Psalms 95
1ဟဲ,သးဝံၣ်သကိးယွၤတက့ၢ်.သးခုဒီးကိးထီၣ်သကိးပတၢ်အုၣ်က့ၤခီၣ်က့ၤအလၢၢ်တက့ၢ်. 2လဲၤသကိးဆူအမဲာ်ညါအိၣ်ဒီးတၢ်စံးထီၣ်ပတြၢၤ,ဒီးကိးထီၣ်သကိးအိၣ်ဒီးတၢ်သးဝံၣ်တက့ၢ်. 3အဂ့ၢ်ဒ်အံၤ,ယွၤမ့ၢ်ကစၢ်ဖးဒိၣ်,ဒီးစီၤပၤဖးဒိၣ်တဂၤလၢကစၢ်ခဲလၢာ်အဖီခိၣ်လီၤ. 4ဟီၣ်ခိၣ်အတၢ်ယိာ်ပူၤအိၣ်လၢအစုပူၤ,ဒီးကစၢၢ်ကလိအလီၢ်ထီၣ်ထီတဖၣ်န့ၣ်မ့ၢ်အတၢ်လီၤ. 5ပီၣ်လဲၣ်န့ၣ်မ့ၢ်အတၢ်,ဒီးတ့လီၤဝဲ,ဒီးခိန့ၣ်မၤဝဲလၢအစုလီၤ. 6ဟဲ,ဘူၣ်ထီၣ်ဘါထီၣ်သကိး,ဒီးတီၤလီၤသကိးတက့ၢ်.ချံးလီၤသကိးပခီၣ်လၢယွၤလၢအတ့လီၤပှၤအမဲာ်ညါတက့ၢ်. 7အဂ့ၢ်ဒ်အံၤ,အဝဲဒၣ်မ့ၢ်ပကစၢ်,ဒီးပဝဲဒၣ်ပမ့ၢ်အတၢ်အီၣ်ဆၣ်အလီၢ်အပှၤဂီၢ်မုၢ်,အစုအသိတဖုလီၤ.လၢမုၢ်မဆါတနံၤအံၤသုမ့ၢ်ဒိကနၣ်အကလုၢ်, 8မၤကိၤထီၣ်သုသးဒ်လၢတၢ်ပူထီၣ်အပူၤအသိး,ဒ်လၢတၢ်လ့ပစီအမုၢ်နံၤလၢပှၢ်မုၢ်ကနၢအသိးန့ၣ်တဂ့ၤ. 9ဖဲန့ၣ်သုပၢ်လ့ပစီယၤ,မၤကွၢ်ယၤ,ဒီးထံၣ်ဘၣ်စ့ၢ်ကီးယမၤတၢ်လီၤ. 10ယသူၣ်ကိၢ်ယသးဂီၤအနံၣ်လွံၢ်ဆံလၢပှၤတစိၤန့ၣ်အဃိလီၤ.ဒီးယစံး,အဝဲသ့ၣ်မ့ၢ်ပှၤဂီၢ်မုၢ်လၢအဟးဖျိးတၢ်လၢအသး,ဒီးတသ့ၣ်ညါဘၣ်ယကျဲဘၣ်. 11ယဆိၣ်တၢ်လၢယသးထီၣ်အပူၤလၢပှၤတဖၣ်န့ၣ်တလဲၤနုာ်ဘၣ်ဆူယတၢ်အိၣ်ဘှံးအပူၤဘၣ်.
Copyright information for
KswSKMB