Psa 29 | KswSKMB | STEP | စီၤဒၤဝံးအထါ. ဟ့ၣ်တၢ်လၢယွၤ,ကစၢ်အဖိသ့ၣ်ဧၢ,ဟ့ၣ်တၢ်လၤကပီၤဒီးတၢ်စိတၢ်ကမီၤလၢယွၤန့ၣ်တက့ၢ်.

‏ Psalms 29

စီၤဒၤဝံးအထါ.

1 ဟ့ၣ်တၢ်လၢယွၤ,ကစၢ်အဖိသ့ၣ်ဧၢ,ဟ့ၣ်တၢ်လၤကပီၤဒီးတၢ်စိတၢ်ကမီၤလၢယွၤန့ၣ်တက့ၢ်.

2 ဟ့ၣ်ယွၤလၢတၢ်လၤကပီၤကြၢးဒီးအမံၤ,ဘါထီၣ်ယွၤလၢတၢ်စီဆှံအဃံအလၤန့ၣ်တက့ၢ်.

3 ယွၤအကလုၢ်သီၣ်အိၣ်ဝဲလၢထံအဖီခိၣ်,တၢ်လၤကပီၤအကစၢ်အလီသီၣ်ဝဲ,ယွၤအိၣ်ဝဲလၢထံအါအဖီခိၣ်လီၤ. 4 ယွၤအကလုၢ်သီၣ်အိၣ်ဒီးအစိအကမီၤ,ယွၤအကလုၢ်သီၣ်အိၣ်ဒီးအကဟုအကညီၢ်, 5 ယွၤအကလုၢ်သီၣ်မၤကၢ်လီၤသ့ၣ်ဆှိအ့ရ့း,ယွၤအကလုၢ်သီၣ်မၤကၢ်လဘၤနိၣ်အသ့ၣ်ဆှိအ့ရ့းလီၤ. 6 ဒီးဒုးစံၣ်အီၤဒ်ဂီၤဖံးဖိအသိး,လဘၤနိၣ်ဒီးစံးရယိၣ်,ဒ်တၤဖးရံၣ်ဖိအသိးန့ၣ်လီၤ. 7 ယွၤအကလုၢ်သီၣ်မၤသ့ၣ်ဖးမ့ၣ်အူလၣ်, 8 ယွၤအကလုၢ်သီၣ်မၤဟူးဝးပှၢ်မုၢ်ကနၢ,ယွၤမၤဟူးဝးပှၢ်မုၢ်ကနၢကၤဒ့ၣ်, 9 ယွၤအကလုၢ်သီၣ်ဒုးဆံးစၢ်တၤဟိအမိၢ်,ဒီးမၤကရ့ဒ့ပှၢ်လၢ်ကျါအသ့ၣ်န့ၣ်လီၤ.ဒီးလၢအနူၢ်ပူၤန့ၣ်တၢ်ခဲလၢာ်စံး,တၢ်လၤကပီၤန့ၣ်လီၤ.

10 ယွၤဆ့ၣ်နီၤလၢထံလုာ်ဘၢတၢ်အဖီခိၣ်,ဒီးယွၤဆ့ၣ်နီၤစီၤပၤလီၤထူလီၤယိာ်လီၤ.

11 ယွၤကဟ့ၣ်လီၤအပှၤဂီၢ်မုၢ်လၢတၢ်အဂံၢ်အဘါလီၤ.ယွၤကဆိၣ်ဂ့ၤအပှၤဂီၢ်မုၢ်လၢတၢ်ဃူတၢ်ဖိးလီၤ.