Zec 9 | KswSKMB | STEP | တၢ်အကလုၢ်လီၤ,ယွၤအကလုၢ်ထီဒါဃၤဒြး,ဒီးဒၤမ့ၤစ့းကမ့ၢ်အအိၣ်ဘှံးအလီၢ်လီၤ.အဂ့ၢ်ဒ်အံၤ,ပှၤကညီဒီးအံၣ်စရ့လးအပှၤဒူၣ်ဖိခဲလၢာ်ဒိးအမဲာ်ဆူယွၤအအိၣ်လီၤ.

‏ Zechariah 9

1 တၢ်အကလုၢ်လီၤ,ယွၤအကလုၢ်ထီဒါဃၤဒြး,ဒီးဒၤမ့ၤစ့းကမ့ၢ်အအိၣ်ဘှံးအလီၢ်လီၤ.အဂ့ၢ်ဒ်အံၤ,ပှၤကညီဒီးအံၣ်စရ့လးအပှၤဒူၣ်ဖိခဲလၢာ်ဒိးအမဲာ်ဆူယွၤအအိၣ်လီၤ. 2 ဒီးဃမါသးလၢအအိၣ်ဝဲလၢအဃၢၤ,ဒီးစိၢ်ဒီးစံဒိၣ်လၢအကူၣ်တၢ်သ့ဖးဒိၣ်အဃိလီၤ.

3 ဒီးစိၢ်မ့ၢ်မၤထီၣ်တိာ်တဖျၢၣ်လၢအဂီၢ်ဒၣ်ဝဲ,ဒီးပာ်ဖှိၣ်စ့ဒ်ဟီၣ်ခိၣ်အကမူၣ်အသိး,ဒီးထူစီဒ်ကျဲအကပံာ်အသိးန့ၣ်ဘၣ်ဆၣ်ဒီး, 4 ကွၢ်ကွၢ်,ယွၤကဟီထီၣ်ကွံာ်အီၤဒီးကတ့ၢ်လီၤကွံာ်အစုလီၢ်အခီၣ်ခိၣ်လၢပီၣ်လဲၣ်ပူၤ,ဒီးမ့ၣ်အူကအီၣ်ကွံာ်အီၤအကစၢ်ဒၣ်ဝဲန့ၣ်လီၤ.

5 အၤၡကလိၣ်ကထံၣ်ဘၣ်ဝဲ,ဒီးပျံၤတၢ်,ဂါစၤစ့ၢ်ကီးဒီးကဘၣ်တၢ်ဆိးကဲးဖးဒိၣ်,ဒီးဧ့ကြိၣ်စ့ၢ်ကီးလီၤ.အဂ့ၢ်ဒ်အံၤ,အတၢ်မုၢ်လၢ်န့ၣ်ကမဲာ်ဆှးလီၤ.ဒီးစီၤပၤကဟါမၢ်လၢဂါစၤအပူၤ,ဒီးပှၤတအိၣ်တဆိးလၢၤဘၣ်လၢအၤၡကလိၣ်အပူၤဘၣ်.

6 ဒီးပှၤဒၢသမူအဖိကအိၣ်လၢအၤစဒိးအပူၤ,ဒီးယကဒီၣ်တဲာ်ကွံာ်ပှၤဖလ့ၡသးဖိအတၢ်ပာ်အသးထီၣ်ထီန့ၣ်လီၤ. 7 ဒီးယကဟံးထီၣ်ကွံာ်အသွံၣ်လၢအကိာ်ပူၤ,ဒီးအတၢ်သးဘၣ်အၢလၢအမဲအကဆူးအပူၤ,ဒီးအဝဲဒၣ်ကအိၣ်လီၤတဲာ်ဝဲလၢပကစၢ်အဂီၢ်စ့ၢ်ကီး,ဒီးကမၤသးဒ်ပဒိၣ်ဖးဒိၣ်အသိးလၢယူဒၤအပူၤ,ဒီးပှၤဧ့ကြိၣ်ဖိကမၤသးဒ်ပှၤယဘူၣ်ဖိအသိးန့ၣ်လီၤ.

8 ဒီးယကသူၣ်ဒဲလၢယဟံၣ်အဃၢၤလၢပှၤသုးမုၢ်အဃိ,ဒ်သိးပှၤသုတခီဂာ်ဝဲ,ဒီးဟဲက့ၤတဂ့ၤ.ဒီးပှၤမၤအၢတၢ်တခီဂာ်လၢၤဘၣ်အီၤဘၣ်.အဂ့ၢ်ဒ်အံၤ,ခဲကနံၣ်အံၤယကွၢ်တၢ်လၢယမဲာ်လီၤ.

9 စံယိၣ်အဖိမုၣ်ဧၢ,သူၣ်ဖှံသးညီဒိၣ်ဒိၣ်ကလဲာ်တက့ၢ်.ယရူၤၡလ့ၣ်အဖိမုၣ်ဧၢ,ကိးပသူထီၣ်တက့ၢ်.ကွၢ်ကွၢ်,နစီၤပၤဟဲဆူနအိၣ်လီၤ.တီဝဲလိၤဝဲ,ဒီးအုၣ်က့ၤခီၣ်က့ၤတၢ်လီၤ.အသူၣ်စူၤအသးစူၤ,ဒီးဒိးကသ့ၣ်ယီၤ,ကသ့ၣ်ယီၤအသးစၢ်ဒၣ်လဲာ်,ကသ့ၣ်ယီၤမိၢ်အဖိလီၤ.

