Psalms 120
ပှၤတမှံၤအတၢ်သးဝံၣ်.
1လၢယဘၣ်တၢ်နးတၢ်ဖှီၣ်န့ၣ်ယကိးထီၣ်ယွၤဒီးကနၣ်ဝဲယကလုၢ်လီၤ. 2ယွၤဧၢ,မၤပူၤမၤဖျဲးယသးလၢထးခိၣ်ကဘျံးကဘျၣ်ဒီးပျ့ၤအလီတၢ်တက့ၢ်. 3ပျ့ၤအလီတၢ်ဧၢ,တၢ်ကဟ့ၣ်နၤလၢမနုၤလဲၣ်,ဒီးတၢ်ကမၤနၤဒ်လဲၣ်. 4ပှၤအဆူၣ်တဖၣ်အပျၢ်လၢအအ့ၣ်ဝဲ,ဒီးပထိးသ့ၣ်ရီသ့ၣ်အမ့ၣ်အူကဖးလီၤ. 5ယဘၣ်တၢ်အဖှီၣ်လီၤ.အဂ့ၢ်ဒ်အံၤ,ယမ့ၢ်ပှၤတမှံၤလၢပှၤမ့ၤၡးဖိအကျါ,ဒီးယအိၣ်ယဆိးလၢက့ဒၢ်ဖိအဒဲပူၤလီၤ. 6ယအိၣ်ယဆိးဃဲးဃဲးတ့ၢ်ဒီးပှၤလၢအသးဟ့တၢ်ဃူတၢ်ဖိးလီၤ. 7ယဲဒၣ်အံၤယအဲၣ်တၢ်ဃူတၢ်ဖိးလီၤ.မ့မ့ၢ်တုၤယကတိၤထီၣ်တၢ်ဒီး,အဝဲသ့ၣ်တဖၣ်အဲၣ်တၢ်ဒုးတၢ်ယၤလီၤ.
Copyright information for
KswSKMB