီးပာ်ကဖိအသးန့ၣ်ယတူၢ်တကဲဘၣ်. 6ယမဲာ်ကအိၣ်လၢပှၤအကလုၢ်တီတဖၣ်အလိၤလၢထံဧိၤကီၢ်ဧိၤအပူၤဒ်သိးအကအိၣ်ဒီးယၤလီၤ.ပှၤလၢအလဲၤလၢကျဲအလၢအပှဲၤန့ၣ်ကမၤယတၢ်လီၤ. 7ပှၤလၢအလီတၢ်န့ၣ်တအိၣ်တဆိးဘၣ်လၢယဟံၣ်ပူၤဘၣ်.ပှၤလၢအကတိၤတၢ်ကဘျံးကဘျၣ်တအိၣ်တတဆိးဘၣ်လၢယမဲာ်ညါဘၣ်. 8ယကမၤဟးဂီၤကယဲၢ်ပှၤတတီတလိၤလၢကီၢ်ပူၤလၢအဆိအချ့ဒ်သိးယကဒီၣ်တဲာ်ကွံာ်ကယဲၢ်ပှၤမၤအၢတၢ်လၢယွၤအဝ့ၢ်ခဲလၢာ်လီၤ.
Copyright information for
KswSKMB