‏ Psalms 106

1စံးထီၣ်ပတြၢၤယွၤတက့ၢ်,သးဝံၣ်ထီၣ်ယွၤတက့ၢ်.အဂ့ၢ်ဒ်အံၤ,ဂ့ၤဝဲလီၤ.မ့ၢ်အဘျုးအဖှိၣ်အိၣ်ဝဲလီၤထူလီၤယိာ်အဂ့ၢ်လီၤ. 2မ့ၢ်မတၤကစံၣ်တဲၤတဲလီၤယွၤအတၢ်မၤလၢအဒိၣ်တဖၣ်,မ့ၢ်မတၤကဒုးနၢ်ဟူအတၢ်စံးထီၣ်ပတြၢၤခဲလၢာ်တဂၤလဲၣ်. 3ပှၤလၢအတိၢ်န့ၢ်တၢ်စံၣ်ညီၣ်,လၢအမၤတၢ်တီတၢ်လိၤကိးအဆၢအကတီၢ်ဒဲးန့ၣ်ဘၣ်ဆိၣ်ဂ့ၤဝဲလီၤ.

4သ့ၣ်နီၣ်ထီၣ်က့ၤယၤလၢတၢ်ဘၣ်နသးလၢနဒုးနဲၣ်နပှၤဂီၢ်မုၢ်တက့ၢ်,ယွၤဧၢ.အိၣ်သကိးယၤဒီးနတၢ်အုၣ်က့ၤခီၣ်က့ၤ, 5ဒ်သိးယကထံၣ်ဘၣ်နတၢ်ဃုထၢဖိအတၢ်ဂ့ၤ,ဒ်သိးယကသးခုလၢနပှၤတကလုာ်အတၢ်သးခု,ဒ်သိးယကသူၣ်ဖှံသးညီဃုာ်ဒီးနတၢ်န့ၢ်သါန့ၣ်တက့ၢ်.

6ပမၤလံတၢ်ဒဲးဘးဒီးပပၢ်တဖၣ်လံ,ပမၤကမၣ်ဘၣ်လံ.ပမၤလံတၢ်တတီတလိၤဘၣ်လံ. 7ပပၢ်တဖၣ်တကွၢ်ဆိကမိၣ်ဘၣ်နတၢ်လီၤလးလၢအဲၤကူပတူးအပူၤဘၣ်,တသ့ၣ်နီၣ်ထီၣ်က့ၤဘၣ်နဘျုးဒိၣ်နဖှိၣ်အါဘၣ်.ဒီးပူထီၣ်လၢပီၣ်လဲၣ်နံၤ,ဖဲပီၣ်လဲၣ်ဆှဲအနံၤလီၤ. 8ဘၣ်ဆၣ်ဒီးအုၣ်က့ၤခီၣ်က့ၤအီၤလၢအမံၤအဃိ,ဒ်သိးအကဒုးသ့ၣ်ညါဘၣ်ဝဲလၢအစိဒိၣ်အကမီၤဒိၣ်လီၤ. 9ဒီးသိၣ်ဃီၣ်ပီၣ်လဲၣ်ဆှဲ,ဒီးအဝဲန့ၣ်ဃ့ထီၣ်ကွံာ်ဝဲလီၤ.ဒီးဒုးလဲၤအီၤလၢထံယိာ်ပူၤဒ်လၢပှၢ်လၢ်ကျါအသိးန့ၣ်လီၤ.

10ဒီးအုၣ်က့ၤခီၣ်က့ၤအီၤလၢပှၤလၢအသးဟ့အီၤအစုပူၤ,ဒီးပှ့ၤက့ၤအီၤလၢဒုၣ်ဒါအစုပူၤလီၤ. 11ဒီးထံလုၣ်ဘၢအဒုၣ်အဒါ,တအိၣ်လီၤတဲာ်ဘၣ်နီတဂၤဘၣ်.

12တုၤနုၤတစုနာ်က့ၤဝဲအကလုၢ်အကထါ,သးဝံၣ်အတၢ်စံးထီၣ်ပတြၢၤလီၤ.

13သးပ့ၤနီၣ်ဝဲအမၤတၢ်ချ့ချ့,တခိးဘၣ်အတၢ်ကူၣ်ထီၣ်ဖးလီၤဘၣ်, 14ဒီးသးကွံတၢ်လၢပှၢ်မုၢ်ကနၢ,ဒီးမၤကွၢ်ယွၤလၢဃဲၣ်ခိၣ်ဃဲၣ်လာ်လီၤ.

15ဒီးတၢ်လၢအဃ့တၢ်န့ၣ်ဟ့ၣ်လီၤဝဲ,ဒီးမၢလီၤတၢ်ဃဲၤဆူအသးကံၢ်ပူၤလီၤ.

