Col 3:22-25 | KxfSCKRC | STEP | Jû sî꤮ gana̤de lǒkho sîběcǎ toǒ ayo̤ dě ta̤lǒ̤꤮ bò akû nî̌꤮. Sî sò̌yṳ nî̤bǎ a ta̤htû̌sò̌ǐ sî dě sî ma̤wǒ lǒkho pwǎpǒ̤ a lo̤mo̤ pwǎ. Ma̤ lǒkho pûma̤ hǐnu ma̤ nî̌꤮. Ma̤wǒ lǒkho pṳ̂̌꤮ taplǎ ta ta̤sò̌phlǒcǒ sò̌phlǒtè̤ akû nî̌꤮. Ma̤tè̤hî̌dě sî bè̌dubè̌na̤ lǒkho Cǒmara akhû̌akhî, tûrû̌ ma̤wǒ lǒkho nî̌꤮.

‏ Colossians 3:22-25

22 Jû sî꤮ gana̤de lǒkho sîběcǎ toǒ ayo̤ dě ta̤lǒ̤꤮ bò akû nî̌꤮. Sî sò̌yṳ nî̤bǎ a ta̤htû̌sò̌ǐ sî dě sî ma̤wǒ lǒkho pwǎpǒ̤ a lo̤mo̤ pwǎ. Ma̤ lǒkho pûma̤ hǐnu ma̤ nî̌꤮. Ma̤wǒ lǒkho pṳ̂̌꤮ taplǎ ta ta̤sò̌phlǒcǒ sò̌phlǒtè̤ akû nî̌꤮. Ma̤tè̤hî̌dě sî bè̌dubè̌na̤ lǒkho Cǒmara akhû̌akhî, tûrû̌ ma̤wǒ lǒkho nî̌꤮. ^a 23 Sî ma̤ ta̤hî̌tètè̌꤮ bǎbǎ, bè̌ lǒkho sî sò̌phlǒ pwǐ sî ma̤ Běcǎ ata̤ma̤nu, dě ma̤ sapwa̤ lǒkho. Gènè̤ lǒkho pûma̤ pwǐ sî ma̤ bǎ kòyòhǎkhû̌phû̌ ata̤ma̤nu ma̤ nî̌꤮. 24 Ma̤wǒ lǒkho sî ta̤ma̤ nî̌꤮, ma̤tè̤hî̌dě sî sî̌ya ta Běcǎ ǐ sî û̌cata̤bî̌ pwǐ sî ma̤nu pě. Běcǎ htě sî ma̤ bǎ yǎ htǒotapwa̤ numî̌ Běcǎ Khrî̌stu htǒonuhǒ. 25 Cǒmara cèrò kòyò htě a ma̤sǔta̤nu toǒ pě. Cǒmara cèrò ta̤nu a kè̌dû̌ kè̌pî̌tî̌ tò̤. ^b