10 ဒီးယကဒီၣ်တဲာ်ကွံာ်လ့ၣ်ကဟၣ်လၢအ့ဖရဲၣ်အပူၤ,ဒီးကသ့ၣ်လၢယရူၤၡလ့ၣ်အပူၤ,ဒီးဒုးတၢ်အချံၣ်ကဘၣ်တၢ်ဒီၣ်တဲာ်ကွံာ်အီၤလီၤ.ဒီးအဝဲဒၣ်ကမၤလိာ်တၢ်ဃူတၢ်ဖိးလၢပှၤကလုာ်တဖၣ်,ဒီးအပၢတၢ်ကအိၣ်လၢပီၣ်လဲၣ်တပူၤပၢၢ်လၢပီၣ်လဲၣ်တပူၤ,ဒီးလၢထံမိၢ်ပှၢ်ပၢၢ်လၢဟီၣ်ခိၣ်အကတၢၢ်လီၤ.

11 ဒီးယဒုးဟဲထီၣ်နပှၤဃိာ်ဖိလၢတၢ်ပူၤဖဲထံတအိၣ်ဘၣ်,လၢနဂီၢ်စ့ၢ်ကီး,လၢတၢ်အၢၣ်လီၤအီလီၤအတၢ်သွံၣ်အဃိလီၤ.

12 တၢ်မုၢ်လၢ်အပှၤဃိာ်ဖိသ့ၣ်ဧၢ,ဟဲက့ၤဆူတိာ်ဧိၤတာ်ဧိၤအအိၣ်တက့ၢ်.တၢ်လၢမုၢ်တနံၤအံၤဒၣ်လဲာ်,ယစံးဘၣ်တဲဘၣ်သုလၢယကဟ့ၣ်ကၣ်သုတၢ်ခံစးလီၤ.

13 အဂ့ၢ်ဒ်အံၤ,ယသူထီၣ်ယူဒၤလၢယဂီၢ်ဒၣ်ယဲ,ဒီးယမၤပှဲၤယချံၣ်လၢအ့ဖရဲၣ်,ဒီးယကထိၣ်ဂဲၤနဖိခွါတဖၣ်,စံယိၣ်ဧၢ,ထီဒါနဖိခွါတဖၣ်,ယၤဝၣ်ဧၢ,ဒီးယကပာ်နၤဒ်ပှၤအဆူၣ်တဂၤအနးတဘ့ၣ်အသိးန့ၣ်လီၤ.

14 ဒီးယွၤကအိၣ်ဖျါလၢအဖီခိၣ်,ဒီးအပျၢ်ကလဲၤထီၣ်ဒ်လီဝၢ်ဒံးအသိးန့ၣ်,ဒီးကစၢ်ယွၤကအူကွဲၤ,ဒီးကလဲၤထီၣ်ဒီးကလံၤသဝံးလၢကလံၤထံးတခီအပူၤလီၤ.

15 တၢ်သုးမုၢ်ဂီၢ်မုၢ်အယွၤကအိၣ်ပှိၤအီၤ,ဒီးအဝဲသ့ၣ်ကအီၣ်တၢ်,ဒီးယီၢ်တံၢ်လီၤနီၣ်ဘျုးအလၢၢ်တဖၣ်,ဒီးကအီတၢ်,ဒီးသီၣ်ထီၣ်ဒ်ပှၤလၢအအီစပံးထံအသိး,ဒီးကပှဲၤဝဲဒ်သလၢအသိး,ဒ်တၢ်လုၢ်လီၢ်အနၢၤအသိးန့ၣ်လီၤ.

16 ဒီးယွၤအကစၢ်ကအုၣ်က့ၤခီၣ်က့ၤအပှၤဂီၢ်မုၢ်,တၢ်လၢမုၢ်တနံၤန့ၣ်ကအုၣ်က့ၤခီၣ်က့ၤအီၤဒ်သိဒီးမဲာ်တဲးလဲးအသိးန့ၣ်လီၤ.အဂ့ၢ်ဒ်အံၤ,ကမၤသးဒ်ခိၣ်သလုးအတၢ်မျၢ်တဖၣ်အသိးန့ၣ်ယူာ်ထီၣ်ထီအသးလၢအကီၢ်အဖီခိၣ်န့ၣ်လီၤ. 17 အတၢ်ဂ့ၤန့ၣ်မ့ၢ်အဆံးဒိၣ်လဲၣ်.အဃံအလၤန့ၣ်မ့ၢ်အဆံးဒိၣ်လဲၣ်.ဘုဧိၤဟုဧိၤကဒုးဒိၣ်ထီၣ်ပှၤဖိၣ်သၣ်ခွါ,ဒီးစပံးထံအသီကဒုးဒိၣ်ထီၣ်ပှၤမုၣ်လိၣ်ဘိလီၤ.