16ဒီးသးက့ၣ်စီၤမိၤရှ့လၢပှၤသူၣ်ဒဲအလီၢ်ပူၤ,ဒီးယွၤအပှၤစီဆှံစီၤအၤဟရိၣ်လီၤ.

17ဟီၣ်ခိၣ်အိးထီၣ်အသး,ဒီးယူၢ်လီၤကွံာ်စီၤဒၤသၣ်,ဒီးကျၢၢ်ဘၢစီၤအဘံရၣ်အတၢ်အိၣ်ဖှိၣ်, 18ဒီးမ့ၣ်အူဆိၣ်ကဲၤအသးလၢအတၢ်အိၣ်ဖှိၣ်အပူၤ,မ့ၣ်အူလၣ်အီၣ်ကွံာ်ပှၤအအၢအသီလီၤ.

19တ့ဝဲဂီၤဖံးဖိလၢဃိရ့း,ဒီးဘူၣ်ထီၣ်ဘါထီၣ်တၢ်ဂီၤသိအသးလီၤ. 20ဒီးလဲလိာ်အလၤကပီၤလၢတၢ်လီၤဂာ်ဒီးဂီၤဖံးလၢအအီၣ်နီၣ်ဧိၤမံၤဧိၤန့ၣ်လီၤ. 21သးပ့ၤနီၣ်ပှၤအုၣ်က့ၤခီၣ်က့ၤအီၤ,ယွၤလၢအမၤတၢ်ဒိၣ်တဖၣ်လၢအဲၤကူပတူးအပူၤ, 22တၢ်လီၤလးတဖၣ်လၢစီၤဃၣ်အကီၢ်ပူၤ,တၢ်ပျံၤတၢ်အလီၢ်လၢပီၣ်လဲၣ်ဆှဲန့ၣ်လီၤ.

23မၤသးဒ်န့ၣ်ဒီးအဝဲဒၣ်စံး,လၢသါကမၤဟးဂီၤအီၤလီၤ.မ့တမ့ၢ်ဘၣ်အပှၤဃုထၢဖိ,စီၤမိၤရှ့ဆၢထၢၣ်လၢအမဲာ်ညါလၢတၢ်မၤဟးဂီၤတၢ်အပူၤ,ဒ်သိးအကဘိးဃၣ်အတၢ်သးထီၣ်လၢအသုတမၤဟးဂီၤတၢ်တဂ့ၤဒီး,ကမၤဝဲလီၤ.

24ဒီးအဝဲသ့ၣ်တပးကဲဘၣ်ထံမုာ်ကီၢ်ပၢၤဘၣ်,တနာ်ဘၣ်အကလုၢ်ကထါဘၣ်, 25ဒီးကဒူးကဒ့ၣ်တၢ်လၢအဒဲတဖၣ်အပူၤ,တဒိကနၣ်ဘၣ်ယွၤအကလုၢ်ကထါဘၣ်, 26ဒီးယၤထီၣ်ဝဲအစုလၢအလိၤ,ဒ်သိးအကမၤလီၤဃံၤအီၤလၢပှၢ်မုၢ်ကနၢ, 27ဒီးမၤလီၤဃံၤအချံအသၣ်လၢပှၤကလုာ်တဖၣ်အကျါ,ဒီးမၤလီၤပြံလီၤပြါအီၤလၢကီၢ်တဖၣ်အကျါလီၤ.

28ဒီးအဝဲသ့ၣ်စဲဘူးအသးဒီးဘဧၤလးပဧိၢ်,ဒီးအီၣ်တၢ်သံအတၢ်လုၢ်တဖၣ်လီၤ. 29ဒီးမၤသးထီၣ်အီၤလၢအတၢ်မၤတဖၣ်,ဒီးတၢ်သံသတြိာ်အိၣ်ထီၣ်လၢအကျါလီၤ. 30ဒီးစီၤဖံၤနဃၣ်ဆၢထၢၣ်,ဒီးဒုးဘၣ်အီၤလၢတၢ်စံၣ်ညီၣ်,ဒီးတၢ်သံသတြိာ်အိၣ်ကတီၢ်ဝဲလီၤ. 31ဒီးတၢ်ပာ်တၢ်န့ၣ်လၢအတၢ်တီတၢ်လိၤအဂီၢ်အစိၤစိၤအဃၣ်ဃၣ်လီၤထူလီၤယိာ်လီၤ.

32ဒီးမၤသးထီၣ်အီၤဖဲထံမရံၤဘါ,ဒီးစီၤမိၤရှ့ဘၣ်တၢ်အၢလၢအဃိလီၤ. 33မ့ၢ်ပှၤမၤကိၢ်မၤဂီၤအသးဒီး,ကတိၤကမၣ်ဝဲလၢအပျုၤလီၤ.

