Psa 54 | KswSKMB | STEP | လၢတၢ်အခိၣ်အဂီၢ်လၢနီၣ်ဒ့တၢ်အဂီၢ်,လၢပှၤစံဖးဖိလဲၤဆူစီၤစီလူးအအိၣ်ဒီးစံးဘၣ်အီၤ,စီၤဒၤဝံးပာ်ခူသူၣ်အသးဒီးပှၤတမ့ၢ်ဘၣ်ဧါန့ၣ်,စီၤဒၤဝံးအသိၣ်တၢ်. ယွၤဧၢ,အုၣ်က့ၤခီၣ်က့ၤယၤလၢနမံၤ,ဒီးစံၣ်ညီၣ်န့ၢ်ယကွီၢ်လၢနစိနကမီၤတက့ၢ်.

‏ Psalms 54

လၢတၢ်အခိၣ်အဂီၢ်လၢနီၣ်ဒ့တၢ်အဂီၢ်,လၢပှၤစံဖးဖိလဲၤဆူစီၤစီလူးအအိၣ်ဒီးစံးဘၣ်အီၤ,စီၤဒၤဝံးပာ်ခူသူၣ်အသးဒီးပှၤတမ့ၢ်ဘၣ်ဧါန့ၣ်,စီၤဒၤဝံးအသိၣ်တၢ်.

1 ယွၤဧၢ,အုၣ်က့ၤခီၣ်က့ၤယၤလၢနမံၤ,ဒီးစံၣ်ညီၣ်န့ၢ်ယကွီၢ်လၢနစိနကမီၤတက့ၢ်. 2 ယွၤဧၢ,ကနၣ်ယဘါထုကဖၣ်တၢ်,ဒီးဒိကနၣ်ယထးခိၣ်အတၢ်ကတိၤတက့ၢ်. 3 အဂ့ၢ်ဒ်အံၤ,ပှၤတခီဘီမုၢ်ဖိဂဲၤဆၢထၢၣ်ထီဒါယၤ,ဒီးပှၤမၤအၢတၢ်ဃုယသးလီၤ.အဝဲသ့ၣ်တပာ်ဘၣ်ယွၤလၢအမဲာ်ညါဘၣ်.
စ့လၤ.

4 ကွၢ်ကွၢ်,ယွၤမၤစၢၤယၤ,ယွၤအိၣ်ဝဲလၢပှၤလၢအမၤစၢၤယသးတဖၣ်အကျါလီၤ. 5 ကဟ့ၣ်ကၣ်တၢ်အၢလၢယဒုၣ်ယဒါတဖၣ်,မၤဟးဂီၤကွံာ်အီၤလၢနတၢ်မ့ၢ်တၢ်တီတက့ၢ်. 6 ယကလုၢ်နၤလၢတၢ်လၢယမၤဘူၣ်ဒၣ်တၢ်,ယကစံးထီၣ်ပတြၢၤနမံၤ,ယွၤဧၢ,အဂ့ၢ်ဒ်အံၤ,မ့ၢ်အဂ့ၤလီၤ. 7 အဂ့ၢ်ဒ်အံၤ,မၤပူၤမၤဖျဲးလံယၤလၢတၢ်ကိၢ်တၢ်ဂီၤခဲလၢာ်အပူၤ,ဒီးယမဲာ်ထံၣ်လံတၢ်ဘၣ်ယသးလၢယဒုၣ်ယဒါတဖၣ်အလိၤလီၤ.