Gen 1:14-18 | KxfSCKRC | STEP | Cǒmaradû̌ hî̌po̤, “Ma̤pûhǐ lṳmṳkhǐ ta lṳmṳsha bè̌khǒnû̌û ayanu ta̤lî htûhtò̌ mò̌ mǒla̤nu, dě noma̤dòǐlṳ te̤bǎte̤to bǎ kò ta ta̤akhîakha, mṳni̤mṳsa ta něla toǒ.

‏ Genesis 1:14-18

14 Cǒmaradû̌ hî̌po̤, “Ma̤pûhǐ lṳmṳkhǐ ta lṳmṳsha bè̌khǒnû̌û ayanu ta̤lî htûhtò̌ mò̌ mǒla̤nu, dě noma̤dòǐlṳ te̤bǎte̤to bǎ kò ta ta̤akhîakha, mṳni̤mṳsa ta něla toǒ. 15 Dě ta̤lî htǒo lîhtò̌ mò̌ mǒla̤ dě lî shěrakhalò̤ bǎ mò̌ hǎkhû̌ bǎo.” Dě a htûhtò̌bò pwǐ a hî̌nu. 16 Cǒmaradû̌ bǒlò̤ ta̤lîmî̌kodû̌ ginǐ̤ma, a lîshěkhlo tama mî̌ lṳmṳ htǒo dě a nolî nû̌û lṳmṳsha, a lîjakhlo tama mî̌ la htǒo dě a nolî nû̌û lṳmṳkhǐ, dě a bǒlò̤po̤ shǎ sîtoǒ. 17 Ma̤pûhǐ ta̤lî lîshěrakhalò̤ bǎ hǎkhû̌ ayanu, Cǒmaradû̌ bè̌ǒ ta̤lîmî̌kodû̌ toǒ dě mǒla̤. 18 Htohǒtò̤ a bè̌ǒ ta̤lî htǒotoǒ dě a glè pǒǐ lṳmṳkhǐ ta lṳmṳsha dě a bè̌khǒkè tû̌ ta̤khǐ ta ta̤lî. Dě Cǒmaradû̌ kè̌shǐ ata̤ma̤htǒo mî̌ awǒ dě asò̌phlǒmo̤ mè̤mè̤̌.