34တမၤဟးဂီၤဘၣ်ပှၤကလုာ်တဖၣ်လၢယွၤစံးတၢ်လၢအဂ့ၢ်အကျိၤဘၣ်.

35အၢ်အကျိၤဘၣ်.ဒီးမၤဃါဃုာ်အသးဒီးပှၤကလုာ်တဖၣ်,ဒီးမၤလိအတၢ်မၤလီၤ.

36ဒီးမၤအတၢ်ဂီၤအတၢ်,ဒီးကဲထီၣ်ဝဲလၢတၢ်ပျံၤသကွီၤလၢအဂီၢ်လီၤ. 37ဒီးလုၢ်အဖိခွါတဖၣ်,ဒီးအဖိမုၣ်တဖၣ်လၢတၢ်နါ, 38ဒီးလူလီၤတၢ်သွံၣ်လၢအတၢ်ဒဲးဘးတအိၣ်ဘၣ်,အဖိခွါဒီးအဖိမုၣ်အသွံၣ်လၢအလုၢ်ထီၣ်လၢကနၤဧၣ်အတၢ်ဂီၤတၢ်ဖီၣ်န့ၣ်လီၤ.ဒီးကီၢ်ဘၣ်တၢ်တကဆှီဘၣ်လၢအသွံၣ်လီၤ. 39ဒီးတကဆှီဘၣ်ဝဲလၢအတၢ်မၤအဃိ,ဒီးမၤကမၣ်မုၣ်ကမၣ်ခွါလၢအမၤတၢ်တဖၣ်န့ၣ်လီၤ.

40ဒီးယွၤအသးထီၣ်ကဲၤထီၣ်ဘၣ်အပှၤဂီၢ်မုၢ်ဒၣ်ဝဲ,ဒီးသးဘၣ်အၢအတၢ်န့ၢ်သါလီၤ. 41ဒီးဟ့ၣ်လီၤကွံာ်အီၤဆူပှၤကလုာ်တဖၣ်အစုပူၤ,ဒီးပှၤလၢအသးဟ့အီၤတဖၣ်န့ၣ်ပၢအီၤလီၤ. 42ဒီးအဒုၣ်အဒါတဖၣ်န့ၣ်မၤနးမၤဖှီၣ်အီၤ,ဒီးအဝဲသ့ၣ်ဘၣ်တၢ်ဆီၣ်လီၤအီၤလၢအစုဖီလာ်လီၤ. 43မၤပူၤမၤဖျဲးအီၤအါဘျီဘၣ်ဆၣ်ဒီး,ပူထီၣ်ဝဲလၢအကူၣ်လိာ်အသး,ဒီးဘၣ်တၢ်မၤနးမၤဖှီၣ်အီၤလၢအတၢ်အၢအဃိလီၤ.

44ဘၣ်ဆၣ်ဒီးတုၤအနၢ်ဟူအတၢ်ဃ့ကညးဒီး,ကွၢ်ဝဲအတၢ်နးတၢ်ဖှီၣ်လီၤ. 45ဒီးသ့ၣ်နီၣ်ထီၣ်က့ၤအတၢ်အၢၣ်လီၤအီလီၤလၢအဂီၢ်,ဒီးပီၢ်ယၢ်လီၤက့ၤအသးဒ်အဘျုးဒိၣ်အဖှိၣ်အါအသိးန့ၣ်လီၤ. 46ဒီးဒုးဘၣ်အီၤလၢတၢ်သးကညီၤလၢကယဲၢ်ပှၤလၢအမၢကဲကုၢ်အီၤအမဲာ်ညါခဲလၢာ်လီၤ. 47အုၣ်က့ၤခီၣ်က့ၤပှၤ,ယွၤပကစၢ်ဧၢ,ဒီးထၢဖှိၣ်ပှၤလၢပှၤကလုာ်တဖၣ်အကျါဒ်သိးပကစံးထီၣ်ပတြၢၤနမံၤစီဆှံ,ဒီးပာ်ကဖိပသးလၢနတၢ်စံးထီၣ်ပတြၢၤန့ၣ်အဃိတက့ၢ်.

48မ်ယွၤ,အံၣ်စရ့လးအကစၢ်န့ၣ်ဘၣ်တၢ်စံးထီၣ်ပတြၢၤလၢကစၢၤကစၢၤအစိၤစိၤအဃၣ်ဃၣ်တက့ၢ်.ဒီးမ်ပှၤဂီၢ်မုၢ်ခဲလၢာ်န့ၣ်စံး,အၤမ့ၣ်,တက့ၢ်.စံးထီၣ်ပတြၢၤယွၤတက့ၢ်.