Psalms 14
စီၤဒၤဝံးအထါလၢတၢ်အခိၣ်အဂီၢ်.
1ပှၤဟးဂီၤဖိစံးလၢအသးကံၢ်ပူၤ,ယွၤတအိၣ်ဘၣ်န့ၣ်လီၤ.အၢဝဲသီဝဲလီၤ.မၤလံတၢ်သးဘၣ်အၢအတၢ်မၤလံ.ပှၤမၤတၢ်ဂ့ၤတအိၣ်ဘၣ်. 2ယွၤကွၢ်လီၤလၢမူခိၣ်လၢပှၤကညီဖိဒ်သိးအကထံၣ်လၢပှၤလၢအသးဖး,ပှၤလၢအဃုယွၤတဂၤအိၣ်တအိၣ်လဲၣ်န့ၣ်အဂ့ၢ်လီၤ. 3လဲၤကမၣ်လံခဲလၢာ်လံ,ဘၣ်အၢဃုာ်လံတပူၤဃီလံ.ပှၤမၤတၢ်ဂ့ၤတအိၣ်ဘၣ်,ထဲတဂၤဧိၤတအိၣ်ဘၣ်. 4ကယဲၢ်ပှၤလၢအမၤတၢ်အၢခဲလၢာ်တသ့ၣ်ညါတၢ်ဘၣ်ဧါ.အီၣ်ယပှၤဂီၢ်မုၢ်ဒ်အအီၣ်ကိၣ်အသိး,ဒီးတကိးထီၣ်ဘၣ်ယွၤဘၣ်. 5ပျံၤတၢ်ဖုးတၢ်ဖဲန့ၣ်သပှၢ်တၢၢ်လီၤ.အဂ့ၢ်ဒ်အံၤ,ယွၤအိၣ်ဝဲလၢပှၤအတီအလိၤတစိၤအကျါလီၤ. 6သုဒုးဆှးမဲာ်ပှၤဘၣ်နးဘၣ်ဖှီၣ်အတၢ်ကူၣ်လီၤ.အဂ့ၢ်ဒ်အံၤ,ယွၤမ့ၢ်အတၢ်ပူၤဖျဲးအလီၢ်လီၤ. 7မ်တၢ်ဟ့ၣ်အံၣ်စရ့လးအတၢ်အုၣ်က့ၤခီၣ်က့ၤလၢစံယိၣ်အပူၤတက့ၢ်.တုၤယွၤဒုးဟဲက့ၤအပှၤတၢ်မၢကဲကုၢ်ဖိဒီး,ယၤကိာ်ကသူၣ်ဖှံသးညီ,အံၣ်စရ့လးကသူၣ်ခုသးခုလီၤ.
Copyright information for
KswSKMB